Chapter Title : തമ്പുരാട്ടി 6 [രാമന്‍]

അയാൾക്ക് കാണിച്ചു കൊടുത്തു. പെട്ടന്ന് വാവ  അയാളുടെ മേലേക്ക് കൈ ഉയർത്തി ചാടി. എത്ര പിടിച്ചു വെച്ചാലും സ്വന്തം ചോരയിലെ കുട്ടിയെ കാണുമ്പോ പുറത്തേക്ക് വീണ സ്‌നേഹം അയാൾ വാവയോടും കാട്ടി. എടുത്തു നെഞ്ചിൽ ചേർത്തു ഉമ്മ വെച്ചു . ഏട്ടത്തി കണ്ണു നിറച്ചു സന്തോഷിക്കുന്നത് ഞാൻ കണ്ടു.അമ്മച്ചിയപ്പോ ഏട്ടത്തിയെയും കൊണ്ട് അകത്തേക്ക് പോയി.

ഒറ്റക്കായ എന്റെ കൂടെ അന്നയുണ്ടായിരുന്നു. അന്നയുടെ കുഞ്ഞി മുഖവും നിഷ്കളങ്കമായ സ്ഥിരം ഭാവവും കണ്ടാ പ്ലസ് ടു ന് പഠിക്കണ കുട്ടിയാണെന്നെ തോന്നു. ഞങ്ങൾ അടുത്തടുത്ത സോഫയിൽ ഇരുന്നു സംസാരിക്കാൻ തുടങ്ങി. ആദ്യമവൾക്ക് എന്നോട് ഒരു ബഹുമാനം പോലത്തെ സംസാരം ആയിരുന്നെങ്കിൽ ,കുറച്ചു കഴിഞ്ഞപ്പോ ഒരേ വയസ്സുള്ള ആളുകൾ സംസാരിക്കുന്ന പോലെ എടാ പോടാ എന്നൊക്കെയായി. അമ്മച്ചിയെപ്പോലെ തന്നെ നിർത്താതെ ഓരോന്ന് പറഞ്ഞോണ്ടിരിക്കുന്ന പെണ്ണ്.

ഏട്ടത്തിയുടെ നേരെ ഓപ്പോസിറ്റ്. എന്റെ വിശേഷങ്ങൾ എല്ലാം ചോദിച്ചു കഴിഞ്ഞപ്പോ അവളെന്നോട് ഈ പെണ്ണുകാണലിനെ കുറിച്ച് പറഞ്ഞു. ചെക്കന്റെ അച്ഛനും അമ്മയ്ക്കും എതിർപ്പായിരുന്നു പോലും ഈ ബന്ധം.ഇന്ന് വന്നതു പോലും ഇഷ്ടമില്ലാതെ ആണെന്ന് പറഞ്ഞപ്പോ എനിക്കവളോട് കുറച്ചു വിഷമം തോന്നി.പക്ഷെ ഞാൻ വന്നത് കൊണ്ട് എല്ലാം മാറി മറിഞ്ഞു പോലും.

ചെക്കന്റെ അച്ഛനും അമ്മയ്ക്കും ഇപ്പോ പൂർണ സമ്മതമാണെന്ന് അവളുടെ ചെക്കൻ പത്തു മിനിറ്റ് മുന്നേ വാട്സാപ്പ് ചെയ്തത് അവൾ എനിക്ക് കാണിച്ചു തന്നു. എല്ലാം ഞാൻ വന്നോണ്ടാണു പോലും. അപ്പോഴെന്റെ മുന്നത്തെ സംശയം ശെരിയായിരുന്നു. ശ്രീദേവി മാഡവുമായുള്ള ഈ കുടുംബത്തിന്റെ ബന്ധം അറിഞ്ഞപ്പോ ചെക്കന്റെ അച്ഛന്റെ ചിരി ഇപ്പോഴുമെനിക്ക് ഓർമ്മയുണ്ട്. ഹാ പോട്ടെ. അന്നക്ക് ഇങ്ങനെ എങ്കിലും ആഗ്രഹിച്ച ജീവിതം കിട്ടട്ടെ. അവളെന്നോട് ഒരുപാട് താങ്ക്സ് പറഞ്ഞു.

“നീയുള്ളോണ്ടാടാ ഇതൊക്കെ നടന്നേ..അപ്പായിക്കും അമ്മച്ചിക്കും കുറച്ചേലും ബഹുമാനം, അവരെ എടുത്തുനിന്ന് കിട്ടിയത് നീ വന്നതിന് ശേഷാ...” കണ്ണു നിറച്ചു അവളതു പറഞ്ഞപ്പോ.എനിക്ക്