Chapter Title : സ്വർണ്ണക്കൂട് [കബനീനാഥ്]

വിറയ്ക്കുന്നത്…? " അയാൾ അവളുടെ കണ്ണുകളിലേക്ക് സൂക്ഷിച്ചു നോക്കി.

" ഒന്നുമില്ല... കുറച്ചു വിശ്രമിച്ചാൽ മാറിക്കോളും… " സിനി പതിയെ ഒഴിഞ്ഞുമാറി തന്റെ മുറിയിലേക്ക് നടന്നു…

അടുത്ത ദിവസം രാവിലെ ഹോസ്പിറ്റലിൽ എത്തിയപ്പോൾ റൂബൻ അവളുടെ ക്യാബിന് മുന്നിൽ നിൽക്കുന്നുണ്ടായിരുന്നു. അവൻ ഒരു മനോഹരമായ പുഞ്ചിരിയോടെ അവളെ സ്വീകരിച്ചു.

"ഗുഡ് മോർണിംഗ് സിനീ... ഇന്നലെ രാത്രി സുഖമായി ഉറങ്ങിയോ?" അവൻ പതുക്കെ അവളുടെ കാതിൽ മന്ത്രിച്ചു.
" റൂബൻ... ഫിലിപ്പ് സംശയിക്കുന്നുണ്ടോ എന്ന് എനിക്ക് പേടിയുണ്ട്. ഇന്നലെ അയാൾ എന്നെ നോക്കിയ നോട്ടം... " സിനി പരിഭ്രമത്തോടെ പറഞ്ഞു.
" പേടിക്കണ്ട സിനീ... അയാൾക്ക് ബിസിനസ്സ് അല്ലാതെ മറ്റൊന്നും അറിയില്ല... “
റൂബൻ ഒന്ന് ചിരിച്ചു. ആ ചിരിയിൽ ഒരു വലിയ വിജയത്തിന്റെ ആവേശമുണ്ടായിരുന്നു.

സ്വർണ്ണക്കൂടിന്റെ അഴികൾ ഇപ്പോൾ പൂർണ്ണമായും തകർന്നു കഴിഞ്ഞിരിക്കുന്നു. സിനി ആകാശത്തേക്ക് ചിറകടിച്ചു തുടങ്ങിയിരിക്കുന്നു, പക്ഷേ ആ ആകാശം എത്രത്തോളം സുരക്ഷിതമാണെന്ന് അവൾക്കറിയില്ലായിരുന്നു…
…………………………………………………………………………

ഹോസ്പിറ്റലിലെ ആ രാത്രിക്ക് ശേഷം സിനിയുടെ ഉള്ളിൽ ഒരുതരം ഭയവും അതോടൊപ്പം റൂബനോടുള്ള അടങ്ങാത്ത അഭിനിവേശവും ഒരുപോലെ നിറഞ്ഞുനിന്നു. ഓരോ തവണ നേഴ്സ് മേരിയെ കാണുമ്പോഴും സിനി അറിയാതെ ഒന്ന് പതറും. പക്ഷേ മേരി ഒന്നും സംഭവിക്കാത്തതുപോലെ തന്റെ ജോലികളിൽ മുഴുകി. എങ്കിലും അവളുടെ നിശബ്ദത സിനിയെ ഭയപ്പെടുത്തിയിരുന്നു…

ദിവസങ്ങൾ കടന്നുപോയി. ഫെലിക്സിന്റെ വെക്കേഷൻ അവസാനിക്കാറായപ്പോഴേക്കും വില്ലയിൽ പുതിയൊരു സന്തോഷത്തിന്റെ വാർത്തയെത്തി. ഫിയയ്ക്ക് പ്ലസ് ടു പരീക്ഷയിൽ രണ്ടാം റാങ്ക്..! വില്ലയിലാകെ ഒരു ഉത്സവപ്രതീതിയായിരുന്നു.

റാങ്ക് വാർത്ത വന്ന് കുറച്ചു ദിവസങ്ങൾക്കകം നീറ്റ് (NEET) റിസൾട്ടും വന്നു.