Chapter Title : സൂര്യദേവൻ്റെ ഹരിക്കുട്ടൻ??[കുട്ടൻസ്]

അയാള്‍ ചോദിച്ചു.. അവന്‍ സ്ഥലം പറഞ്ഞു കൊടുത്തു.. 'ഏട്ടനോ..?' 'എനിക്കു തന്റെ വീടും കഴിഞ്ഞു രണ്ടു കിലോമീറ്റര്‍ കൂടി പോകണം..,'അയാളും സ്വന്തം സ്ഥലം പറഞ്ഞു .. 'പക്ഷെ .. എന്റെ വീട് ഇവിടെ അല്ല.. അതു പെരിന്തല്‍മണ്ണയിലാ.. ഇവിടെ ജോലിക്കു പോകുന്നതിനുള്ള എളുപ്പത്തിനു ഒരു റൂം എടുത്തു നില്ക്കുകയാ..' അവന്‍ ഒരു പുഞ്ചിരിയോടെ പറഞ്ഞു. അയാള്‍ അവനെ നോക്കി ചിരിച്ചു. അയാളുടെ നിരയര്‍ന്ന ചെറിയ പല്ലുകള്‍ കൂട്ടിയുള്ള ചിരി അയാളുടെ ഭംഗി കൊറച്ചു കൂടി കൂട്ടിയപോലെ തോന്നി.. 'എന്താ പേര്..?' അയാള്‍ മെല്ലെ അവന്റെ വിരലിന്‍ തുമ്പില്‍ സ്പര്‍ശിച്ചുകൊണ്ട് ചോദിച്ചു.. ഒരു വിറയല്‍ ശരീരത്തില്‍ മെല്ലെ പടരുന്നത്‌ അവന്‍ അറിഞ്ഞു.. 'ഹരി..' അവന്‍ തലകുനിച്ചു പറഞ്ഞു.. 'വെറും ഹരി..? ഹരി കൃഷ്ണന്‍, ഹരി ഹരന്‍, ഹരി കുമാര്‍, ..അങ്ങനെ എന്തെങ്കിലും..? 'മം.. ഹരികുട്ടന്‍..' അവന്‍ അല്പം നാണത്തോടെ പറഞ്ഞു.. 'ഹരികുട്ടന്‍.. കൊള്ളാലോ നല്ല പേര്,, ശരിക്കും ക്യൂട്ട്..' അയാള്‍ അവന്റെ കൈയില്‍ മെല്ലെ അമര്‍ത്തി അവനോടു അല്പം ചേര്‍ന്നിരുന്നു. വെണ്ണയും ചന്ദനവും കലര്‍ന്ന മനോഹരമായ സുഗന്ധം അയാളുടെ ശരീരത്തില്‍ നിന്നും ഒഴുകി ഇറങ്ങുന്നപോലെ അവനു തോന്നി. അയാളുടെ നീണ്ട വിരലുകളുടെ അറ്റത്തെ നഖങ്ങള്‍ നേരിയ ഇരുളില്‍ മിന്നി തിളങ്ങി.. 'ഏട്ടന്റെ പേരെന്താ..?'ദേവ്.., വെറും ദേവ് അല്ല സൂര്യദേവ്..'

ഓട്ടോ ഡ്രൈവറുടെ ഒരു ഇരുത്തിയുള്ള ചുമ കേട്ടിട്ടാകണം മനസ്സില്‍ പലതും ചോദിക്കാനും പറയാനും ബാക്കി ഉണ്ടായിരുന്നിട്ടും അവന്‍ പിന്നെ ഒന്നും ചോദിച്ചില്ല. 'ദേവേട്ടന്‍.. ..' അവന്‍ മനസ്സില്‍ പറഞ്ഞു.. അയാളുടെ ഉള്ളം കൈയില്‍ അവന്റെ കൈ ഇപ്പോഴും അമര്‍ന്നിരുന്നു. വിജനമായ വീഥിയിലൂടെ ഓട്ടോ ഏകദേശം നല്ല വേഗത്തില്‍ തന്നെ നീങ്ങി കൊണ്ടിരുന്നു. ഇതിനിടയില്‍ എപ്പോഴോ ഇവര്‍ മൊബൈല്‍ നമ്പറുകള്‍ കൈമാറിയിരുന്നു. 'ആ തിരുവിനടുത്തു ഒന്നു നിര്‍ത്തണേ.' അവന്‍ മുന്നോട്ടു കൈ ചൂണ്ടി ഡ്രൈവറോട് പറഞ്ഞു.. 'ഇവിടെആണോ ഇറങ്ങേണ്ടത്..?' അയാളുടെ ശബ്ദത്തില്‍ ഒരു നിരാശ കലര്‍ന്നപോലെ ഒപ്പം അവന്റെ ഇടം കൈയില്‍ അയാള്‍ ഒന്നുകൂടി അമര്‍ത്തി പിടിച്ചു. ഓട്ടോ നിര്‍ത്തിയതും അവനു ഇറങ്ങാനുള്ള സൌകര്യമെന്നോണം അയാള്‍ പുറത്തിറങ്ങി, പിറകെ അവനും.. അവന്‍