Chapter Title : സ്വർണ്ണക്കൂട് [കബനീനാഥ്]

തികച്ചും ഹൃദ്യമായ ഒന്ന്…

" ഗുഡ് മോർണിംഗ് റൂബൻ… ഫിലിപ്പ് പറഞ്ഞിരുന്നു… വെൽക്കം ടു ദി ടീം… " സിനി തന്റെ സീറ്റിൽ ഇരുന്നു കൊണ്ട് പറഞ്ഞു.

അടുത്ത അരമണിക്കൂർ സിനി അവന് തന്റെ യൂണിറ്റിന്റെ പ്രവർത്തനങ്ങളെക്കുറിച്ച് വിശദീകരിച്ചു കൊടുത്തു. റൂബൻ ഓരോ വാക്കും ശ്രദ്ധയോടെ കേട്ടു. അവന്റെ നോട്ടം സിനിയുടെ മുഖത്ത് തറഞ്ഞു നിൽക്കുന്നത് അവൾക്ക് അനുഭവപ്പെട്ടു. മറ്റ് ജൂനിയർമാരെപ്പോലെ അവൻ പേടിച്ചിരുന്നില്ല, പകരം ഒരു വലിയ ബഹുമാനത്തോടെയും കൗതുകത്തോടെയുമാണ് അവൻ അവളെ നോക്കിയത്…

ലേബർ വാർഡിലെ തിരക്കുകൾക്കിടയിലൂടെ സിനി നടക്കുമ്പോൾ റൂബൻ കൃത്യമായ അകലം പാലിച്ച് അവൾക്ക് പിന്നാലെ നടന്നു. അവൻ കയ്യിലൊരു ടാബ്‌ലെറ്റിൽ ഓരോ പേഷ്യന്റിന്റെയും ഹിസ്റ്ററി കുറിക്കുന്നുണ്ട്. സിനി ഓരോ ബെഡിനരികിലും എത്തുമ്പോൾ റൂബൻ വളരെ കൃത്യമായി, ലളിതമായി, പരിശോധിച്ചതിനു ശേഷം കാര്യങ്ങൾ വിശദീകരിച്ചു കൊടുത്തു…

" മാഡം, ബെഡ് നമ്പർ 12... പ്രീ-എക്ലാംപ്‌സിയ (Pre-eclampsia) ലക്ഷണങ്ങൾ കാണിക്കുന്നുണ്ട്. ബി.പി. അല്പം കൂടുതലാണ്. ഞാൻ പ്രോട്ടോക്കോൾ പ്രകാരം മെഡിക്കേഷൻ സ്റ്റാർട്ട് ചെയ്യട്ടെ… " റൂബൻ പതുക്കെ പറഞ്ഞു…

സിനി ചാർട്ട് പരിശോധിച്ചു. അവൾ അവനെ നോക്കിയില്ല. " യെസ്സ്... ബട്ട് അടുത്ത രണ്ട് മണിക്കൂർ കൂടി ഒബ്‌സർവേഷൻ വേണം… എന്തെങ്കിലും മാറ്റമുണ്ടെങ്കിൽ എന്നെ ഉടനെ അറിയിക്കണം... "

" യാ ഷുവർ മാഡം… " അവൻ തലയാട്ടി…
സിനി ശ്രദ്ധിച്ചു, മറ്റ് ജൂനിയർമാരെപ്പോലെ അവൻ അനാവശ്യമായി പരിഭ്രമിക്കുന്നില്ല. അവന്റെ ഓരോ ചലനത്തിലും ഒരുതരം ശാന്തതയുണ്ട്…

ഇതിനു മുന്നേ എത്രയോ ജൂനിയർമാർ വന്നിരിക്കുന്നു… എല്ലാവരും തന്നെ കാണുമ്പോൾ സോപ്പിടാറുണ്ട്… വിയർക്കാറുമുണ്ട്….
എന്നാൽ ഈ