Chapter Title : തേജാത്മികം 6 [Nishinoya]

അടിക്കുന്ന ഇടത്ത് പെയിന്റ് അല്ലാതെ ചായ അടിക്കാൻ പറ്റോ..." എന്നിട്ട് അവൻ തന്നെ സ്വയം പൊട്ടി ചിരിച്ചു. ഞാൻ കൂടെ ചിരിക്കുന്നില്ല എന്ന് കണ്ടതും അവന്റെ മുഖം മങ്ങി.

"... ഇവിടെ പെയിന്റ് അടിക്കുന്നതിനു മുന്നേ വേറെ ചില പരിപാടികൾ ഒക്കെ ഉണ്ട്. ആദ്യം അതൊക്കെ ഒന്ന് പഠിക്ക് എന്നിട്ട് നമുക്ക് പെയിന്റ് അടിച്ചാൽ പോരെ..."

"... മതി. ഞാൻ ഇപ്പൊ എന്താ ചെയ്യേണ്ടത്..."

"... ആദ്യം നീ ഈ കാണുന്ന വണ്ടിയുടെ പെയിന്റ് ഒക്കെ സാൻഡ്‌പേപ്പർ കൊണ്ട് ചുരണ്ടി ഇളക്കാൻ പഠിക്ക്..." അവനെ ഒരു വണ്ടിയുടെ അടുത്താക്കിയിട്ട് ഞാൻ എന്റെ പണി ചെയ്യാനായി പോയി.

"...സാൻഡ്‌പേപ്പർ😁..." അഞ്ചുമിനിറ്റ് വണ്ടി മുഴുവൻ നോക്കി നിന്നവൻ ഓടി എന്റെ അടുത്ത് വന്ന് കൈയ്യും നീട്ടി നിൽക്കാണ്.

ഇവനെ കൊണ്ട് ശല്യം ആയല്ലോ. അതും ചിന്തിച്ച് ഞാൻ അവന് സാൻഡ്‌പേപ്പർ എടുത്ത് കൊടുത്ത്‌ എങ്ങനെയാ ചെയ്യേണ്ടത് എന്ന് ചെയ്ത് കാണിച്ചു കൊടുത്തു. ഞാൻ തിരിച്ച് പോകാൻ തുടങ്ങവേ വീണ്ടും പിന്നിൽ നിന്നും വിളി വന്നു.

"... ആശാനേ ഇവിടുന്ന് തുടങ്ങാനോ അതോ ഇവിടുന്ന് തുടങ്ങണോ..." വണ്ടിയുടെ മുന്നും പിന്നും ചൂണ്ടി കാണിച്ചു അവന്റെ നിഷ്കളങ്കമായ ഒരു ചിരിയുണ്ട്.

"... നിനക്ക് ഇഷ്ട്ടപെട്ട ഇടത്തിന്ന് തുടങ്ങിക്കോ.പിന്നെ എന്നെ ആശാൻ എന്നൊന്നും വിളിക്കണ്ട ചേട്ടാന്ന് വിളിച്ചാൽ മതി കേട്ടല്ലോ..."

"...പണി പറഞ്ഞു തരുന്നവരെ ബഹുമാനിക്കണ്ടേ. പോരാത്തതിന് ചേട്ട എന്നൊന്നും വിളിക്കാൻ ഒരു രസം ഇല്ല..."

"... നീ ഇഷ്ട്ടം ഉള്ളത് വിളിച്ചോ. തത്കാലം പറഞ്ഞ പണി ചെയ്യ്..."

"...ശെരി ആശാനേ..."

ഇവനെക്കൊണ്ട് തോറ്റല്ലോ.