തേജാത്മികം 7

Thejathmikam Part 7 | Author : Nishinoya

[ Previous Part ] [ www.kkstories.com ]

വീട്ടിൽ വന്ന് ഉറങ്ങാൻ കിടക്കുമ്പോൾ മനസ് നിറയെ ദേവു ആയിരുന്നു. അവളുടെ ഇഷ്ട്ടം എന്നോട് തുറന്നുപറഞ്ഞിരിക്കുന്നു. ഞാൻ എന്താ അവളോട് പറയേണ്ടത് ഇഷ്ട്ടം ആണെന്നോ അല്ലെന്നോ. ആലോചിച്ചിട്ട് ഒരു എത്തും പിടിയും കിട്ടുന്നില്ല. ദേവു നല്ല കുട്ടിയ ഒരു വീഴ്ചയിൽ എന്റൊപ്പം നിന്നവൾ.

ഇന്ന് എന്റെ ജീവന്റെ പാതിയാവാൻ ആഗ്രഹിക്കുന്നവൾ. എനിക്ക് അവളെ ഇഷ്ട്ടാണോ....? ഇഷ്ട്ടപെടാതിരിക്കാൻ കാരണങ്ങൾ ഒന്നും ഇല്ലല്ലോ. എന്തായാലും നാളെ ദേവൻ വരുമല്ലോ അവനോട് സംസാരിക്കാം. കാടുകയറിയ ചിന്തകളെ തല്കാലം ഒരു മൂലയിലേക്ക് മാറ്റി ഞാൻ ഉറങ്ങാൻ തയാറെടുത്തു. പിറ്റേന്ന് രാവിലെ ഇതുവരെ ഇല്ലാത്തൊരു സന്തോഷത്തോടെയാണ് എഴുന്നേറ്റത്.

"... എന്താടാ ഇന്ന് പതിവില്ലാതെ ഒരു മൂളിപ്പാട്ട് ഒക്കെ..." നല്ല ഡ്രസ്സ്‌ ഇട്ട് കണ്ണാടിക്ക് മുന്നിൽ നിന്നും മുടി ചീകി ഒതുക്കുന്ന എന്നോട് അമ്മ ചോദിച്ചു.

"...അയ്യേ ഈ ചെക്കൻ. വിടെടാ എന്നെ..." സന്തോഷത്തിൽ കൈയിലെ സ്പ്രേ അടുത്ത്‌ അമ്മയുടെ ദേഹത്ത് അടിച്ചു ശേഷം മൂളിപ്പട്ടിനൊത്ത് അമ്മയുടെ കൈകൾ പിടിച്ച് ചുവട് വച്ചു.

"... എങ്ങനെ ഉണ്ട് അമ്മേ എന്നെ കാണാൻ..." രണ്ട് കൈയ്യും വിരിച്ച് ഞാൻ അമ്മയോട് ചോദിച്ചു.

"... എന്റെ മോൻ സൂപ്പർ അല്ലെ..." അത് കേട്ടതും ഞാൻ അമ്മയെ കെട്ടിപ്പിടിച്ച് ഒരു ഉമ്മ കൊടുത്തു.

"... ഈ ചെറുക്കന് ഇത് എന്ത പറ്റിയെ. ടാ വല്ലതും കഴിച്ചിട്ട് പോടാ..." സന്തോഷത്തിൽ ഡാൻസും കളിച്ച് പുറത്തേക്ക് ഇറങ്ങിയ എന്നോട് അമ്മ