Chapter Title : തഴുകിയുണർത്തിയവരേ നിങ്ങൾക്ക് നന്ദി [സ്പൾബർ]

തരേണ്ടിവരും.. നിങ്ങൾ വാങ്ങിയ അഡ്വാൻസ് ഉൾപ്പെടെ…””..

സിബി അവസാനത്തെ ആണിയും അടിച്ചു..അതിൽ പാർവ്വതിയൊന്ന് പരുങ്ങി..

“” എന്നെ ചൊറിയാൻ വരരുതെന്ന് അവനോടും കൂടി സാറൊന്ന് പറഞ്ഞേക്ക്…””..

തോൽക്കാൻ പാർവ്വതി തയ്യാറായില്ല..

“ പോട്ടെ മാഡം… ഇനി വൈശാഖൊന്നും പറയില്ല… അവൻ പറഞ്ഞത് പോലെ മാഡത്തിന് ചെയ്യാൻ പറ്റുന്നതും ഉണ്ട്..

നമുക്കൊരു സ്ക്രീൻ ടെസ്റ്റ് നടത്തി നോക്കിയാലോ… പറ്റില്ലെങ്കിൽ വേണ്ടെന്നേ…””..

ശ്രുതി അനുനയത്തോടെ പാർവ്വതിയെ സോപ്പിട്ടു..അവളൊന്നും മിണ്ടാതെ ശ്രുതിയെ നോക്കി…

“” ഒന്ന് നോക്കാം അമ്മേ… വൈശാഖൻ സാറേ… അമ്മ നിൽക്കും… സാറ് ഫോട്ടോ എടുത്തോ…””..

ദിവ്യയും പറഞ്ഞു.. പിന്നെ ദിവ്യയും, ശ്രുതിയും കൂടി അവളെ ഉന്തിത്തള്ളി ക്യാമറക്ക് മുന്നിലേക്ക് നീക്കി നിർത്തി.. പുഛത്തോടെയും,

അഹങ്കാരഭാവത്തോടെയും പാർവ്വതി ക്യാമറക്ക് മുന്നിലേക്ക് നിന്നു.. ക്യാമറയിലൂടെ നോക്കിയ വൈശാഖിന് ദേഷ്യം വന്നു പാർവ്വതിയുടെ നിൽപ് കണ്ടപ്പോ..

“” എന്റെ മാഡം… ഒന്ന് ചിരിക്ക്… ഈ മുഖഭാവവും വെച്ച് എന്തിന്റെ പരസ്യം ചെയ്യാനാ…?”

“അതിന് ഞാൻ പറഞ്ഞോ നിന്നോട് എന്നെ വെച്ച് പരസ്യം പിടിക്കാൻ… ?””..

പാർവ്വതിയും ചൂടായി..

“” നിങ്ങളോട് നവരസം മുഖത്ത് വരുത്താനൊന്നും ഞാൻ പറഞ്ഞില്ല… ഒന്ന് ചിരിച്ചാ മതി….”..

വീണ്ടും തർക്കം തുടങ്ങുകയാണെന്നറിഞ്ഞ സിബി ഇടപെട്ടു..

“” ഒന്ന് ചിരിച്ചോണ്ട് നിൽക്ക് മാഡം…

എങ്കിലല്ലേ ഫോട്ടോ നന്നാവൂ… “..

സിബി പാർവ്വതിയുടെ അടുത്തേക്ക് വന്നു..

“” മാഡം ഒരു കൈ ഊരക്ക് കുത്തി മറ്റേ കൈ താഴ്ത്തിയിട്ട് പുഞ്ചിരിച്ചൊന്ന് നിൽക്ക്… ഒരൊറ്റ ഫോട്ടോയെടുത്താ മതി…””..

“” ഞാൻ ചെയ്തോളാം…””..

സിബി തന്നെ തൊടുമോന്ന അങ്കലാപ്പിൽ പാർവ്വതി പറഞ്ഞു.. പിന്നെ