Chapter Title : തമ്പുരാട്ടി 6 [രാമന്‍]

വാതിൽക്കൽ അയാളെത്തി. “ഞാൻ രാത്രിയെ കഴിക്കത്തുള്ളൂ ...ഇപ്പോ വേണ്ടാ...വാവക്ക് കൊടുക്ക് അവൾ കണ്ണും തുറന്നു കിടക്കാ...” ഞാൻ കരുതിയ പോലെയേ അല്ലായിരുന്നു അച്ഛൻ. ഇത്രേം നല്ല സൗമ്യനായ അച്ഛനെ ആണോ ഞനിത്ര നേരാം പേടിച്ചിരുന്നേ?

അന്ന വാവയെയും വാങ്ങി ഞങ്ങൾക്കരികിൽ ഇരുന്നു. അമ്മച്ചി ഞങ്ങൾക്ക് വിളമ്പി തന്നു.

നല്ല സോഫ്റ്റ്‌ കള്ളപ്പം എരുവുള്ള കോഴിക്കറി കൂട്ടിയങ്ങു തട്ടി. എന്തൊരു രുചിയാണ് അമ്മച്ചിയുടെ പാചകത്തിന് . ഇത് വരെ നാവിനു കിട്ടാത്ത രുചി കിട്ടിയപ്പോ ആർത്തിയോടെ ഞാൻ തിന്നു. എരു കൂടുമ്പോ ചൂടുള്ള കട്ടൻചായ ഊതി കുടിക്കും. അപ്പോ നാക്കിൽ നിന്നും അണ്ണാക്കിൽ നിന്നും സുഖമുള്ള ഒരു പുകച്ചിലുണ്ട്. ഹോ..

“അയ്യോ..ഇത്തിരി പന്നി ഫ്രിഡ്ജിലുണ്ടായിരുന്നു ചൂടാക്കെട്ടെടാ?...” അമ്മച്ചി മറന്നുപോയപോലെ എന്നോട് ചോദിച്ചു. കിട്ടിയ കൊള്ളായിരുന്നു പക്ഷെ ഇനിയും അമ്മച്ചിയെ പണി എടുപ്പിക്കണ്ടാന്ന് കരുതി വേണ്ടാന്ന് പറയാൻ നക്ക് പൊന്തിച്ചതും, അമ്മച്ചി ഇടയിൽ കേറി.

“അമ്മച്ചി വേഗം ചൂടാക്കി തരാം..മെല്ലെ കഴിക്കേ..”എന്നും പറഞ്ഞു അമ്മച്ചി അടുക്കളയിലേക്ക് പോയി.അതിനിടെ വീണ്ടും ഏട്ടത്തി എനിക്ക് കോഴിക്കറി ഒഴിച്ച് തന്നു.ഞാൻ രണ്ടപ്പം കൂടെ അകത്താക്കി. ചൂടാക്കിയ പച്ച കുരുമുളക് അരച്ച പന്നി റോസ്സ്റ്റും കൊണ്ട് അമ്മച്ചി ദൃതിയിൽ വന്നു. രണ്ടപ്പം കൂടെ എന്റെ പാത്രത്തിലിട്ട് അമ്മച്ചി പന്നിയിറച്ചി കഴിപ്പിച്ചു. തേങ്ങാ കഷ്ണം പോലെയുള്ള നെയ് കഷ്ണം അപ്പവും കൂട്ടിയങ്ങു അകത്താക്കിയപ്പോ ഞാൻ അമ്മച്ചിയെ വാനോളം പൊക്കി. എങ്ങനെയുണ്ടാക്കുന്നു ഇത്രേം നന്നായിട്ട്?

അവസാനം കഴിക്കണമെന്ന് ആഗ്രഹമുണ്ടെലും എന്റെ വയർ പൊട്ടുമെന്നായി. നിർത്താൻ പോയ എന്നെ അമ്മച്ചി കണ്ണുരുട്ടി പേടിപ്പിച്ചു. “ഒരടി തരും ഞാൻ. .ഇതൂടെ കഴിച്ചേ..നിനക്ക്