Chapter Title : ?️ സ്വർഗ്ഗ ദ്വീപ് 11?️ [അതുല്യൻ]

കുറച്ച് പടികൾ ഇറങ്ങി റോക്കിയെ നോക്കി കൊണ്ട് പറഞ്ഞു. "ഞാൻ എന്നാൽ താഴേക്ക് ഇറങ്ങുക ആണ്. എൽദോ പ്രെശ്നം ഒന്നും ഉണ്ടാക്കാതെ ശ്രേധിച്ചോളണം."

"ഇയാൾ താഴെ വന്ന് താങ്കൾക്ക് എന്തെങ്കിലും പ്രെശ്നം ഉണ്ടാക്കുക ആണെങ്കിൽ." റോക്കി ആദിത്യനെ സൂക്ഷിച്ച് നോക്കി കൊണ്ട് പറഞ്ഞ് തുടങ്ങി. "വേറെ ഒന്നും നോക്കേണ്ട കൊന്ന് കളഞ്ഞേക്ക്. അതല്ല വേദനിപ്പിക്കാൻ ആണെങ്കിൽ വയറിൽ വെടിവച്ചാൽ മതി. എനിക്ക് ആ വേദന നല്ല അനുഭവം ഉള്ളതാ."

ആദിത്യൻ ഒരു ദീർഘ നിശ്വാസം എടുത്ത് കൊണ്ട് തല ആട്ടി. അവൻ താഴേക്ക് ഉള്ള പടികൾ ഇറങ്ങി കൊണ്ട് ഇരിക്കുമ്പോൾ ചിലപ്പോൾ തനിക്ക് ഒരാളെ കൊല്ലേണ്ടി വരും എന്ന ചിന്ത അവനെ അസ്വസ്ഥൻ ആക്കി. എൽദോയെ അവൻ ഇപ്പോൾ തന്നെ വല്ലാതെ വെറുത്തിരുന്നു എങ്കിലും നിരായുധനായ ഒരാളെ തനിക്ക് വെടിവച്ച് കൊല്ലാൻ പറ്റുമോ എന്ന് അവൻ ചിന്തിച്ചു. അവൻ താഴെ എത്തിയപ്പോൾ ഒരു ദീർഘ നിശ്വാസം വിട്ട് കൊണ്ട് തന്റെ പേടി എൽദോയുടെ മുൻപിൽ കാണിക്കരുത് എന്ന തീരുമാനം എടുത്തു.

പടികൾ ഒരു ചെറിയ ഇടനാഴിയിൽ ആണ് ചെന്ന് അവസാനിച്ചത്. ആ ഇടനാഴിയുടെ അവസാനത്തിൽ ഒരു ഇരുമ്പിന്റെ വാതിൽ ഉണ്ടായിരുന്നു. ആ വാതിലിൽ ഒരു തരത്തിലും ഉള്ള പൂട്ടോ പിടിയോ ഒന്നും ഉണ്ടായിരുന്നില്ല. ഒരു ഇരുമ്പിന്റെ ഫ്രെയിമിൽ അടച്ച് വച്ചിരിക്കുന്ന ഒരു വാതിൽ. അവന്റെ വലത് വശത്ത് ചുമരിൽ ഒരു ഇരുംമ്പിന്റെ പെട്ടി ഉണ്ടായിരുന്നു. ഒരു ഷൂവിന്റെ പെട്ടിയുടെ വലുപ്പത്തിൽ ഉള്ള ഒരു ബോക്സ്. അതിന്റെ മുകളിൽ ഒരു ചെറിയ കീപാഡും ഉണ്ടായിരുന്നു.

"താങ്കൾ താഴെ എത്തിയോ?." മുകളിൽ നിന്ന് ഉള്ള റോക്കിയുടെ ശബ്ദം ആ ഇടനാഴിയിൽ മുഴങ്ങി കേട്ടു.

"എത്തി . . . . ഞാൻ താഴെ ഉണ്ട്." ആദിത്യൻ മുകളിലേക്ക് നോക്കി കൊണ്ട് വിളിച്ച് പറഞ്ഞു. റോക്കി എൽദോയെ പടികളിലേക്ക് തള്ളി വിടുന്നത് അവൻ കണ്ടു. ആ വയസൻ മടികാണിക്കുന്നത് കണ്ട് റോക്കി തോക്ക് ചൂണ്ടി അയാളെ താഴേക്ക് ഇറങ്ങാൻ നിർബന്ധിതൻ ആക്കി.

എൽദോ പതിയെ പടികളിൽ പിടിച്ച് കൊണ്ട് താഴേക്ക് ഇറങ്ങാൻ തുടങ്ങി.