Chapter Title : ഓർമക്കുറിപ്പ് [കത്തനാർ]

ആ കാര്യം അവിടെ അവസാനിച്ചു. അപ്പോഴേക്കും കാർത്യായനി അകത്തുനിന്ന് വന്നു.

"തമ്പുരാട്ടീ..."

"എന്താ?"

"ഊണ് തയ്യാറായിട്ടുണ്ട്."

സാവിത്രി ആദിത്യനെ നോക്കി.

"ഉണ്ണീ, വിശ്രമിക്കണോ?"

"വേണ്ട അമ്മമ്മേ."

"ഉറപ്പാണോ?"

"അതെ."

"എങ്കിൽ ആദ്യം ഭക്ഷണം കഴിക്കാം."

എല്ലാവരും പതുക്കെ ഊട്ടുപുരയിലേക്ക് നീങ്ങി. അവിടെ എത്തിയപ്പോൾ ആദിത്യൻ വീണ്ടും അതിശയിച്ചു. തലേദിവസം ശവസംസ്കാരം കഴിഞ്ഞ വീട്ടാണെന്ന് ആരും പറയില്ല. വലിയ മരമേശ നിറയെ വിഭവങ്ങൾ നിരന്നിരുന്നു.

ചോറ്, വിവിധ കറികൾ, പച്ചക്കറികൾ, അച്ചാറുകൾ, പായസം. അതോടൊപ്പം പലതരം മാംസവിഭവങ്ങളും. കോഴി, ആട്ടിറച്ചി, വറുത്ത വിഭവങ്ങൾ. പുതുശ്ശേരി ഇല്ലത്തിന്റെ രീതികൾ ശരിക്കും വ്യത്യസ്തമാണെന്ന് അവന് വീണ്ടും തോന്നി.

എല്ലാവരും ഒരുമിച്ച് ഇരുന്നു. സംസാരങ്ങളുടെയും ചിരികളുടെയും ഇടയിൽ ഭക്ഷണം തുടങ്ങി.

ഭക്ഷണം കഴിക്കുന്നതിനിടെയാണ് ആദിത്യൻ മറ്റൊരു കാര്യം ശ്രദ്ധിച്ചത്. രാവിലെ തന്നോട് പെരുമാറിയ അതേ സ്വാഭാവികതയിലാണ് വീട്ടുജോലിക്കാർ രണ്ടുമാമന്മാരോടും പെരുമാറുന്നത്. വളഞ്ഞു കുനിഞ്ഞു വെള്ളം നൽകുന്നു.

തൊട്ടുരുമ്മി വിഭവങ്ങൾ വിളമ്പുന്നു. ഇടയ്ക്കിടെ അമ്മാവന്മാരുടെ കരങ്ങൾ അവരുടെ ദേഹത്ത് മനഃപൂർവ്വം തട്ടുന്നില്ലേ എന്ന് ആദി സംശയിച്ചു.

ആരുമത് അസ്വാഭാവികമായി കാണുന്നില്ല. അതിലും അത്ഭുതം, ലളിത അത്തയും മാലിനി അത്തയും അത് കണ്ടിട്ടും ഒരു ഭാവവ്യത്യാസവും കാണിക്കുന്നില്ല. അവർക്ക് അത് പതിവാണ് എന്ന് തോന്നുന്നു.

ഈ വീട്ടിലെ ബന്ധങ്ങൾ പുറത്തുനിന്ന് കാണുന്നതുപോലെയല്ലെന്ന് ആദിത്യന് തോന്നി. നീലകണ്ഠത്ത് മനയിലെ കർശനമായ അകലമോ നിയമങ്ങളോ ഇവിടെ ഇല്ല എന്ന് തോന്നുന്നു.

ഉച്ചഭക്ഷണം കഴിഞ്ഞപ്പോൾ ക്ഷീണം എല്ലാവരിലും തിരിച്ചെത്തി.

"ഉച്ചമയക്കം കഴിഞ്ഞ് ബാക്കി കാര്യങ്ങൾ നോക്കാം."

സാവിത്രി പ്രഖ്യാപിച്ചു. കുട്ടികൾ ഓരോരുത്തരായി തങ്ങളുടെ മുറികളിലേക്ക് പിരിഞ്ഞു. ആദിത്യനും മുകളിലേക്ക് പോകാനായി