Chapter Title : തമ്പുരാട്ടി 10 [രാമന്‍]

എല്ലാരുടെയും മുഖത്തു ഇത്തിരി പേടി പൊന്തിയോ? സ്നേഹപ്പേടിയാവും!! അല്ലേൽ അമ്മയെ കണ്ട വെപ്രാളവും ആദിയും ഒക്കെയാവും! !

പുഷ്പാന്റിയും ഉമാന്റിയും അമ്മയുടെ നേരെ താഴെയുള്ള ശ്രീലക്ഷ്മിയമ്മയും എന്തിന് അര മതിലിലും ചെയറിലും ഇരുന്നിരുന്ന അമ്മയുടെ രണ്ട് ഏട്ടന്മാരും വരെ ഞങ്ങളെ കണ്ട് പിടഞ്ഞെഴുന്നേറ്റു.

മുണ്ട് കുത്തഴിച്ചു കൈ ബാക്കിൽ കെട്ടി അവർ ബഹുമാനപൂർവ്വം നിന്നു. ഇത്ര കാലായിട്ടും എന്റമ്മയോടുള്ള പേടി ഏട്ടൻമാരായീട്ടും പോയീല്ലേ?? ഞാൻ ഉമ്മ വെച്ചു കൊഞ്ചിക്കുന്ന പെണ്ണിനെയല്ലേ.

..ഇവരൊക്കെ ഇങ്ങനെ പേടിച്ചു നോക്കുന്നത്!! എനിക്കാകെ ചിരി വന്നു.

കാറു നിർത്തി ഞങ്ങൾ എല്ലാരും പുറത്തേക്കിറങ്ങി. എല്ലാരും ഏട്ടത്തിയെ നോക്കുന്നുണ്ട്. എന്റെ സുന്ദരി ഏട്ടത്തിയെ ഇവരെല്ലാം ആദ്യായിട്ട് കാണായോണ്ട്..ആരാന്നുള്ള സംശയം എല്ലാര്ക്കുമുണ്ടാവും.

.അനുഷേച്ചിയുടെ കൈയ്യിൽ വാവയെ കൂടെ കണ്ടപ്പോ എല്ലാരുടെയും മുഖത്തു വാത്സല്യോം സ്നേഹം എന്തൊക്കെയോ വന്നു നിറഞ്ഞു.

ഞങ്ങളെ സ്വീകരിക്കാൻ വിദ്യമ്മയും ലക്ഷ്മിയമ്മയും മുറ്റത്തേക്ക് ഇറങ്ങി വരുന്നത് കണ്ടു. ഏട്ടത്തി വേഗം എന്റെ കൈ പിടിച്ചു മുറുക്കി.

“മോനൂസേ....??!!!” അമ്മയും ചേച്ചിയും ഞങ്ങളെ മുന്നിലായിരുന്നു. ഏട്ടത്തിക്ക് എന്തോരും പ്രയാസം ആ മുഖത്തുണ്ട്.!!! ഞാൻ എന്തേന്ന് മുഖം കൊണ്ട് ചോദിച്ചപ്പോ..ഏട്ടത്തി റോട്ടിലേക്ക് ഇറങ്ങിപോവുന്ന തെയ്യക്കോലവും...മുറ്റത്തെ കത്തുന്ന നിലവിളക്കിലേക്കും എല്ലാം പേടിയോടെ നോക്കുന്നുണ്ട്...

“ഞാൻ വന്നാ പ്രശ്നാവോ?.....” പേടിയാണ് ആ മനസ്സിൽ നിറയെ..നിലവിളക്കും..തെയ്യവും വീടിന്റെ രൂപവും എല്ലാം കണ്ടപ്പോ പേടിയായിക്കാണും! അന്യമതക്കാരെ കേറ്റാത്ത ദുഃഷ്ടമനസ്സുകളാ. .എന്റമ്മയുടെ ബാക്കിയുള്ളത്ന്ന് തോന്നിയോ എന്റെ ഈ പാവത്തിന്..ഒരു പ്രേശ്നോല്ലാ.ഇവരൊന്നും അങ്ങനത്തെ ആളുകളേയല്ലാന്ന് പറയാൻ പോവായിരുന്നു.

പെട്ടന്ന് അമ്മ ഏട്ടത്തിയുടെ സ്വകാര്യം കേട്ടപോലെ ഞങ്ങളെ തിരിഞ്ഞു നോക്കി.

“എന്താ....” ഏട്ടത്തി പേടിച്ചു പോയി.