Chapter Title : തമ്പുരാട്ടി 10 [രാമന്‍]

കണ്ട വെപ്രാളവും!!

“ഒരു സ്ഥലം വരെ വേഗം പോവാനുണ്ട്...അതാ അമ്മയേം കൂട്ടി വന്നേ....ഇറങ്ങട്ടെന്നാൽ....?” ഏട്ടത്തിയുടെ കയ്യും പിടിച്ചു ഇത്തിരി ഭയപ്പാടോടെ നിൽക്കുന്ന മേരിചേച്ചിയോട് ഞാൻ അത് ചോദിച്ചപ്പോ.അവർ വേഗം തലയാട്ടി.

“പോയേച്ചും വരാ...” ഏട്ടത്തി പ്രത്യേകം അത് അവരോട് പറഞ്ഞു. ഞങ്ങൾ വേഗം കാറിലേക്ക് കേറി. വണ്ടി എടുക്കുമ്പോ ബാക്ക് മിറർലൂടെ എന്താ പ്രശ്നമെന്ന്..അനുഷേച്ചിയോട് അമ്മ കേൾക്കാതെ ഏട്ടത്തി ചോദിക്കുന്നത് കണ്ടു.

അവരെന്തൊക്കെയോ കുശു കുശു ന്ന് പറഞ്ഞു. പിന്നെ ശ്രെദ്ധ ഡ്രൈവിങ്ങിൽ മാത്രമായി...അങ്ങാടിയും കടന്നു കാറ് പോവുമ്പോ..ബാക്കിൽ ചന്ദ്രനുള്ള കാർ കുറച്ചു ദൂരം വരെ കൂടെ വന്നു.പിന്നെ അതിനെ കാണാതായി...

അമ്മയുടെ ഫോൺ ബെല്ലടിച്ചു. ചെവിയിൽ വെച്ച് മിണ്ടാതെ അമ്മ ഇത്തിരി നേരം നിന്നു.

“എന്ത്....എന്തിന്...”അമ്മ ചിരിച്ചു. പുച്ഛം പോലെ.

“എന്റെ വക്കീലേ..ഞാനിത് ഇന്നോ ഇന്നലെയോ കാണാൻ തുടങ്ങിയതല്ല..അതോണ്ട് പേടിക്കണം എന്നൊക്കെ പറയുന്നത് നിങ്ങൾ നിങ്ങളെ കയ്യിൽ വെച്ചാ മതി.... ഒറ്റണ്ണം എന്റെ വീടിന്റെ പരിസരത്ത് അടുക്കൂല്ല!

അതിനുള്ള വഴിയൊക്കെ എനിക്കറിയാ..പിന്നേ ഞാനൊറ്റക്കല്ല ആ വീട്ടിലുള്ളത് എന്നറിയാലോ. ഇപ്പോഴാണേൽ കൂടെ എന്റെ മരുമോളും അവളുടെ മോളുംകൂടെയുണ്ട്... ...“ അന്തം വിട്ട് ഫോൺ ചെയ്യണ അമ്മയെ നോക്കി.

ഇത്രേം കാലം അംഗീകരിക്കാത്ത അംഗീകരിക്കൂല്ലാന്ന് പറഞ്ഞ തടാക തന്നെയല്ലേ എന്റെ മരുമോളെന്ന് എടുത്തു പറയുന്നേ?!!

”അവരിതൊക്കെ കണ്ട് വെറുതെ..മനസ്സ് വേഷമിപ്പിക്കണ്ടാ..അവർക്ക് ബുദ്ധിമുട്ട് ഉണ്ടാവേണ്ടാന്ന് വെച്ച് മാത്രം!!!! എന്റെ വീട്ടിലാണേൽ അനിയത്തിമാരൊക്കെ വന്നിട്ടുണ്ട്..ഒന്ന് ചെന്ന് കാണാൻ അമ്മയും പറഞ്ഞു.....“ ഫോണിലൂടെ വക്കീൽ പറയുന്നത് എന്തോ അമ്മ കേൾക്കായിരുന്നു പിന്നെ.

അമ്മയുടെ തറവാട്ടിൽ ചെറിയമ്മമാർ വന്നിട്ടുണ്ടെന്ന് പറഞ്ഞപ്പോ വിദ്യമ്മയെ ഓർമ വന്നു.