"വിനു... വിനു.. അതാണ് സോണിയ... ബാംഗ്ലൂരിൽ വച്ച് കെവിൻ എനിക്ക് പരിചയപ്പെടുത്തിയ ഡ്രഗ് ഡീലിങ്സ് നടത്തുന്ന അവൻ്റെ കൂട്ടുകാരി..."

"ഹേ....!!!"

Soul Mates Part 13

Author : Rahul RK | Previous Part

Episode 13 Revealing The Truths A

"അതേ വിനു.. എനിക്ക് നല്ല ഉറപ്പുണ്ട്.. ഇത് അവള് തന്നെ ആണ്.."

"ഓകെ..ഓകെ.. ഞാൻ അങ്ങോട്ട് വരാം.."

ഫോൺ കട്ട് ചെയ്തതും ഞാൻ ആകെ ഒരു ആശയകുഴപ്പത്തിൽ ആയിരുന്നു..

കെവിൻ അവൻ അല്ല.. പക്ഷേ അദ്ദേഹത്തിൻ്റെ ഭാര്യ എങ്ങനെ സോണിയ ആയി..??

ആർക്കും അറിയാത്ത എന്തോ ഒന്ന് ഇതിനിടക്ക് നടക്കുന്നുണ്ട്..

പുസ്തകത്തിൽ നിന്ന് കാണാതായ ആ താൾ കൂടി കണ്ടെത്തി ഇതിലേക്ക് കൂട്ടി ചേർത്താൽ ഈ കഥ പൂർണമാവും..

ഞാൻ വേഗം റെഡിയായി നേരെ അതിഥിയുടെ വീട്ടിലേക്ക് ആണ് പോയത്.

എന്നെ കാത്ത് അക്ഷമയായി അതിഥി നിൽക്കുന്നുണ്ടായിരുന്നു..

ഞാൻ നേരെ അവളുടെ അടുത്തേക്ക് ചെന്നു..

"അതിഥി.. താൻ ശരിക്കും നോക്കിയിട്ട് ആണോ പറഞ്ഞത്..??"

"പിന്നെ നോക്കാതെ.. എനിക്ക് നല്ല ഉറപ്പാണ് വിനു അത് അവള് തന്നെ ആണ് സോണിയ"

"ശരി.. പക്ഷേ അവളുടെ ഭർത്താവ് കെവിൻ അത്..??"

"അതല്ല യഥാർത്ഥ കെവിൻ.."

"ഓകെ..ഓകെ.. ഇത് ആകെ മൊത്തം കൺഫ്യൂഷൻ ആയല്ലോ..."

"വിനു നമുക്കറിയാത്ത എന്തൊക്കെയോ നടക്കുന്നുണ്ട്.."

"അതെ.. എന്തായാലും ഞാൻ ഓഫീസിൽ പോയിട്ട് വൈകുന്നേരം വരാം.. താൻ ടെൻഷൻ ആവാതെ ഇരിക്ക്.."

"ഉം.. ശരി.."

അങ്ങനെ ഞാൻ അതിഥിയുടെ അടുത്ത് നിന്ന് ഓഫീസിലേക്ക് പുറപ്പെട്ടു..

എങ്ങനെ എങ്കിലും ഈ രഹസ്യത്തിൻ്റെ ചുരുൾ അഴിക്കാൻ തന്നെ ഞാൻ തീരുമാനിച്ചു..

ഓഫീസിൽ എത്തിയതും തലേ ദിവസത്തെ പാർട്ടിയെ പറ്റിയും മറ്റും ആയിരുന്നു എല്ലാവരുടെയും സംസാരം...

ഞാൻ കാബിനിൽ ഇരുന്നപ്പോൾ ഓഫീസ് സിസ്റ്റത്തിൽ മെയില് വന്ന് കിടക്കുന്നത് കണ്ടു...

വരാൻ പോകുന്ന ഒരു പ്രധാന പ്രോജക്ടിൻ്റെ സുരക്ഷയുടെ ഭാഗമായി ഓഫീസ് സേർവറിലെക്ക് ലോഗ് ഇന് ചെയ്യാൻ പാസ്‌വേഡ് സെറ്റ് ചെയ്യേണ്ടത് ആവശ്യമാണ്..

പ്രോടോകോൾ പ്രകാരം അടുത്ത കുടുംബത്തിൽ ഉള്ളവരുടെ പേരോ പേഴ്സണൽ വിവരങ്ങളോ പാസ്‌വേഡ് ആയി വെക്കരുത്..

കാരണം ആ വിവരങ്ങൾ ഡാറ്റാ ബേസ് നോക്കിയാൽ ആർക്ക് വേണമെങ്കിലും കിട്ടും...

നാല് അക്ഷരം ആണ് പാസ്‌വേഡ് ആയി വെക്കേണ്ടത്... എന്ത് വെക്കണം

ഇത് മറന്നാൽ പണിയാണ്.. യാതൊരു വിധ റികവറി ഓപ്ഷനും ഉണ്ടാവില്ല.. ചെയ്തത് എല്ലാം ആദ്യം മുതലേ ചെയ്യേണ്ടി