Chapter Title : സ്വർഗ്ഗ ദ്വീപ് 5 [അതുല്യൻ]

ശേഷം അച്ഛൻ കുടി തുടങ്ങി കാര്യങ്ങൾ എല്ലാം കൈവിട്ട് പോയി", ആദിര അവളുടെ ജീവിത കഥ പറഞ്ഞ് തുടങ്ങി. ആദിത്യൻ എന്താണ് പറയേണ്ടത് എന്ന് അറിയാതെ സങ്കടത്തോടെ ഇരുന്നു. കെട്ടിടത്തോളം അവളുടെ ജീവിതം വളരെ സങ്കടം നിറഞ്ഞത് ആയിരുന്നു. "ആ വീട്ടിൽ നിന്ന് രക്ഷപ്പെടാൻ പറ്റുന്നത്ര വേഗത്തിൽ ഞാൻ അവിടെ നിന്ന് ഇറങ്ങുബോൾ കുടി കാരണം അച്ഛന്റെ ജോലി നഷ്ട്ടപ്പെട്ടു പിന്നെ അങ്ങേർക്ക് ജോലിക്ക് ഒന്നും പോകാൻ താല്പര്യം ഇല്ലാതെ ആയി. ഞാൻ സ്കൂളിൽ

പഠിക്കുമ്പോൾ എനിക്ക് രണ്ട് പാർട്ട്ടൈം ജോലികൾ ഉണ്ടായിരുന്നു. ഞാൻ കിട്ടുന്ന പൈസ ഒളിപ്പിച്ച് വയ്ക്കുമായിരുന്നു ബില്ലുകൾ അടക്കാനും ഭക്ഷണ സാധനങ്ങൾക്കും വേണ്ടി. ഇല്ലെങ്കിൽ അയാൾ അതെടുത്ത് കൊണ്ട് പോയി കുടിക്കുമായിരുന്നു. പൈസ കിട്ടിയില്ലെങ്കിൽ വീട്ടിലെ എന്തെങ്കിലും സാധനം എടുത്ത് കൊണ്ടുപോയി വിറ്റ് ആ കാശിന് കുടിക്കും", ആദിര അവളുടെ ജീവിത കഥ തുടർന്നു. ആദിത്യൻ ചിന്തിച്ചു എന്ത്കൊണ്ട് മനു വർമ്മ അന്നേരം ഇവരെ സഹായിച്ചില്ല. ഒന്നും ഇല്ലെങ്കിലും അവളുടെ അച്ഛനെ തിരിച്ച് നല്ല വഴിക്ക് കൊണ്ട് വരാമായിരുന്നു. "നിന്റെ ജീവിതം ഒരു നരകമായി തോനുന്നു, ആദിര", ആദിത്യൻ വിഷമത്തോടെ പറഞ്ഞു. "വളർന്ന് കൊണ്ടിരുന്നപ്പോൾ ജീവിതം എന്നെ ഓരോ പാഠങ്ങളായി പഠിപ്പിക്കുക ആയിരുന്നു", അവൾ ഇതെല്ലം വളരെ നിസാരം എന്ന രീതിയിൽ പറഞ്ഞു. "വീട് വിട്ടതിന് ശേഷം നീ എങ്ങോട്ട് പോയി?", ആദിത്യൻ ചോദിച്ചു. "ഞാൻ ഇന്റർനെറ്റിൽ പരിചയപ്പെട്ട എനിക്ക് ഒരു താങ്ങായി കുറച്ച് കാലമായി ഉണ്ടായിരുന്ന ഒരാളുടെ കൂടെ താമസിക്കാൻ ബോംബെയിലേക്ക് പോയി. അവൻ ശെരിക്കും അടുപ്പിക്കാൻ കൊള്ളാത്തവൻ ആയിരുന്നു. അത് കൊണ്ട് അവനെ ഒഴിവാക്കി കിട്ടുന്ന പണികൾ എടുത്ത് ഞാൻ നാട് ചുറ്റി." "അതിന് ശേഷം നീ തിരിച്ച് നാട്ടിലെത്തി ഗോവയിലെ സ്ട്രിപ്പ് ക്ലബ്ബിൽ ചേർന്നു", ആദിത്യൻ ചോദിച്ചു. "അതെ, കുറച്ച് യാത്രകൾക്ക് ശേഷം. ഞാൻ