Chapter Title : സുതാര്യമായ തടവറ 2 [ഒറ്റയ്ക്ക് വഴിവെട്ടി വന്നവൻ]

എന്നാലും അത് അയാൾ ലില്ലിയോട് പ്രകടിപ്പിച്ചില്ല...

മാത്യു:നോക്കട്ടെ ലില്ലി..

നതാഷ ഓരോ ദിവസവും കാണുന്ന പേഷ്യന്റ് പലത്തരക്കാർ ആണല്ലോ...

പലതരം മാനസിക പ്രശ്നങ്ങൾ കേൾക്കേണ്ടി വരും... അതിന്റെയാവാം.... ഞാൻ സംസാരിക്കാം നതാഷയോട്...

മാത്യു പറഞ്ഞത് ലില്ലി കേട്ടു തലയാട്ടി നിന്നു... മാത്യു നതാഷയെ നോക്കി ആ കാഫെറ്ററിയ യിലേക്ക് നടന്നു...

അതേ സമയം ആ മലഞ്ചേരിവിലെ വീട്ടിൽ സാം തന്റെ ഉറക്കത്തിൽ നിന്നും എഴുന്നേറ്റിരുന്നു...

അയാൾ തന്റെ രാവിലെ അഴിച്ചിട്ടു പാന്റിന്റെ പോക്കറ്റിൽ നിന്നും ഫോൺ എടുത്തുനോക്കി... അതിൽ നതാഷ യുടെ മെസ്സേജും മിസ്സ്ഡ് കാൾസും കണ്ട് അയാൾ നോക്കി നിന്നു....

അയാളുടെ ചുണ്ടിൽ ഒരു പുഞ്ചിരി വിടർന്നു... പക്ഷെ ആ പുഞ്ചിരിക്ക് ഒരു ചാരനിറം ഉണ്ടായിരുന്നു...

അയാൾ ആ ഫോണും കയ്യിൽ പിടിച്ചു ബെഡിലേക്ക് വീണ്ടും കിടന്നു...

അയാൾ നതാഷ അയച്ച മെസ്സേജും താൻ വരച്ചുകൊണ്ടിരിക്കുന്ന നതാഷയുടെ ഓയിൽ പെയിന്റിംഗും മാറി മാറി നോക്കി കൊണ്ടിരുന്നു...

സാം അവളെ തിരിച്ചു വിളിക്കാനോ മെസ്സേജ് അയക്കാനോ നിന്നില്ല...

പാതി മയക്കത്തിൽ എന്നപോലെ അയാൾ ആ ബെഡിൽ കണ്ണടച്ച് കിടന്നു...

സാമിന്റെ മനസ്സിൽ പല കാര്യങ്ങളും ഓർത്തെടുക്കുകയായിരുന്നു... പതിയെ അയാൾ നതാഷയെ കണ്ട ആദ്യ ദിവസം മനസ്സിലേക്ക് ഓടിയെത്തി.....!!!

ആറുമാസം മുൻപ്.

നഗരത്തിൽ തന്നെയുള്ള ബീച്ചിനോട് ചേർന്നുള്ള ഒരു കഫേയിൽ വച്ച്...

​കടലിനോട് ചേർന്നുള്ള ആ പഴയ കഫേയിൽ തന്റെ സ്കെച്ച് ബുക്കുമായി ഇരിക്കുകയായിരുന്നു സാം.

അന്ന് വൈകുന്നേരമാണ് ആദ്യമായി നതാഷ അവിടേക്ക് വരുന്നത്. മാത്യുവിനൊപ്പം ഒരു ഡിന്നറിന് എത്തിയതായിരുന്നു അവൾ. അവർക്ക് തൊട്ടടുത്ത ടേബിളിൽ ഇരുന്ന് സാം അവരെ ശ്രദ്ധിച്ചു.

​മാത്യു തന്റെ ഫോണിലെ മെഡിക്കൽ റിപ്പോർട്ടുകളിൽ മുഴുകിയിരിക്കുമ്പോൾ, നതാഷ ശൂന്യമായ കണ്ണുകളോടെ കടലിലേക്ക് നോക്കി ഇരിക്കുകയായിരുന്നു.

അവളുടെ ആ ഏകാന്തതയും, ഉടലിലെ വശ്യതയും സാമിന്റെ ഉള്ളിലെ ചിത്രകാരനെ ഉണർത്തി.

ഒരു വാക്ക് പോലും മിണ്ടാതെ അയാൾ അവളെ നിരീക്ഷിച്ചു.

മാത്യുവിന്റെ അവഗണനയിൽ അവൾ അനുഭവിക്കുന്ന ആ ശ്വാസംമുട്ടൽ ആ മുഖത്ത് വ്യക്തമായിരുന്നു.

​അന്നുതൊട്ട് സാം അവളെ പിന്തുടരാൻ തുടങ്ങി. തന്റെ ഹിമാലയൻ ബൈക്കിൽ ശബ്ദമുണ്ടാക്കാതെ അയാൾ അവളുടെ കാറിന് പിന്നാലെ പോയി. അവൾ ജോലി ചെയ്യുന്ന ഹോസ്പിറ്റൽ, അവൾ പോകുന്ന റേഡിയോ സ്റ്റേഷൻ, അവളുടെ വീട്... എല്ലാം സാം മനസ്സിലാക്കി.

​നാതാഷയേ കണ്ട ആദ്യ ആഴ്ചയിൽ തന്നെ ​ഒരു പേഷ്യന്റിന്റെ വേഷത്തിൽ സാം ഹോസ്പിറ്റലിലെത്തി.

നതാഷയെക്കുറിച്ച് കൂടുതൽ അറിയാൻ അയാൾ