Chapter Title : സുതാര്യമായ തടവറ 2 [ഒറ്റയ്ക്ക് വഴിവെട്ടി വന്നവൻ]

ഒക്കെ ലില്ലി നേഴ്സ് നാളത്തേക്ക് മാറ്റിവച്ചു...

വിളിച്ചവരോടൊക്കെ നതാഷ ഡോക്ടർക്ക് സുഖമില്ല എന്ന കള്ളം പറഞ്ഞു....

അതുകൊണ്ട് തന്നെ നാതാഷാ അന്ന് നേരത്തെ വീട്ടിലേക്ക്  ഇറങ്ങാൻ ഒരുങ്ങി...

അന്ന് വൈകുന്നേരം ജോലി കഴിഞ്ഞ് ഇറങ്ങാൻ നേരത്താണ് നാതാഷയുടെ മുന്നിലേക്ക് നഴ്സ് ലില്ലി കേബിനിനു അകത്തേക്ക് വന്നത്. ലില്ലിയുടെ മുഖത്ത് ഒരുതരം കള്ളച്ചിരി ഉണ്ടായിരുന്നു.

​ലില്ലി: "മാഡം... ഇന്ന് ഉച്ചതിരിഞ്ഞു ഒരാൾ വന്നിരുന്നു ഒരു പുതിയ അപ്പോയിന്മെന്റ് എടുക്കാൻ. നിങ്ങളെ കാണാൻ പറ്റില്ലെന്ന് പറഞ്ഞപ്പോൾ അദ്ദേഹം ഒരു പിച്ചകപ്പൂവ് എന്റെ കയ്യിൽ തന്നു. മാഡത്തിന് കൊടുക്കാൻ പറഞ്ഞു."

​ലില്ലി തന്റെ പോക്കറ്റിൽ നിന്നും വാടിത്തുടങ്ങിയ ആ പൂവ് പുറത്തെടുത്തു. നതാഷയുടെ ഹൃദയം നിലച്ചുപോയി.

സാം! അവൻ ഹോസ്പിറ്റലിൽ വന്നിരിക്കുന്നു. ലില്ലിയുടെ മുന്നിൽ വെച്ച് തന്നെ അവൻ തന്റെ സാന്നിധ്യം അറിയിച്ചിരിക്കുന്നു.

​നതാഷ: (പതർച്ച മറച്ചുപിടിച്ച്) "അത്... അത് ഏതെങ്കിലും പേഷ്യന്റ് ആവും ലില്ലി. നീ അത് കളഞ്ഞേക്ക്."

​ലില്ലി പോയിക്കഴിഞ്ഞപ്പോൾ നതാഷ ആ പൂവ് കയ്യിലെടുത്തു.

അതിന്റെ ഗന്ധത്തിൽ സാമിന്റെ ആ വന്യമായ ചിരി അവൾക്ക് അനുഭവപ്പെട്ടു.

അവൾക്ക് മനസ്സിലായി, സാം അവളെ വിട്ടയക്കാൻ ഭാവമില്ല. അവൾ ആ സുതാര്യമായ തടവറയിൽ നിന്നും പുറത്തുകടന്നേ തീരൂ.

​അന്ന് വൈകുന്നേരം നതാഷ ഹോസ്പിറ്റലിൽ നിന്ന് ഇറങി  തന്റെ കാറിനടുത്തേക്ക് നടക്കുമ്പോൾ കണ്ട കാഴ്ച അവളുടെ ഉള്ളിൽ മിന്നൽപ്പിണർ പായിച്ചു.

ഹോസ്പിറ്റൽ ഗേറ്റിന് അപ്പുറം തന്റെ ബൈക്കിൽ ചാരി നിൽക്കുന്ന സാം!

അയാൾ തന്റെ ഹെൽമെറ്റ് ഊരി അവളെ നോക്കി ഒരു വന്യമായ ചിരി ചിരിച്ചു.

​അവൻ  ഫോണെടുത്തു നതാഷക്ക് മെസ്സേജ് ടൈപ്പ് ചെയ്തു:
"നതാഷാ ഇന്ന് രാത്രി നിന്റെ റേഡിയോ ഷോ നടക്കുമ്പോൾ  ആ ഫ്‌എം സ്റ്റുഡിയോയ്ക്ക് മുന്നിൽ ഞാൻ ഉണ്ടാകും."

പെട്ടെന്ന് തന്നെ അവൻ അവിടെ നിന്നും അപ്രത്യക്ഷമായി..

നതാഷ യുടെ ഫോണിൽ നോട്ടിഫിക്കേഷൻ വന്നു...നതാഷ ആ മെസ്സേജ് കണ്ടു... നതാഷയുടെ നിയന്ത്രണങ്ങൾ ഒന്നൊന്നായി തകരുകയായിരുന്നു.

​സാധാരണ ഹോസ്പിറ്റലിൽ നിന്നും എന്തെങ്കിലും കാരണങ്ങൾ കാരണം രാത്രി വൈകി മാത്രം വീട്ടിലെത്താറുള്ള നതാഷ, ഇന്ന് സാമിനെ കാണാനുള്ള ആവേശത്തിൽ കുറച്ചു നേരത്തെ