Chapter Title : താഴ്വാരത്തിലെ പനിനീർപൂവ് 6 [AKH]

അയാളുടെ മടിയിൽ അവർ ഇരുന്നിട്ട് വണ്ടിയുടെ ഗിയർ ലിവർ പോലും എനിക്ക് കാണാൻ സാധിക്കുന്നില്ല ,ഞാൻ പുറകിൽ നോക്കിയപ്പോ ലെച്ചു ഒരു സൈഡിൽ ഞെരിഞ്ഞമർന്നിരിക്കുന്നു ,

എനിക്ക് എല്ലാം കണ്ട് ദേഷ്യം വന്നു പക്ഷേ ഒന്നും മിണ്ടിയില്ല , കല്യാണത്തിന്ന് വന്നതല്ലെ അതുകൊണ്ട് ഒരു മുറുമുറുപ്പ് ഉണ്ടാക്കണ്ടാ എന്നു കരുതി ,

" എന്നാ പോവാം മോനെ "

അയാൾ പറഞ്ഞു ,

'' ഉം ശരി "

ഞാൻ അതും പറഞ്ഞ് വണ്ടി എടുത്തു ,

പെണ്ണിന്റെ വീട്ടിലെക്ക് ഒന്നര മണിക്കുർ യാത്ര ഉണ്ടായിരുന്നു ,

ഞാൻ ഇവരോടുള്ള ദേഷ്യം ആക്സിലേക്റ്ററിൽ തീർത്തു , ഹൈവയിൽ കയറിട്ട് വണ്ടി തൊണ്ണൂറിന് താഴെ പോയിട്ടില്ല ,സ്പീഡ് കാമറ വർക്കിംഗ് അല്ലാത്തത് കൊണ്ട് ഭാഗ്യം ,

അതിന്റെ ഇടക്ക് അയാൾ പണ്ടത്തെ അയാളുടെ പല വിര സാഹസകഥകളും പറയുന്നുണ്ടായിരുന്നു. ഞാൻ എല്ലാത്തിനും വെറുതെ ഇരുന്നു മൂളി,

ഫസ്റ്റ് പോയ കല്യാണ വണ്ടിയെ വരെ ഓവർടെക്ക് ചെയ്ത് കൊണ്ട് ഞങ്ങളുടെ വണ്ടി ആദ്യം പെണ്ണിന്റെ വീട്ടിൽ എത്തി ,അവിടെ അടുത്ത് തന്നെ ആയിരുന്നു കല്യാണം നടക്കുന്ന ക്ഷേത്രവും അതിനോട് ചേർന്നുള്ള കല്യാണ ഹാളും ,ഞാൻ വണ്ടി ക്ഷേത്രത്തിലെ പാർക്കിംഗ് ഏരിയയിൽ ഒതുക്കി ഇട്ടു ,

അങ്ങനെ കാറിൽ നിന്ന് അമ്മാവനും സംഘവും ഇറങ്ങി ,അവർ ഒരു നന്ദി പോലും പറയാതെ ക്ഷേത്രത്തിന്റെ അകത്തേക്ക് നടന്നു നീങ്ങി ,ഞാൻ കാറിൽ നിന്ന് ഇറങ്ങി,

" ലെച്ചു നിയെന്താ ഇറങ്ങാത്തെ"

എല്ലാവരും ഇറങ്ങി പോയിട്ടും കാറിൽ തന്നെ ഇരിക്കുന്ന അവളെ നോക്കി ചോദിച്ചു