Chapter Title : സൂര്യ വംശം 3 [സാദിഖ് അലി]

പ്രകൃതിയുടെ ഏറ്റവും മനോഹരമായ മുഖം അവിടെ ദൃശ്യമാകും. ആശ്രമത്തിനു ചുറ്റും കൊടും കാട്. അവിടെത്തെ അന്തേവാസികളുമായി പൊരുത്തപെട്ട് പോകുന്ന കാട്ടു മൃഗ്ഗങ്ങളും.. കാട്ടരുവികളും വെള്ളച്ചാട്ടവും വലിയ വലിയ വൃക്ഷങ്ങളും കണ്ണിനു വിരുന്നേകുന്നു. കഴിഞ്ഞ നാലു ദിവസമായി അഞ്ചലി ഇവിടെയാണു. നാലുദിവസം കൊണ്ട് തന്നെ അവൾ ഇവിടുള്ളവർക്ക് പ്രിയപെട്ടവളായി മാറി.. ബസ് അപകടത്തിൽ തലക്ക് ഗുരുതരമായി പരിക്ക് പറ്റിയ അഞ്ചലിക്ക് ആശ്രമ മരുന്നുകൾ പുതുജീവൻ പെട്ടന്ന് നൽകുകയായിരുന്നു.. അത്രക്ക് ഗുണമേന്മ ഇവിടുത്തെ പച്ച മരുന്നു കൾക്ക് ഉണ്ടായിരുന്നു. പിറ്റേന്ന് പുലർക്കാലം... ചുറ്റും കൊടും കാട്.... കാട്ടു മൃഗങ്ങളുടെ ശബ്ദങ്ങൾ...ഒഴുകിവരുന്ന കാട്ടരുവിയുടെ മനം കുളിർപ്പിക്കുന്ന സംഗീതം... തൊട്ടടുത്ത് വെള്ളച്ചാട്ടത്തിന്റെ ഇരമ്പൽ... ശാന്തസുന്ദരമായ പ്രകൃതി, നവവധുവിനെ പോലെ ഒരുങ്ങി നിൽക്കുന്നു. കണ്ണിനു കുളിർമ്മയേകുന്ന സുന്ദര കാഴ്ച്ച കളും നറുമണം വീശുന്ന ചെറുകാറ്റും... ഇലകൾക്കിടയിലൂടെ തെന്നിതെറിച്ചുവരുന്ന പുലർകാല, ഉദിച്ചുയരുന്ന സൂര്യ രശ്മികൾ. എല്ലാം അഞ്ചലിക്ക് പുതുമയേകി. ആദ്യമായ് ജനിച്ചുവീണ ഒരു കുഞിനെ പോലെ അവൾ അതെല്ലാം ആശ്ചര്യത്തോടെ കണ്ടും കേട്ടും അറിഞ്ഞും അവിടെയാകെ നടന്നു.. പെട്ടന്ന് തനിക്കു നേരെ പാഞ്ഞ് വന്ന ഫാൽക്കൺ പക്ഷിയെ കണ്ട് അഞ്ചലിയൊന്ന് ഞെട്ടി.. അവൾ മുഖം കൈകൊണ്ട് പൊത്തിപിടിച്ചു.. കുറച്ച് സെക്കന്റുകൾക്ക് ശേഷം കണ്ണ് തുറന്ന അഞ്ചലിയുടെ മുമ്പിൽ , പത്ത് മീറ്റർ അപ്പുറത്ത് ഒരു മരത്തിൽ ചാരി ഒരാൾ..

അവൾ ആദ്യമൊന്ന് അമ്പരന്നെങ്കിലും അവൾക്ക് ഏതാണ്ട് അതാരാണെന്ന് മനസിലായി.. അവളിൽ ഒരു നാണം കലർന്ന ജിജ്ഞസ രൂപം കൊണ്ടു.. അയാൾ അവളുടെ അടുത്തേക്ക് പതിയെ നടന്നടുത്തു... രണ്ടുപേരുടെ ചുണ്ടുകളിലും ഒരു ചെറുപുഞ്ചിരി ഉണ്ടായിരുന്നു.. നടക്കുന്നതിനിടയിൽ അയാൾ.. "മനസിലായൊ എന്നെ"?.. അയാൾ ചോദിച്ചു.. "തനടോസ്... അല്ലെ ? മനസിലായി..". ചെറു നാണത്തോടെ അവൾ പറഞ്ഞു.. അയാൾ ഒന്ന് ചിരിച്ചു.. പെട്ടന്ന് അയാൾ അന്തരീക്ഷത്തിലേക്ക് തന്റെ വലതു കൈ നീട്ടി.. അഞ്ചലി ആകാഷയോടെ കൈകളിലേക്ക് നോക്കി.. ആ കയ്യിൽ ഒരു റോസാപുഷ്പ്പം വന്നു... അതവൾക്ക് നേരെ നീട്ടി കൊണ്ട് അയാൾ.. " സൂര്യ നാരായണ വർമ്മ...!! സൂര്യയെന്ന് വിളിക്കാം" അവളത് വാങ്ങി.. അവളുടെ ഉള്ളിൽ പ്രണയത്തിന്റെ നാമ്പ് മുളപൊട്ടി വിരിയുന്നത്