Chapter Title : സൂര്യനെ പ്രണയിച്ചവൾ 9 [Smitha]

പറഞ്ഞു.
ജോയല്‍ ഫയല്‍ തുറന്നു.
ഒരു പത്ത് മിനിറ്റ് നേരത്തെ പണിയാണ്.

“ജോ!”

ഗായത്രി അപ്പോള്‍ അവനെ വിളിച്ചു.

“ജോയിത് ചെയ്യ്‌. ഞാന്‍ അപ്പോഴേക്കും ആ നേഹേനേം ഹരിതേനേം ഒക്കെ ഒന്ന് കാണട്ടെ!”

ജോയല്‍ തലകുലുക്കി.
അവള്‍ ബസ്സില്‍ നിന്നുമിറങ്ങി.

ജോയല്‍ പെന്‍സില്‍ കൊണ്ട് സ്ഥലങ്ങള്‍ പ്രയോററ്റൈസ് ചെയ്യാന്‍ തുടങ്ങി.
പ്രതീക്ഷിത് പോലെ പത്ത് മിനിറ്റ് കൊണ്ട് ജോയല്‍ അത് പൂര്‍ത്തിയാക്കി.
അവന്‍ ഫയലുമായി ജയശ്രീ മാഡത്തെ കാണാന്‍ പോയി.

“ഇത്ര പെട്ടെന്ന് കഴിഞ്ഞോ?”

അവന്‍ ഫയല്‍ നീട്ടിയപ്പോള്‍ അവര്‍ അട്ഭുതത്തോടെ ചോദിച്ചു.

“കഴിഞ്ഞു മാഡം,”

അവന്‍ പറഞ്ഞു.

“ഏറ്റവും എസ്സെന്‍ഷ്യല്‍ ആയ പ്ലേസസ് മാത്രമേ ഞാന്‍ മാര്‍ക്ക് ചെയ്തിട്ടുള്ളൂ,”

“ഓക്കെ, ജോയല്‍....താങ്ക്സ്...”

ജയശ്രീ മാഡത്തിന് ഫയല്‍ കൈ മാറിയതിന് ശേഷം അവന്‍ ബസ്സിനടുത്തേക്ക് നടന്നു.
ബസ്സിനടുത്ത് ഒരു കോണ്‍ക്രീറ്റ് ബെഞ്ചില്‍ ഇരിക്കുന്ന നേഹ ശര്‍മ്മ അവനെ കണ്ടു എഴുന്നേറ്റു.

“ജോയല്‍, ഗായത്രി എവിടെ?”

ജോയല്‍ അവളുടെ ചോദ്യം കേട്ട് അമ്പരന്നു.

“ഗായത്രി നിങ്ങളെ കാണാന്‍ വരുന്നു എന്ന് പറഞ്ഞാണല്ലോ ബസില്‍ നിന്നും ഇറങ്ങിയത്!”

“ഞങ്ങളെ കാണാനോ?”

നേഹ കൂട്ടുകാരെ അമ്പരന്ന് നോക്കി.

“ഞങ്ങടെ അടുത്ത് വന്നിട്ടില്ല ജോയല്‍!”

ജോയല്‍ ചുറ്റും നോക്കി.

ഗായത്രി എവിടെപ്പോയി?

“രാമാ...”

അല്‍പ്പം അകലെ നിന്നു ഐസ്ക്രീം കഴിക്കുകയായിരുന്ന രാം ഗോപാലിന്‍റെ അടുത്തേക്ക് അവന്‍ ചെന്നു.

“എന്താടാ?”

അവന്‍റെ മുഖത്തെ അമ്പരപ്പ് കണ്ടിട്ട് രാംഗോപാല്‍ ചോദിച്ചു.

“ഗായത്രിയെ കണ്ടോടാ?”

“ഗായത്രി....”

രാം ഗോപാല്‍ ഒന്നാലോചിച്ചു.

“ആ...!”

പെട്ടെന്ന് ഓര്‍മ്മിച്ച് രാംഗോപാല്‍ പറഞ്ഞു.

“ഗായത്രി, അതിലെ പോകുന്നത് കണ്ടു...ഗായത്രി മാഡത്തോട് പെര്‍മിഷന്‍ ചോദിച്ചിട്ടാ