Chapter Title : സുഹൃത്തിന്റെ മകൾ ജ്വാല 8 [Sojan]

ടീപ്പോയിയുടെ ചുറ്റും ആളുകൾ, ചീട്ടുകൾ, മദ്യക്കുപ്പി.
ഭാഗ്യത്തിന് സ്പടികത്തിലെ പോലെ തുണിയുടുക്കാത്ത പെണ്ണുങ്ങളുടെ ചീട്ടല്ലായിരുന്നു എന്നു മാത്രം.
ജ്വാല : "ഇതാ നിങ്ങളുടെ ലാപ്പ് ടോപ്പ് റിപ്പയറിങ്ങ്?" എല്ലാവരേയും അവളൊന്ന്‌ കണ്ണിലാൽ ഉഴിഞ്ഞു.
സത്യത്തിൽ 'മാലു മഹാദേവന്റെ' റൂമിൽ വന്ന പോലെ എല്ലാവരും ഞെട്ടി.
ആരും ഒന്നും മിണ്ടുന്നില്ല.
ആഷിക്കൊഴികെ ബാക്കി ആർക്കും ജ്വാലയെ അറിയുക പോലുമില്ല.
"ഇ'ദി'പ്പം ഈ പെണ്ണ് എവിടുന്ന്‌ കുറ്റീം പറിച്ചു വന്നപ്പനേ" എന്നമട്ടിലാണ് എല്ലാവരുടേയും നോട്ടം.
ആരെ അന്വേഷിച്ച് വന്നതാണെന്നും മറ്റ് ഉടായിപ്പുകൾക്ക് പിടികിട്ടിയില്ല.
ജ്വാലയെ അത്യാവശ്യം പേടിയായതിനാൽ ആഷിയും ഒന്നും മിണ്ടുന്നില്ല.
ഞാൻ എഴുന്നേറ്റ് അവളുടെ അടുത്തേയ്ക്ക് ചെന്നു.
ഞാൻ : "സിസ്റ്റം നോക്കാൻ പോകുകയായിരുന്നു"
ജ്വാല : "പോകാൻ ഈ ഡ്രെസ് മതിയോ" എന്നതായിരുന്നു എന്നോടുള്ള ചോദ്യം. ഒന്ന്‌ പരുങ്ങി ഞാൻ മറുപടി പറഞ്ഞു.
ഞാൻ : "മതി"
ജ്വാല : "'എങ്കി' മതി ബാ"
എല്ലാവരേയും തിരിഞ്ഞൊന്ന്‌ ഞാൻ നോക്കി, മണ്ടശിരോമണികൾ വായും പൊളിച്ചിരിക്കുമ്പോൾ ഞാൻ ബൈക്കിന്റെ ചാവിയും എടുത്ത് അവളോടൊപ്പം താഴേയ്ക്ക് പോന്നു. ആരും ഒന്നും മിണ്ടിയില്ല. എങ്കിലും എല്ലാവരുടേയും മുഖത്ത് ഗൂഡമന്ദഹാസം!.
ഒരു വശത്തു കൂടി നല്ല ജാള്യത, അമറുവശത്തു കൂടി അങ്ങേയറ്റത്തെ സന്തോഷം.
അവൻമാർ ഇനി എന്നെ ഒരു പുരുഷനായി പോലും കൂട്ടുമോ എന്നതായിരുന്നു ജാള്യതയുടെ കാരണം.
ഒരു ബന്ധവുമില്ലാതെ ഒരു പെണ്ണുവന്ന്‌ എന്നെ കൂട്ടിക്കൊണ്ട് പോകുമോ? ഒരു കരാർ എഴുതി ഒപ്പിട്ടപോലായില്ലേ നാലുപേരുടെ മുന്നിൽ? അതിനാൽ സന്തോഷംകൊണ്ട് എനിക്ക് തുള്ളിച്ചാടണം എന്ന്‌ തോന്നി. പക്ഷേ ജ്വാലയുടെ ഭ്തസനങ്ങൾ ഉണ്ടാകും എന്നെനിക്കറിയാമായിരുന്നു.
ജ്വാല