Chapter Title : സ്വർണ്ണക്കൂട് [കബനീനാഥ്]

സിനി ബാത്ത്റൂം വാതിലിനടുത്ത് നിൽക്കുകയായിരുന്നു…

" സിനി…? നീ എപ്പോഴാ എത്തിയത്…? ഞാൻ എയർപോർട്ടിൽ വരാൻ നോക്കിയതാ, പക്ഷേ മീറ്റിംഗ് നീണ്ടുപോയി… " ഫിലിപ്പ് തന്റെ ടൈ അഴിച്ചു കൊണ്ട് പറഞ്ഞു. അയാൾ വല്ലാതെ തളർന്നതുപോലെ തോന്നി…

" ഞാൻ... ഞാൻ ആൾമോസ്റ്റ് അര മണിക്കൂർ മുൻപ് എത്തി ഫിലിപ്പ്. റൂബൻ ഡ്രോപ്പ് ചെയ്തു. വല്ലാതെ ടയേർഡ് ആയിരുന്നു, അതാ വേഗം കുളിക്കാൻ കയറിയത്… " സിനി പരമാവധി സ്വാഭാവികമായി സംസാരിക്കാൻ ശ്രമിച്ചു. അവളുടെ ഹൃദയം അപ്പോഴും വാരിയെല്ലുകൾ തകർക്കും വിധം ഇടിച്ച് കൊണ്ടിരിക്കുകയായിരുന്നു…

ഫിലിപ്പ് ബെഡിലേക്ക് ഇരുന്നു. " റൂബൻ പോയോ…? അവനെ ഒന്ന് കാണാമായിരുന്നു. എനിക്ക് അബുദാബിയിലെ പുതിയ പ്രോജക്റ്റിനെപ്പറ്റി ഒന്ന് സംസാരിക്കണമായിരുന്നു… "

" അവൻ ബാഗ് വെച്ചിട്ട് ഉടനെ പോയി ഫിലിപ്പ്… ഹോസ്പ്പിറ്റലിൽ തിരക്കല്ലേ…! " സിനി നുണ പറഞ്ഞു ഒപ്പിച്ചു... തന്റെ നഗ്നമായ തോളുകളിൽ അപ്പോഴും പറ്റിപ്പിടിച്ചിരുന്ന റൂബന്റെ ഗന്ധം ഫിലിപ്പ് തിരിച്ചറിയുമോ എന്ന് അവൾ ഭയന്നു…

ഫിലിപ്പ് പതുക്കെ എഴുന്നേറ്റ് അവളുടെ അടുത്തേക്ക് വന്നു. " നാട്ടിലെ വിശേഷങ്ങൾ എന്തൊക്കെയാ…? മക്കൾക്ക് അവിടെ കുഴപ്പമൊന്നുമില്ലല്ലോ…? ഓക്കേയല്ലേ…? " അയാൾ അവളുടെ തോളിൽ കൈ വെച്ചു…

സിനി അറിയാതെ ഒന്ന് പിന്നിലേക്ക് മാറി. ഫിലിപ്പിന്റെ ആ സ്പർശനം അവൾക്ക് വല്ലാത്തൊരു അസ്വസ്ഥത നൽകി. അല്പം മുൻപ് റൂബൻ തന്ന ആ വന്യമായ സുഖം അവളുടെ കോശങ്ങളിൽ ഇപ്പോഴും പടർന്നു കിടക്കുകയാണ്…

" അവർക്ക് കുഴപ്പമില്ല ഫിലിപ്പ്… ഞാൻ... ഞാൻ ഒന്നു ഡ്രസ്സ് മാറ്റിയിട്ട് വരാം. വിശക്കുന്നില്ലേ… ഞാൻ എന്തെങ്കിലും ഉണ്ടാക്കാം… "

സിനി തിരികെ ബാത്ത്റൂമിലേക്ക് കയറി വാതിൽ അടച്ചു. അവൾ ഭിത്തിയിൽ ചാരി നിന്ന് ദീർഘമായി ശ്വാസം വിട്ടു. കണ്ണാടിയിൽ നോക്കിയപ്പോൾ അവൾ കണ്ടത് തന്റെ ഒരു അപരിചിതയെയാണ്...

കഴുത്തിന് താഴെ റൂബൻ നൽകിയ ചെറിയൊരു കടിച്ച പാട് (Hickey) അവൾ നടുക്കത്തോടെ ശ്രദ്ധിച്ചു… അവൾ വേഗം അവിടെ മുടി കൊണ്ടിട്ടു മറച്ചു.
അരമണിക്കൂർ കഴിഞ്ഞ് അടുക്കളയിൽ സിനി ചായ തയ്യാറാക്കുമ്പോൾ അവളുടെ ഫോൺ വൈബ്രേറ്റ് ചെയ്തു. റൂബന്റെ മെസ്സേജ്…