Chapter Title : സുതാര്യമായ തടവറ 2 [ഒറ്റയ്ക്ക് വഴിവെട്ടി വന്നവൻ]

നതാഷാ? എനിക്ക് നിന്നോട് കുറെ കാര്യങ്ങൾ ഷെയർ ചെയ്യാനുണ്ട്."

​നതാഷ: (അയാളുടെ കൈകൾ പതുക്കെ മാറ്റി) "വേണ്ട മാത്യു...
പ്രൊഫഷണൽ ലൈഫ് നമുക്ക് മാറ്റി വെക്കാൻ പറ്റില്ലല്ലോ.
നിങ്ങളുടെ സർജറി പോലെ തന്നെ ഇതും എനിക്ക് പ്രധാനമാണ്. നമുക്ക് ഈ വീക്കെൻഡ് ഉറപ്പായും പോകാം. പ്ലീസ്... നിങ്ങൾ വിഷമിക്കരുത്."

​മാത്യു ഒന്നും മിണ്ടാതെ അടുക്കളയിലേക്ക് മടങ്ങി.
അയാൾ ഉണ്ടാക്കിയ ഭക്ഷണത്തിന്റെ ഗന്ധം ഇപ്പോൾ നതാഷയ്ക്ക് ഒരു ശിക്ഷ പോലെ തോന്നി.

അവൾ വേഗത്തിൽ മുകളിലെ നിലയിലേക്ക് ഓടി.
മുറിയിലെത്തി വാതിലടച്ച ശേഷം അവൾ ആ ചുവന്ന പാടുകളുള്ള തന്റെ കൈകളിൽ നോക്കി വിറങ്ങലിച്ചു നിന്നു.

​ഒരു വശത്ത് തന്നെ സ്നേഹിക്കാൻ തുടങ്ങുന്ന ഭർത്താവ്, മറുവശത്ത് തന്നെ ഭ്രാന്ത് പിടിപ്പിക്കുന്ന കാമുകൻ.!!

നതാഷ കണ്ണാടിയിൽ നോക്കി.

തന്റെ ആ സുതാര്യമായ തടവറയുടെ വാതിൽ ഇന്ന് രാത്രി അവൾക്ക് മുന്നിൽ കൂടുതൽ കഠിനമായി തോന്നിയെങ്കിലും, സാമിന്റെ ഹിമാലയൻ ബൈക്കിന്റെ ഗർജ്ജനം അവളുടെ ഉള്ളിൽ മുഴങ്ങിക്കൊണ്ടിരുന്നു.

അന്ന് രാത്രി റേഡിയോ ഷോ ക്ക് പോവുന്നതിനുമുൻപ്
​മാത്യു അതീവ താല്പര്യത്തോടെ പാകം ചെയ്ത ആ ഫ്രൈഡ് റൈസ് നതാഷയുടെ പ്ലേറ്റിലുണ്ടായിരുന്നു.

ഒരു സർജന്റെ കൃത്യതയോടെ അയാൾ വെജിറ്റബിൾസ് അരിഞ്ഞു ചേർത്തിട്ടുണ്ടെങ്കിലും, രുചിയിൽ അതൊരു സാധാരണ ഭക്ഷണം മാത്രമായിരുന്നു.

എങ്കിലും, മാത്യുവിന്റെ മുഖത്തെ ആ അപൂർവ്വമായ സന്തോഷം കണ്ട് നതാഷ അത് ആസ്വദിച്ചു കഴിച്ചു.

​നതാഷ: "മാത്യു... ഇത് ശരിക്കും സൂപ്പർ ആയിട്ടുണ്ട്! നിങൾക് ഇത്ര നന്നായി കുക്ക് ചെയ്യാൻ അറിയുമെന്ന് ഞാൻ കരുതിയില്ല."

​മാത്യു: (അല്പം അഭിമാനത്തോടെ) "സത്യമാണോ? നിനക്ക് ഇഷ്ടപ്പെട്ടെങ്കിൽ എനിക്ക് സന്തോഷം. എന്നും ഇങ്ങനെ ഒരുമിച്ച് ഇരിക്കാൻ കഴിഞ്ഞിരുന്നെങ്കിൽ..."

​നതാഷ മറുപടിയായി വെറുതെ ഒന്ന് ചിരിച്ചു.

അവളുടെ ഉള്ളിൽ സാമിനെ കാണാനുള്ള തിടുക്കം കത്തിപ്പടരുകയായിരുന്നു.

ഭക്ഷണത്തിന് ശേഷം അവൾ വേഗത്തിൽ തയ്യാറായി.
ശരീരത്തിലെ ആ ചുവന്ന പാടുകൾ ആരും കാണാതിരിക്കാൻ അവൾ തിരഞ്ഞെടുത്തത് ഒരു ഡാർക്ക്‌ ബ്ലൂ കളർ  ഫുൾ കൈ ചുരിദാറും അതിന് ചേരുന്ന ടൈറ്റ് ലെഗ്ഗിൻസും ആയിരുന്നു.

വസ്ത്രം ശരീരത്തോട് ഒട്ടിനിൽക്കുന്നതായിരുന്നുവെങ്കിലും അവളുടെ ആഴത്തിലുള്ള മുറിവുകൾ അത് ഭംഗിയായി