Chapter Title : തറവാട്ടിലെ നിധി 16 [Jack Sparrow]

മുഖം കാണാത്തത് കൊണ്ട് അവൾ ചിരിക്കുക ആണോ അതോ ദേഷ്യത്തിൽ ആണോ എന്ന് എനിക്ക് മനസ്സിലായില്ല, ശബ്ദം വളരെ നേർത്തത് ആയിരുന്നു… അവൾ അടുക്കളയിലേക്കും ഞാൻ എൻ്റെ മുറിയിലേക്കും പോയി…

രാത്രി ഭക്ഷണം കഴിച്ചു, പതിവ് പോലെ ഞാൻ മീരയുടെയും ഉഷയുടെയും മുറി ലക്ഷ്യമായി നടന്നു, അകത്ത് കയറിയപ്പോൾ ആരും ഇല്ല, ഇവരിത് എവിടെപ്പോയി, അപ്പൊ എൻ്റെ മുതുകത്ത് ഒരു അടി പൊട്ടി…

“ആഹ്.. ” ഞാൻ വളരെ ചെറുതായി ഒച്ചവച്ചു.. തിരിഞ്ഞപ്പോൾ ദേ നിൽക്കുന്നു നായിക. അവളുടെ മുഖം കറുത്തു, നല്ല ദേഷ്യത്തിൽ ആയിരുന്നു..

“താൻ അല്ലെ പറഞ്ഞേ, എൻ്റെ സമ്മതം ഇല്ലാതെ എന്നെ തൊടില്ല പറഞ്ഞത് എന്നിട്ട് ഇത് ഇപ്പൊ രണ്ടാമത്തെ തവണ ആണ്… ഇനി ഞാൻ അമ്മായിയോട് പറയും ശ്രീ…”

“എന്തിന് നിൻ്റെ കഴുത്തിൽ അറിയാതെ എൻ്റെ ചുണ്ട് ഒന്ന് തൊട്ടതാണോ… അത് ഇന്ന് നീയും ചെയ്തല്ലോ….”

“ഞാൻ പറഞ്ഞത് ഉമ്മയുടെ കാര്യം ആണ്, ഇതൊക്കെ അതിനെ എത്രയോ താഴെ ആണ്..”

“ആഹാ, ന്യായം പറയുവാണ് അല്ലേ, ഇതിലും ഭേദം ആ ഹരിച്ചേട്ടൻ ആണ് പുള്ളി അനാവശ്യം ആയി നോക്കുക പോലും ഇല്ല…”

“എങ്കിൽ നീ അവനെ പോയി കെട്ടെടി…” എനിക്കാകെ പൊളിഞ്ഞു.

“ആ ഇനി ഇപ്പൊ അയ്യപ്പൻ്റെ ശല്യം ഇല്ലല്ലോ ! അതിന് നിന്നോട് നന്ദി ഉണ്ട് ട്ടോ…. ഇനി ഇപ്പൊ കല്യാണം ഒക്കെ നോക്കണം… എത്രകാലമാ ഈ അടുക്കളയിൽ ഇങ്ങനെ നരകിക്കുക… ആ ചേട്ടൻ ആണേൽ നല്ല സുന്ദരനും ആണ്…” ചുമരിൽ ചാരി നിന്ന് അവൾ പറഞ്ഞു.

“അത്രയ്ക്കായോ… നിന്നെ ഞാൻ…” എനിക്ക് നല്ല രീതിക്ക് ചൊറിഞ്ഞു വന്നു.. ഞാൻ മുന്നോട്ട് രണ്ടടി വച്ചതും…

“എന്താ അവിടെ രണ്ടും കൂടെ തുടങ്ങിയോ…” ഉഷമ്മ ബാത്റൂം തുറന്ന് മുറിക്ക് അകത്തേക്ക് കയറി വന്നു..

“ഒന്നുമില്ല. ഉഷമ്മ”

എൻ്റെ ശബ്ദം ചെറുതായി വിറക്കുന്നുണ്ടായിരുന്നു.

“അതേയ് അമ്മായി ശ്രീ പറയുവായിരുന്നു, എനിക്ക് വേണേൽ അന്ന് വന്ന ഹരികൃഷ്ണൻ ചേട്ടനെ കല്യാണം ആലോചിക്കാം എന്ന്… അപ്പൊ ഞാൻ പറഞ്ഞു എനിക്ക് കുഴപ്പം ഒന്നും ഇല്ല എന്ന്..”

“ഞാൻ പോകുന്നു ഉഷമ്മേ, കുറെ യാത്ര ചെയ്തത് കൊണ്ടാകും വല്ലാത്ത ക്ഷീണം..”

ഉഷമ്മ പറയുന്നത് കേൾക്കാൻ നിൽക്കാതെ ഞാൻ പെട്ടെന്ന് ഇറങ്ങി, എൻ്റെ കണ്ണ് നിറഞ്ഞത് അവർ രണ്ടിൽ ആര് കണ്ടാലും നാണക്കേട് ആണ്…

“എങ്കിൽ നമുക്ക് നാളെ സംസാരിക്കാം മോനെ, നീ പോയി കിടന്ന് ഉറങ്ങിക്കോ… ഞാൻ നടക്കുമ്പോൾ ഉഷമ്മ പിന്നിൽ നിന്ന് വിളിച്ചു പറഞ്ഞു.

…………………………………………………………….........................

മുറി അടച്ചു കട്ടിലിൽ കിടക്കുമ്പോൾ ഞാൻ ദേഷ്യം കൊണ്ടും സങ്കടം കൊണ്ടും വിറക്കുക ആയിരുന്നു.

‘അവളുടെ ഒരു കരിച്ചേട്ടൻ, അവൾക്ക് വേണ്ടി തല്ലുണ്ടാക്കാനും തല്ല് കൊണ്ട്