സുഹൃത്തിന്റെ മകൾ ജ്വാല 8

Suhruthinte Makal Jwala Part 8 | Author : Sojan

[ Previous Part ] [ www.kambistories.com ]

ഫോൺ ചെയ്യുമ്പോൾ നേരിലുള്ള സ്നേഹപൂർവ്വമായ സംസാരമോ, കാമുകനോടുള്ള ചാപല്യങ്ങളോ അവൾ കാണിച്ചില്ല. സുഹൃത്തുക്കൾ അടുത്തുണ്ടായിരുന്നതിനാലായിരിക്കാം എന്ന്‌ ഞാൻ ഊഹിച്ചു.
ഒരു ദിവസം ഫോൺ ചെയ്തപ്പോൾ എന്നോട് പറഞ്ഞു. കോളേജിൽ എന്തോ ഫങ്ഷൻ ഉണ്ട്, അതിനുള്ള ഡ്രെസ്സുകൾ എടുക്കാൻ പുറത്ത് പോയിരിക്കുകയാണ് എന്ന്‌.
ഡേറ്റും അവൾ പറഞ്ഞു.
ഞാൻ : "എന്താണ് നീ അവതരിപ്പിക്കുന്ന പരിപാടി?"
ജ്വാല : "ഞങ്ങൾ ഗ്രൂപ്പ് ആയിട്ടാണ്"
ഞാൻ : "എന്ത്?"
ജ്വാല : "സിനിമാറ്റിക്ക് ഡാൻസ്"
എനിക്കത് തികച്ചും അത്ഭുതമായിരുന്നു. എന്തെന്നാൽ ജ്വാല ഒരിക്കലും സംഗീത/നൃത്താദികളിൽ താൽപ്പര്യം കാണിക്കുകയോ, അതിനേപ്പറ്റി സംസാരിക്കുകയോ, അതുമായി ബന്ധപ്പെട്ട എന്തെങ്കിലും പറയുകയോ ചെയ്തിട്ടില്ല. കൂട്ടുകാരികൾ നിർബന്ധിച്ചതിനാൽ ആയിരിക്കും - ഞാൻ അങ്ങിനെ ചിന്തിച്ചു.
ഞാൻ : "ഞാനും കാണാൻ വരട്ടെ"
ജ്വാല : "അയ്യോ വേണ്ട"
ഞാൻ : "ഉം അതെന്താടാ?"
ജ്വാല : "ഓ അത്ര നല്ലതൊന്നും ആയിരിക്കില്ല, ചേട്ടൻ കാണാൻ വന്നാൽ എനിക്ക് ചമ്മലാകും, ശരിയാകില്ല"
ഞാൻ : "എന്നാലും"
ജ്വാല : "ഇല്ല, പ്ലീസ് വേണ്ട"
ഞാൻ : "ഇല്ല ഞാൻ വരും"
ജ്വാല : "എങ്കിൽ ഞാൻ ഈ പരിപാടിയേ വേണ്ടെന്നുവയ്ക്കും" സ്വരത്തിൽ ഒരു ഘനം.!!
ഞാൻ : "എന്നാൽ ഞാൻ വരുന്നില്ല"
പിന്നെയും ഞങ്ങൾ എന്തൊക്കെയോ സംസാരിച്ചു. ഞാൻ വരില്ലാ എന്ന്‌ അവളെ വിശ്വസിപ്പിച്ചു.
അവൾ പഠിച്ചിരുന്നത് ഇ-കൊമേഴ്സ് ആയിരുന്നു.
അവരുടെ കോളേജ് ഒരു വലിയ കെട്ടിടത്തിന്റെ രണ്ടാം നിലമുഴുവനുമാണ്.
അവൾ പരിപാടി കാണാൻ വരരുതെന്ന്‌ പറഞ്ഞിരുന്നെങ്കിലും ഞാൻ രഹസ്യമായി ആ ദിവസം അവിടെ എത്തി. അവൾ എന്നെ കാണാതിരിക്കാൻ സൂക്ഷിച്ചും കണ്ടുമാണ് ഞാൻ താഴെ ജംക്ഷനിൽ നിന്നത്.
പരിപാടി തുടങ്ങി.
അവളുടെ പ്രോഗ്രാമിന്റെ അനൗൺസ്മെന്റ് കേട്ടതും ഞാൻ പതിയെ സ്റ്റെപ്പ് കയറി പിന്നിലുള്ള ആളുകളുടെ ഇടയിലൂടെ സംഭവം വീക്ഷിച്ചു. ഒരു തരം ഗ്രാമീണ ഡാൻസ് പോലാണ് എനിക്ക് തോന്നിയത്. കൈയ്യിൽ പ്ലാസ്റ്റിക്ക് ബക്കറ്റ് ഒക്കെ പിടിച്ച് എന്തോ ഒന്ന്‌. അവൾ ഡാൻസ് കളിക്കുന്നതും ഞാൻ കണ്ടു. തീരുന്നതിന് മുമ്പ് ഞാൻ പെട്ടെന്ന്‌ പുറത്തിറങ്ങി. താഴെ ഒരു കടയിൽ പോയി സിഗററ്റ് വലിച്ചു.
അവൾ ഉള്ള ആ സ്ഥലത്തു നിന്നും പോകാനുള്ള മടികാരണമായിരിക്കാം എന്തോ നഷ്ടപ്പെട്ടതു പോലെ ചുറ്റിപ്പറ്റി നിന്നു.
ജ്വാലയുടെ സ്വഭാവം അറിയാവുന്നതിനാൽ എന്നെ അവൾ കാണരുതെന്നത് ആയിരുന്നു എന്റെ പ്രഥമ പരിഗണന.
പിന്നീട് മറ്റാരുടെയൊക്കെയോ ഗാനങ്ങൾ തുടങ്ങി.
"അടുത്തതായി ജ്വാല സതീശൻ പാടുന്നു"
ഞാൻ ഒന്നു കൂടി ചെവിവട്ടം പിടിച്ചു, ഞാൻ കേട്ടത് സത്യമാണോ?
അപ്പോഴേയ്ക്കും പാട്ട് തുടങ്ങി.
മൈക്കിലൂടെ കേൾക്കുന്നതിനാൽ എനിക്ക് സ്വരം മനസിലായില്ല, അല്ലെങ്കിലും ഞാൻ കേട്ടതല്ലായിരുന്നല്ലോ സത്യവും!!
ഞാൻ തിരിച്ചോടി സ്റ്റെപ്പുകൾ കയറി.
അത് ജ്വാല തന്നെ, ഡാൻസിന് ധരിച്ച ഡ്രെസ്സിട്ടാണ് പാടുന്നതെന്നു മാത്രം.
അതിമനോഹരമായി പാടുന്നു.
ഞാൻ വാ പൊളിച്ചു നിന്നു.!!