Chapter Title : സിൽക്ക് സാരി 10 [Amal Srk] [Climax]

ഈ നേരം മാളവിക മുറിയിലേക്ക് കടന്നു വന്നു. ഭംഗിയുള്ള സെറ്റ് സാരിയാണ് അവളുടെ വേഷം. കണ്ണൊക്കെ എഴുതി, ചുണ്ടൊക്കെ മിനുക്കി വളരെ ഭംഗിയുണ്ട് കാണാൻ.

“ ഞാൻ ക്ഷേത്രത്തിൽ പോയിട്ട് വരാം അമ്മേ. അവനോട് സോറി പറയണം, താങ്ക്സും.. “

“ മോള് പോയിട്ട് വാ.. മനസ്സ് തുറന്ന് സംസാരിക്ക്. നമ്മടെ ജീവിതത്തിലെ ഇരുണ്ട കാലം അവസാനിച്ചു. നിങ്ങടെ സന്തോഷം അതാണ് അമ്മയ്ക്ക് എനി വേണ്ടത്.. “ നിരുപമ മാളവികയുടെ നെറ്റിയിൽ ഉമ്മ വച്ചുകൊണ്ട് പറഞ്ഞു. മാളവിക തിരിച്ചും അമ്മയെ കെട്ടിപിടിച്ച് ഉമ്മ നൽകി.

അമ്മയോട് യാത്ര പറഞ്ഞ ശേഷം മാളവിക ക്ഷേത്രത്തിലേക്ക് ചെന്നു.

അൽപ്പം കഴിഞ്ഞ് ഗോഹുൽ നിരുപമയുടെ അടുത്തേക്ക് ചെന്നു. തല താഴ്ത്തിയാണ് അവന്റെ നിൽപ്പ്.

“ മ്മ്.. എന്താ കാര്യം..? “ നിരുപമ ചോദിച്ചു.

“ എന്നോട് ക്ഷമിക്ക് അമ്മേ.. എനിക്ക് എനിയും ഇങ്ങനെ ഒറ്റപ്പെട്ട് ജീവിക്കാൻ വയ്യ. ചെയ്ത തെറ്റിന് എങ്ങനെ പ്രായശ്ചിത്തം ചെയ്യണമെന്ന് അറിയില്ല. എനിക്ക് അമ്മയെയും, അനിയത്തിയെയും പഴയ പോലെ വേണം. നഷ്ട്ടപ്പെട്ട സ്നേഹം തിരിച്ചു വേണം.. പ്ലീസ് 🥺…” ഗോഹുൽ നിറ കണ്ണുകളോടെ പറഞ്ഞു.

നിരുപമ പയ്യെ അവന്റെ അടുത്തേക്ക് ചെന്നു. “ നിന്നെ എനി പഴയ പോലെ കാണാൻ സാധിക്കുമോ എന്നെനിക്ക് അറിയില്ല. പക്ഷെ ഞാൻ ശ്രമിക്കാം. എക്സാമിന് എനി അധിക നാളൊന്നും ഇല്ല. നീ ഫൈനൽ ഇയറാ. നല്ലോണം പഠിച്ചു പാസ്സ് ആവാൻ നോക്ക്. എന്നിട്ട് ദൂരെ എങ്ങോട്ടേലും പൊക്കോ.. കാലം മായ്ക്കാത്ത മുറിവുകളൊന്നും ഇല്ലല്ലോ. ശെരിയാവുമായിരിക്കും എല്ലാം.. “

അടുത്ത നിമിഷം തന്നെ