Chapter Title : സ്വർണ്ണക്കൂട് [കബനീനാഥ്]

ആയിരുന്നില്ല; മറിച്ച് ലോകം മറന്നു പ്രണയിക്കുന്ന രണ്ടു സഞ്ചാരികൾ മാത്രമായിരുന്നു.
ഹൈഡ് പാർക്കിലെ വിന്റർ വണ്ടർലാൻഡിൽ അവർ കൈകോർത്തു നടന്നു. കയ്യിൽ വലിയൊരു കോട്ടൺ കാൻഡിയുമായി കുട്ടികളെപ്പോലെ ചിരിക്കുന്ന സിനിയെ നോക്കി റൂബൻ നിന്നു…
" സിനീ... നിന്നെ ഇങ്ങനെ കാണാനാണ് എനിക്ക് ഏറ്റവും ഇഷ്ടം. ആ ഹോസ്പിറ്റലിലെ ഗൗരവമൊക്കെ എവിടെപ്പോയി…? " റൂബൻ അവളുടെ തോളിലൂടെ കൈയ്യിട്ടു ചേർത്തുപിടിച്ചു…

" അതൊക്കെ ദുബായ് എയർപോർട്ടിൽ ഉപേക്ഷിച്ചടാ... ഇവിടെ ഞാൻ വെറുമൊരു സിനിയാണ്. നിന്റെ മാത്രം സിനി…! " അവൾ അവന്റെ നെഞ്ചിലേക്ക് ചാഞ്ഞു. ആ തണുപ്പിലും റൂബന്റെ ശ്വാസത്തിന്റെ ചൂട് അവൾക്ക് സുഖം നൽകി…

അവർ അവിടെയുള്ള വലിയ ജയിന്റ് വീലിൽ കയറി. ലണ്ടൻ നഗരത്തിന്റെ രാത്രിദൃശ്യം ഉയരത്തിൽ നിന്നു കാണുമ്പോൾ സിനി റൂബനെ മുറുക്കെ കെട്ടിപ്പിടിച്ചു…
ആ ഉയരത്തിൽ, ആകാശത്തോട് ചേർന്ന് നിൽക്കുമ്പോൾ അവൾ അവന്റെ ചുണ്ടുകളിൽ ആഴത്തിൽ ചുംബിച്ചു. ചുറ്റുമുള്ള ലോകമോ ആളുകളോ ഒന്നും അവർക്ക് ഒരു തടസ്സമായില്ല...
…………………………………………………………………………

അതേസമയം, കേരളത്തിൽ തന്റെ മുറിയിൽ കിടന്ന് ഫെലിക്സ് ഇൻസ്റ്റാഗ്രാം റീൽസ് സ്ക്രോൾ ചെയ്യുകയായിരുന്നു. അപ്രതീക്ഷിതമായി ഒരു ട്രാവൽ വ്ലോഗറുടെ #‘London Diaries’വീഡിയോ അവന്റെ കണ്ണിൽ ഉടക്കി. ലണ്ടനിലെ സൗത്ത് ബാങ്കിന് സമീപം വെച്ച് എടുത്ത ഒരു വീഡിയോ ആയിരുന്നു അത്. വ്ലോഗർ ക്യാമറയ്ക്ക് മുന്നിൽ സംസാരിക്കുമ്പോൾ, കുറച്ച് ദൂരെയുള്ള ഒരു ലാംപ് പോസ്റ്റിന് താഴെ ഒരു ജോഡി കെട്ടിപ്പിടിച്ചു നിൽക്കുന്നത് ഫെലിക്സ് ശ്രദ്ധിച്ചു…

അവൻ വീഡിയോ പോസ് ചെയ്ത് സൂം ചെയ്തു. ലണ്ടനിലെ മൂടൽമഞ്ഞും വെളിച്ചക്കുറവും കാരണം മുഖം അത്ര വ്യക്തമല്ല.