Chapter Title : തിരോധാനം 2 [കബനീനാഥ്]

ഇന്നുതന്നെ… “

നിശബ്ദതയ്ക്കൊടുവിൽ ഹേമചന്ദ്രൻ പറഞ്ഞു.

“” ഉം…………” പൂജ മൂളി…

“” മോളെഴുന്നേറ്റില്ലേ……….?".

“ ഇല്ല……… "

“ എങ്കിൽ ഫ്രഷായിട്ട് വിളിക്ക്… ഞാൻ മോളുടെ ഓഫീസിനടുത്തേക്ക് വന്നേക്കാം………”...”

അച്ഛൻ ഫോൺ കട്ട് ചെയ്തതും പൂജ കിടക്കയിൽ നിന്ന് എഴുന്നേറ്റു..

വർഷങ്ങൾ കൂടിയുള്ള ഫോൺകോൾ… !

എന്തായിരിക്കും അച്ഛന് പറയാനുള്ളത്… ?

ജോലി ലഭിച്ച കാര്യം പറയുവാനാണ് അച്ഛനെ അവസാനമായി വിളിച്ചത് എന്നവൾ ഓർത്തു…

അച്ഛനെക്കുറിച്ചുള്ള ആലോചനയോടെയാണ് അവൾ ഓഫീസിലേക്ക് പോകുവാൻ തയ്യാറായത്……

അവൾ ഒരുങ്ങിയിറങ്ങിയതും സന്തോഷിന്റെ കോൾ വന്നു…

ജീൻസും ഷർട്ടുമായിരുന്നു അവളുടെ വേഷം…

ഓഫീസിലെ വീഡിയോഗ്രാഫറും ക്യാമറാമാനുമൊക്കെയാണ് സന്തോഷ്..

ഒരു ടെംപററി പോസ്റ്റിംഗ്…

ഒരു സീനിയറിന്റെ ബന്ധുവാണ്.. ഇപ്പോൾ കുറച്ചു മാസങ്ങളായി തന്റെ കൂടെയാണ്..

“” പറ സന്തോഷേ……….””

അവൾ സ്കൂട്ടിയുടെ ചാവി തിരയുന്നതിനിടയിൽ ഫോൺ കഴുത്തിനും ചെവിയ്ക്കും ഇടയിൽ ചേർത്തു വെച്ചു…

ഇയർ പോഡിൽ ചാർജ്ജില്ല…

“” എം.ഡി ചേച്ചിയെ ഒന്ന് അന്വേഷിച്ചിട്ടുണ്ട്…… ആളത്ര സുഖത്തിലല്ല ചോദിച്ചത്… “

“ ങ്ങാ………. ഞാൻ ഇറങ്ങി… വന്നിട്ടു കാണാം………. “

അവൾ കോൾ കട്ടാക്കി…

തന്റെ ഇൻവെസ്റ്റിഗേഷൻ സീരീസ് എം.ഡിയുടെ മുന്നിലെത്തി എന്നവൾക് മനസ്സിലായി…

പൂജ ഇയർ പോഡും ചാവിയും കയ്യിലെടുത്ത് പുറത്തേക്കിറങ്ങി..

മുറ്റത്ത് ജയലക്ഷ്മി നിൽപ്പുണ്ടായിരുന്നു…

“” നീ എപ്പോഴാ ഇന്നലെ വന്നത്… ? “”

ജയലക്ഷ്മി ചെടികൾക്ക് ഹോസ് ഉപയോഗിച്ച് വെള്ളമൊഴിക്കുന്നതിനിടയിൽ തിരിഞ്ഞു…

“” ലേറ്റായി… ഞാനമ്മയെ കുറേ വിളിച്ചിരുന്നു… അവസാനം അമ്മമ്മയാ വാതിൽ തുറന്നത്…””

പൂജ പോർച്ചിൽ കിടന്ന സ്കൂട്ടി നിരക്കിയിറക്കി…

“ എനിക്ക് നിന്നോടൊരു കാര്യം പറയാനുണ്ട്…””