Chapter Title : തില്ലാന 2 [കബനീനാഥ്]

മുരളിയെ……….!!

മുരളിയെ… ….!

കിടയ്ക്കയ്ക്ക് തീ പിടിച്ചതു പോലെ ശരണ്യ പിടഞ്ഞെഴുന്നേറ്റു…

നടുങ്ങിപ്പിടഞ്ഞ് ജയയും എഴുന്നേറ്റു പോയി…

ഉഷ്ണം വമിക്കുന്ന ഹൃദയവും ശരീരവുമായി ശരണ്യ കത്തിയമർന്നു…

അവൾ അത് അറിഞ്ഞില്ലേ… ?

ശരണ്യയുടെ ഹൃദയം കീറിമുറിച്ചു കൊണ്ട് ഒരു ട്രെയിൻ ഇരമ്പിയാർത്തു കടന്നുപോയിക്കൊണ്ടിരുന്നു…….....

##   ##  ##  ##

പിറ്റേന്ന്……….

‘തില്ലാന’യുടെ ഈരടികൾ കേൾക്കാതിരുന്നപ്പോൾ മുരളി പതിയെ കൺ തുറന്നു…

അമ്മ എഴുന്നേറ്റില്ലേ ഇന്ന്…?

ഒരിക്കലും മുടക്കം വരാത്ത കാര്യമാണല്ലോ… ?

കിടക്കയിൽ കിടന്ന് അവൻ ചിന്തിച്ചു…

ശരണ്യാന്റി വന്നതു കൊണ്ടാകും…

കുറച്ചു നേരം കൂടി അവൻ കിടന്നുറങ്ങാൻ ശ്രമിച്ചെങ്കിലും ബോധമനസ്സ് ഉണർന്നിരിക്കാൻ അവനെ ഉദ്ദീപിപ്പിച്ചു കൊണ്ടിരുന്നു…

കാരണം അവന്റെ ദിനചര്യയും അതായിരുന്നുവല്ലോ…….

എന്തോ, അമ്മയുടെ സ്നേഹസമൃണമായ കുലുക്കിയുണർത്തലും ഇക്കിളിയിട്ട് എഴുന്നേൽപ്പിക്കലും ഓർത്തപ്പോൾ അവനു ചിരി വന്നു…

തന്റെ എൻട്രൻസ് റിസൾട്ടിനായി കാത്തിരിക്കുന്ന അമ്മ……

അതിനായി തന്നേക്കാളേറെ ബുദ്ധിമുട്ട് അനുഭവിച്ചത് അമ്മ തന്നെയാണ് എന്ന കാര്യത്തിൽ അവന് സംശയമൊന്നുമില്ലായിരുന്നു…

അടുത്ത നിമിഷം അവന്റെ മുഖത്തെ ചിരി മാഞ്ഞു…

ഒന്നോ രണ്ടോ ആഴ്ചകൾക്കുള്ളിൽ റിസൾട്ട് വന്നാൽ അധികം താമസിയാതെ തനിക്കു പോകേണ്ടി വന്നേക്കാം…

അമ്മയെ പിരിഞ്ഞിരിക്കേണ്ടി വരും…

വന്നാൽ ഒരു മാസത്തോളം അച്ഛൻ വീട്ടിലുണ്ടാകും… ഉണ്ടായാൽ തന്നെ ഏതെങ്കിലും പരീക്ഷണ നിരീക്ഷണങ്ങളിലോ റഫറൻസുകളിലോ ആയിരിക്കും……

അച്ഛൻ വന്നാൽ വീട് ശാന്തമാവുകയാണ് പതിവ്…

ആവശ്യത്തിന് മാത്രം സംസാരം……

ആവശ്യപ്പെടുന്നത് വാങ്ങിത്തരാറുണ്ട്……

സ്നേഹക്കുറവുള്ളതായി തോന്നിയിട്ടില്ല……

ഇനി അഥവാ സ്നേഹം കുറഞ്ഞാൽ തന്നെ അമ്മ അതിനിരട്ടി തരുന്നുമുണ്ടല്ലോ…

അച്ഛൻ തിരിച്ചു പോയാലും കുറഞ്ഞത് ഒരു മാസം പുറത്തുമായിരിക്കും…

താനും  കൂടി പോയാൽ അമ്മ