Chapter Title : സൂര്യ വംശം 3 [സാദിഖ് അലി]

കാത്ത് ഷൗക്കത്ത് ഉണ്ടായിരുന്നു.. വന്നിറങ്ങിയതും ഷൗക്കത്ത്.. "ആ അളിയാ... എല്ലാവരും വന്നിട്ടുണ്ട്.." "എവിടാ.. ".. അൻവർ ചോദിച്ചു.. " മുകളിൽ.., കൺഫെഷൻ ഹാളിൽ." ഷൗക്കത്ത് മറുപടി കൊടുത്തു.. അവർ അങ്ങോട്ട് നടന്നു.. ബഡാഭായ് എന്ന് വിളിക്കപെടുന്ന ഒരു തിമ്മിംഗലമാണു ഇതിന്റെ പിന്നിലെന്നും.. അയാളുടെ കയ്യാളായ ഒരു മാർവാടി യെ ആണു ഇന്ന് കാണുന്നതെന്നും ഷൗക്കത്ത് അൻവറിനെ അറിയിച്ചു.. അവിടെ കൺഫെഷൻ ഹാളിൽ , സംസ്ഥാനം ഭരിക്കുന്ന മന്ത്രിയടക്കം കുറച്ച് പേർ.. അൻവറും ഷൗക്കത്തും അങ്ങോട്ട് കയറി .. "ആ എം എൽ എ സർ.. വരൂ.. ഇരിക്ക്"..

വക്കീൽ കോട്ടിട്ട ഒരുത്തൻ അൻവറിനോട്.. അൻവർ , അവിടെ നിരത്തിയിട്ടിട്ടുള്ള‌ കസേകളിലൊന്നിൽ ഇരുന്നു.. " ഞാൻ അഡ്വക്കേറ്റ് ഗോവിന്ദ് ആചാര്യ. ലീഗൽ അഡ്വൈസറാണു. ഇദ്ധേഹം സുശീൽ ഭായ്." വക്കീൽ കോട്ടിട്ടവൻ, തൊട്ടടുത്ത് ഇരുന്നിരുന്ന സിൽക്കിന്റെ ജുമ്പയണിഞ്ഞ മാർവാടിയെ കാണിച്ചുകൊണ്ട് അൻവറിനോട് പറഞ്ഞു.. ആചാര്യ തുടർന്നു.. " ഇരുപത് ഏക്കർ സ്ഥലമാണത്.. പല വ്യ്ക്തികളുടെ പേരിലുള്ള സ്ഥലം. അത് മൊത്തമായി ഞങ്ങളുടെ കമ്പനി വാങ്ങുന്നു.. അവിടെ ഒരു ആയുർവേദ റിസോർട്ട് ആണു പ്ലാൻ... സർക്കാരിന്റെ അനുമതിയൊക്കെ‌ കിട്ടിയതാണു.. വിൽക്കാനും അവർ തയ്യാറാണു..പക്ഷെ പ്രശ്നം മറ്റൊന്നാണു.." അൻവർ ആകാംഷയോടെ.. "ആ പ്രശ്നം , സ്ഥലം എം എൽ എ യും ലോക്കൽ രാഷ്റ്റ്രീയത്തിൽ ഒരുപാട് സ്വാധീനവും ഉള്ള അൻവറിനെകൊണ്ടെ തീർക്കാൻ പറ്റൂ ..". അചാര്യ പറഞ്ഞു.. " തന്നെയുമല്ല.. ഞങ്ങളുടെ പാർട്ണർ ആയ ഷൗക്കത്തിന്റെ അളിയനുമാാണല്ലൊ താങ്കൾ.." അയാൾ വീണ്ടും... "ഉം". അൻവറൊന്ന് മൂളി.. " എന്താണു പ്രശ്നം"?.. അൻവർ ചോദിച്ചു..