Chapter Title : ?️ സ്വർഗ്ഗ ദ്വീപ് 7?️ [അതുല്യൻ]

നോക്കി പ്രതീക്ഷയോടെ ചോദിച്ചു.

"കാത്തിരുന്ന് കാണുക, ആദിത്യ." പ്രിയ ചിരിച്ച് കൊണ്ട് പറഞ്ഞു. ആദിത്യൻ ചിരിച്ച് കൊണ്ട് മുൻപിലേക്ക് ആഞ്ഞ് നേരെ ഇരുന്നു. അന്നേരം ബാത്ടബ്ബിൽ ഉള്ള വെള്ളം അവരുടെ ഇടയിൽ രൂപപ്പെട്ട ശൂന്യതയിലേക്ക് ഒഴുകി നിറയുന്നത് ആദിത്യൻ അറിഞ്ഞു. പ്രിയ അവളുടെ കാലുകൾ അവന്റെ മടിയിൽ നിന്ന് പുറകിലേക്ക് എടുത്ത് അവൾ ബാത്ടബ്ബിൽ എഴുനേറ്റ് നിന്ന് അതിൽ നിന്ന് പുറത്തേക്ക് ഇറങ്ങി. ഷവറിന്റെ വാതിൽ തുറക്കുന്നതും അവൾ അതിൽ കയറി വാതിൽ അടച്ച് ഷവർ ഓണാക്കുന്നതും ആദിത്യൻ കേട്ടു. "നീ ഷവറിൽ കയറിയോ?." "നിന്റെ വിയർപ്പ് വെള്ളം എന്റെ ദേഹത്ത് നിന്ന് കഴുകി കളയണം." പ്രിയ ചിരിച്ച് കൊണ്ട് പറഞ്ഞു. "ഓഹ് ശെരി." ആദിത്യൻ ചിരിച്ചു. അവൻ ബാത്ടബ്ബിലെ വെള്ളത്തിൽ ഒന്ന് മുങ്ങി നിവർന്ന് ശരീരം കഴുകി എഴുനേറ്റ് അതിൽ നിന്ന് പുറത്തേക്ക് ഇറങ്ങി. ഒരു ടവ്വൽ എടുത്ത് ശരീരം തുടച്ച് അത് അരയിൽ ചുറ്റി ബെഡ്റൂമിലേക്ക് നടന്നു. ആദിത്യൻ ഇന്ന് എന്തൊക്കെ ആണ് ചെയ്യാനുള്ളത് എന്ന് ആലോചിച്ച് നോക്കി. ഒന്നും ഓർമ്മ വരാത്തതിനാൽ അവൻ ഫോൺ എടുത്ത് ഡയറി തുറന്ന് പ്രിയ തനിക്കായി ഉണ്ടാക്കിയ സമയ ക്രമം നോക്കി. വ്യായാമം ആറ് മണിക്ക്, ചൈത്ര ഏഴരക്ക്, പ്രാതൽ എട്ട് മണിക്ക്. അവൻ ഫോണിൽ സമയം നോക്കി, ഏഴര ആവാൻ ഇനി നാല് മിനിറ്റുകൾ കൂടിയേ ഉള്ളു. അവൻ ഫോൺ താഴെ വച്ച് കൊണ്ട് പ്രിയയോട് വിളിച്ച് പറഞ്ഞു. "ചൈത്ര എത്തൻ നാല് മിനിറ്റ് കൂടിയേ ഉള്ളു." "നീ എന്നാൽ പെട്ടെന്ന് റെഡിയാവ്. ഒരു ബോക്സറും ഡിസൈനർ ഗൗണും ഇട്ടോ." പ്രിയ ബാത്‌റൂമിൽ നിന്ന് വിളിച്ച് പറഞ്ഞു. ആദിത്യൻ ഡ്രസിങ് റൂമിൽ പോയി ഒരു ബോക്സർ എടുത്ത് കൊണ്ട് ചിന്തിച്ചു താൻ ഈ ദ്വീപിൽ വന്നതിന് ശേഷം ഇത് ആദ്യമായി ആണ്