Chapter Title : തമ്പുരാട്ടി 10 [രാമന്‍]

എന്റെ കയ്യിൽ ആ പിടി മുറുകുന്നത് ഞാനറിഞ്ഞു...

“ഇങ്ങു വാ...” അമ്മ ഏട്ടത്തിയുടെ നേരെ കൈ നീട്ടി. പേടിച്ചു പേടിച്ചു...ഏട്ടത്തി അടുത്തേക്ക് ചെന്നപ്പോ,എന്നേക്കാൾ നല്ലോണം ധൈര്യം കൊടുക്കാൻ അമ്മ ബെസ്റ്റായത് കൊണ്ട് ഞാൻ പെണ്ണിനെ വേഗം അമ്മയുടെ എടുത്തേക്ക് ഉന്തി വിട്ടു.

അമ്മ ഏട്ടത്തിയുടെ കയ്യും പിടിച്ചു മുന്നിൽ നടന്നു. വണ്ടിയിലെ വാങ്ങിയ കവർ ഓരോന്ന് പെറുക്കിയെടുത്തു..എന്നെ കാത്തു നിന്ന അനുഷേച്ചി പെണ്ണിനെയുംകൂട്ടി തൊട്ട് ഉരുമ്മി ഞാൻ മെല്ലെ വീട്ടിലേക്ക് നടന്നു.ചെറിയമ്മമാർ ഇത്തിരി തല കുനിച്ചു നിൽക്കാണ് അമ്മ അടുത്തു വന്നപ്പോ.

“എപ്പോഴാടീ..രണ്ടും വന്നേ…” അമ്മ രണ്ടിന്റെയും തലയിൽ മെല്ലെ തൊട്ടു.

“ഇന്നലെ വന്നേച്ചീ...”

“വേറേ ആരും വന്നില്ലേ..മക്കളോ...?” വലിയ സ്നേഹം വാരിക്കോരി കൊടുക്കാതെയുള്ള അമ്മയുടെ സാധാ ചോദ്യം!!! ചെറിയമ്മമാർ..രണ്ടും അതിന് വേണ്ടി സൂക്ഷ്ച്ചും കണ്ടുമുള്ള മറുപടി മാത്രം.!! വേറേ സ്നേഹ പ്രകടനം ഒന്നുമില്ല!!

വരാന്തയിൽ കേറി അമ്മ ഏട്ടന്മാരെ നോക്കി ഒന്ന് നിന്നപ്പോഴേ..രണ്ടാളും മോളേന്ന് വിളിച്ചു...അമ്മയുടെ തലയിലും കവിളിലും മെല്ലെ തൊട്ടു. എന്നാലും സൂക്ഷിച്ചും കണ്ടുമാണ്!

“എന്താ രണ്ടാളും ഇന്ന് ഇവിടെ തന്നെ ഇരുന്നത്..വീട്ടിൽ കാണാത്ത ആൾക്കാരാണല്ലോ...?...” അമ്മയുടെ ചെറിയ കളിമട്ടിലുള്ള ചോദ്യം!!

“അത്....” രണ്ടാളും പരുങ്ങി..“ മോളൊക്കെ വരുന്നതല്ലേ....”

“ഹ്മ്മ്. ...”അമ്മയൊന്ന് മൂളി.

“എന്താ ഉഷേച്ചീ...പുഷ്പേച്ചീ...എന്താണ് വർത്താനം...?...” കെട്ടിയോന്മാരെ ബാക്കിൽ നിന്നിരുന്ന രണ്ടാളോടും അമ്മയതും ചോദിച്ചു വെറുതേ ചിരിക്കണ്ടേ എന്നോർത്ത് ചിരിച്ചപോലെ കാണിച്ചു അകത്തേക്ക് ഏട്ടത്തിയെയും കൊണ്ട് കേറിപ്പോയി.!!!

എത്ര പെട്ടന്നാ ഈ വീട്ടിലെ അധികാരം മുഴുവനും അമ്മയുടെ കയ്യിൽ വന്നു ചേർന്നത്!

അമ്മയൊന്ന് മാറിയതോടെ..എല്ലാരുടെയും യഥാർത്ഥ സ്വഭാവം!! സ്നേഹവാൽസല്ല്യത്തിന്റെ കൊല്ലുന്ന രൂപം പുറത്തേക്കങ്ങു