Chapter Title : സുതാര്യമായ തടവറ 5 [ഒറ്റയ്ക്ക് വഴിവെട്ടി വന്നവൻ]

അവളെയും കൊണ്ട് ചെന്നു നിന്നത് നഗരത്തിലെ പുതിയതായി തുടങ്ങിയ ഏറ്റവും വലിയ ഡ്രസ്സ് ഷോറൂമിന് മുന്നിലായിരുന്നു. രാത്രിയായിട്ടും ആ വലിയ കെട്ടിടം പ്രകാശപൂരിതമായി നിൽക്കുന്നു.

​നതാഷ: "സാം... നമ്മൾ ഇവിടെ എന്തിനാ വന്നത്?
ഇന്ന് ഷോപ്പിംഗ് ആണോ നിന്റെ പ്ലാൻ?"

​സാം: "ഹഹ...പറയാം. നീ അകത്തേക്ക് വാ."

​അവൻ ബൈക്ക് പാർക്കിംഗിലേക്ക് മാറ്റിയിട്ടു.

അവിടെ വലിയ തിരക്കായിരുന്നു.

സാം അവളുടെ വിരലുകൾക്കിടയിലൂടെ തന്റെ കൈകൾ കോർത്തുപിടിച്ചു.

മാത്യുവിന്റെ ഭാര്യ എന്ന പദവി മറന്ന് അവൾ അവനോടൊപ്പം ആൾക്കൂട്ടത്തിനിടയിലൂടെ നടന്നു.

​ഷോറൂമിന്റെ ഉൾവശം വല്ലാതെ വിശാലമായിരുന്നു.

എസി തണുപ്പും സുഗന്ധവും അവിടെ നിറഞ്ഞുനിൽക്കുന്നു.

അവർ അകത്തേക്ക് കയറിയതും യൂണിഫോം ധരിച്ച ഒരു സെയിൽസ് ഗേൾ ചിരിച്ചുകൊണ്ട് അവരുടെ അടുത്തു വന്നു.

​സ്റ്റാഫ്: "സർ, വെൽക്കം. എന്താണ് നിങ്ങൾ നോക്കുന്നത്? താഴത്തെ നിലയിൽ കുട്ടികളുടെ സെക്ഷൻ ആണ്."

​സാം: "ലേഡീസ് സെക്ഷൻ എവിടെയാ?"

​സ്റ്റാഫ്: "അത് മുകളിലത്തെ നിലയിലാണ് സർ. അവിടെ വെസ്റ്റേൺ വെയറും സാരികളും എല്ലാം ലഭ്യമാണ്. ലിഫ്റ്റിലോ എസ്‌കലേറ്ററിലോ പോകാം."

​സാം നതാഷയെയും കൂട്ടി എസ്‌കലേറ്ററിന് അടുത്തേക്ക് നടന്നു.

മുകളിലേക്ക് പോകുമ്പോൾ താഴെ നിൽക്കുന്ന ആൾക്കൂട്ടത്തെ നോക്കി നതാഷയ്ക്ക് ഒരു വല്ലാത്ത പേടി തോന്നി.

ആരെങ്കിലും തന്നെ തിരിച്ചറിയുമോ?
മാത്യുവിന്റെ സുഹൃത്തുക്കളോ പേഷ്യന്റ്സോ ഇവിടെ ഉണ്ടാകുമോ?

​നതാഷ: (താഴ്ന്ന സ്വരത്തിൽ) "സാം... ഇവിടെ ഒത്തിരി ആളുകളുണ്ട്. ആരെങ്കിലും കണ്ടാൽ വലിയ പ്രശ്നമാകും."

​സാം: "നീ പേടിക്കാതെ നതാഷാ. ഈ ആൾക്കൂട്ടത്തിൽ ആരും ആരെയും ശ്രദ്ധിക്കില്ല.

പിന്നെ ഇന്ന് രാത്രി നീ ഒരു ഡോക്ടറല്ല... വെറുമൊരു പെണ്ണ് മാത്രമാണ്.