Chapter Title : ?️ സ്വർഗ്ഗ ദ്വീപ് 10?️ [അതുല്യൻ]

മുഖത്തേക്ക് നോക്കി കുറച്ച് ശ്രേദ്ധയോടെ പറഞ്ഞു. "എനിക്ക് ബാഗ് വേണം എന്ന് പറഞ്ഞത് അത് കൊണ്ട് ആണ്." ആദിത്യൻ തല ആട്ടി കൊണ്ട് പറഞ്ഞു. "അത് ഓർത്ത് നീ വിഷമിക്കേണ്ട എനിക്ക് അത് മനസ്സിലായത് കൊണ്ട് ആണ് ഞാൻ അവസാന നിമിഷം ഹെലികോപ്റ്റർ മാറ്റിയത്." സ്വപ്ന അൽപ്പം ആശ്വാസത്തോടെ ഒരു ദീർഘ നിശ്വാസം വിട്ട് കൊണ്ട് പറഞ്ഞു. "അത് എന്തായാലും നന്നായി താങ്കൾ ഹെലികോപ്റ്റർ മാറ്റിയത്." "സ്വപ്ന അയാൾ നിന്നെ കൊണ്ട് ഇങ്ങനെ ചെയ്യിക്കാൻ തുടങ്ങിയിട്ട് എത്ര നാൾ ആയി?." ആദിത്യൻ കൂടുതൽ കാര്യങ്ങൾ അറിയാൻ വേണ്ടി ചോദിച്ചു. "ഒരു വർഷത്തോളം ആയി. ഞാൻ ഇവിടെ വന്ന് രണ്ട് ആഴ്ച്ച കഴിഞ്ഞപ്പോൾ തുടങ്ങിയത് ആണ്. ആദ്യം അയാൾ എന്നെ പോലീസ് തിരയുന്നില്ല എന്ന് പറഞ്ഞു പിന്നെ ആ ആക്‌സിഡന്റിൽ ഹോസ്പിറ്റലിൽ കിടന്ന അയാൾ മരിച്ചത് കൊണ്ട് പോലീസ് എന്നെ അറസ്റ്റ് ചെയ്യാൻ തിരഞ്ഞ് കൊണ്ട് ഇരിക്കുക ആണെന്ന് എൽദോ പറഞ്ഞു." സ്വപ്ന സങ്കടത്തോടെ വിതുമ്പി കൊണ്ട് പറഞ്ഞു. "എൽദോ ശെരിക്കും ഒരു ചെറ്റ ആണ്." ആദിത്യൻ ദേഷ്യത്തോടെ മുരണ്ട്‍ കൊണ്ട് പറഞ്ഞു. "താങ്കൾ പറഞ്ഞത് ശെരിയാണ് അയാൾ ഭൂലോക ചെറ്റ ആണ്." സ്വപ്ന അവൻ പറഞ്ഞത് അംഗീകരിച്ചു. "അതിന് ശേഷം അയാൾ എന്നെ കൊണ്ട് വിചിത്രമായ കാര്യങ്ങൾ ചെയ്യിക്കാൻ തുടങ്ങി അയാൾ എന്നെ സംരക്ഷിക്കുക ആണ് എന്ന് പറഞ്ഞ് കൊണ്ട്. പിന്നെ അയാൾ കൂടുതൽ കൂടുതൽ ആവശ്യങ്ങൾ പറഞ്ഞ് വരാൻ തുടങ്ങി." "അല്ല സ്വപ്ന പോലീസ് നിന്റെ പുറകെ ശെരിക്കും ഉണ്ടോ എന്ന് നീ അന്വേഷിച്ച് നോക്കിയോ?."