Chapter Title : ?️ സ്വർഗ്ഗ ദ്വീപ് 10?️ [അതുല്യൻ]

ആദിത്യൻ പറഞ്ഞു. "ജോളിയുടെ അശ്ലീല ചുവ ഉള്ള സംസാരം എനിക്ക് പിടിക്കുന്നില്ല. അവർ രണ്ട് പേരും എന്റെ പെങ്ങമ്മാരോട് അടുത്ത് ഇടപഴകുന്നതിൽ എനിക്ക് അവരെ അത്ര വിശ്വാസം ഇല്ല. അവർ നിന്നോട് എങ്ങനെ പെരുമാറും എന്ന് എനിക്ക് ഒരു ഊഹവും ഇല്ല എങ്കിലും അവർ കൂടെ ഉള്ളപ്പോൾ എന്റെ മനസ്സിന് നല്ലൊരു ആശ്വാസം ഉണ്ട്." "അവർ എന്റെ പുറകെയും വരുമോ എന്ന് നിനക്ക് പേടി ഉണ്ട് അല്ല?." പ്രിയ അവളുടെ തോള് വച്ച് ആദിത്യനെ തട്ടി കൊണ്ട് ഒരു കുസൃതി ചിരിയോടെ ചോദിച്ചു. "നീ അങ്ങനെ പറഞ്ഞതിൽ നിന്ന് നിനക്ക് എന്നോടുള്ള സ്നേഹം എനിക്ക് മനസ്സിലാകും." "അവർ അങ്ങനെ എന്തെങ്കിലും ഉദ്ദേശത്തോടെ വന്നാൽ നിനക്ക് അവരെ അകറ്റി നിർത്താൻ പറ്റും എന്ന് എനിക്ക് ഉറപ്പുണ്ട്. പിന്നെ ഞാൻ നമ്മളെ കുറിച്ച് ആരോടും . . . ." ആദിത്യൻ എന്ത് പറയണം എന്ന് അറിയാതെ ഇടക്ക് വച്ച് നിർത്തി പ്രിയയുടെ മുഖത്തേക്ക് നോക്കി. "നന്ദി." പ്രിയ പതിയെ പറഞ്ഞു. "ലക്ഷ്മിക്ക് നമ്മളുടെ കാര്യം അറിയാം. അവൾക്ക് എന്നെ കുറെ കാലമായി നന്നായി അറിയാവുന്നത് ആണ് പിന്നെ അവൾ ഒരു പൊട്ടി അല്ലാത്തത് കൊണ്ട് അവൾ അത് മനസ്സിലാക്കി എടുത്തു. ഇവിടെ ഉള്ള പലർക്കും നമ്മളുടെ കാര്യത്തിൽ സംശയം ഉണ്ടെന്ന് എനിക്ക് ഉറപ്പാണ്. എന്തായാലും നമ്മളുടെ കാര്യം എത്ര കുറച്ച് പേർ അറിയുന്നോ അത്രയും നല്ലത്." "നീ എന്താ അങ്ങനെ പറഞ്ഞത്?." ആദിത്യൻ തല ചെരിച്ച് അവളെ നോക്കി കൊണ്ട് ചോദിച്ചു. ആദിത്യൻ അവളെ ചൊറിയുന്നത് ആണെന്ന് അവന്റെ മുഖ ഭാവത്തിൽ നിന്ന് പ്രിയക്ക് മനസ്സിലായി. അവൻ ഏത് നിമിഷം വേണമെങ്കിലും ഈ ബാൽക്കണിയിൽ വച്ച് തന്നെ ഉമ്മ വയ്ക്കാനുള്ള തയ്യാറെടുപ്പിൽ ആണെന്ന് മനസ്സിലായപ്പോൾ പ്രിയ മുഖം കൂർപ്പിച്ച് അവനെ നോക്കി കൊണ്ട് പറഞ്ഞു. "എന്റെ വിലയും വിശ്വാസ്യതയും നഷ്ട്ടപ്പെടും. നമ്മളെ കുറിച്ച് എല്ലാവരും അറിഞ്ഞ് കഴിഞ്ഞാൽ അതിന്റെ കൂടെ വരുന്ന നൂലാമാലകൾ ഒഴിവാക്കാൻ അതിന്റെ പുറകെ നടക്കണം പിന്നെ കുറച്ച് രഹസ്യങ്ങൾ ഒക്കെ ഉണ്ടാവുന്നത് നല്ലതല്ലെ."

ഇത് പറഞ്ഞ്