Chapter Title : സ്വർണ്ണക്കൂട് [കബനീനാഥ്]

പക്ഷേ, ആ സ്ത്രീ ധരിച്ചിരുന്ന ഗ്രേ കളർ ഓവർക്കോട്ടും സ്കാർഫും ബോഡി ഷെയ്പ്പുമൊക്കെ കണ്ടപ്പോൾ... അത്.. അത്.. തന്റെ മമ്മിയെപ്പോലെയുണ്ട് എന്ന് അവൻ ഒരു നിമിഷം ഓർത്തു. ആ പുരുഷന്റെ നിൽപ്പ്... അത് റൂബൻ ഡോക്ടറെപ്പോലെ തോന്നിക്കുന്നു…
അവൻ ഒന്നുകൂടി ഉറ്റുനോക്കി. അവർ പരസ്പരം അത്രമേൽ ചേർന്നുനിൽക്കുകയാണ്. ആ സ്ത്രീയുടെ തല ആ പുരുഷന്റെ തോളിൽ അമർന്നിരിക്കുന്നു. ഫെലിക്സിന്റെ ഉള്ളിൽ ചെറിയൊരു മിന്നൽ പാഞ്ഞുപോയി. പക്ഷേ അടുത്ത നിമിഷം അവൻ സ്വയം തിരുത്തി…

" ഛെ! ഞാനിത് എന്തൊക്കെയാ ആലോചിക്കുന്നത്…? മമ്മി അവിടെ ട്രെയിനിംഗിന് പോയതല്ലേ. ലണ്ടനിൽ ഇങ്ങനെയുള്ള എത്രയോ പേരുണ്ടാകും. ഒരേപോലെ തോന്നിക്കുന്നത് സ്വാഭാവികമാണ്. പാവം മമ്മി... "
അവൻ ആ വീഡിയോ സ്കിപ്പ് ചെയ്തു അടുത്തതിലേക്ക് പോയി. എങ്കിലും ഉള്ളിന്റെ ഉള്ളിൽ എവിടെയോ ആ ചിത്രം ഒരു ചോദ്യചിഹ്നമായി അവശേഷിച്ചു…

പിറ്റേന്ന് രാവിലെ Xxxx മെഡിക്കൽ ഇൻസ്റ്റിറ്റ്യൂട്ടിലെ സെമിനാർ ഹാളിൽ അവർ പതിവുപോലെ എത്തി. സർജറി ട്യൂട്ടോറിയലിനിടയിൽ സിനി തന്റെ ടേബിളിന് താഴെ റൂബന്റെ കൈകൾക്കായി തിരഞ്ഞു…

" റൂബൻ... ക്ലാസ് കഴിഞ്ഞു നമുക്ക് ഓക്സ്ഫോർഡ് സ്ട്രീറ്റിൽ പോണം. എനിക്ക് കുറച്ചു സാധനങ്ങൾ കൂടി വാങ്ങാനുണ്ട്… " അവൾ പതുക്കെ മന്ത്രിച്ചു…

" എന്തും വാങ്ങാം സിനീ... പക്ഷേ എനിക്ക് വേണ്ടത് എപ്പോ തരും…? " റൂബൻ അവളുടെ കാതോരത്ത് അല്പം താഴ്ന്ന സ്വരത്തിൽ ചോദിച്ചു. അവന്റെ ശ്വാസം അവളുടെ കഴുത്തിൽ തട്ടിയപ്പോൾ സിനി ഒന്ന് വിറച്ചു…

" നിനക്ക് വേണ്ടത് നീ തന്നെ എടുത്തോ കുട്ടാ... " അവൾ ഒരു കള്ളച്ചിരിയോടെ അവനെ