Chapter Title : തിരോധാനം 2 [കബനീനാഥ്]

മിഴികൾ പായിച്ച് പതിഞ്ഞ സ്വരത്തിൽ പൂജ അച്ഛനോടു ചോദിച്ചു…

“” ഈ വേഷവും കോലവും ഞാൻ കെട്ടാനുള്ള കാരണവും മോൾക്കറിയാമല്ലോ…. എല്ലാവർക്കും മുൻപിൽ കോമാളിയാണെങ്കിലും മനസ്സിനു സ്വസ്ഥതയുണ്ട്………. “

ഹേമചന്ദ്രൻ പറഞ്ഞു…

പൂജ പിന്നെ തർക്കിക്കാൻ നിന്നില്ല…

പട്ടാളച്ചിട്ടയാണ്…

പോരാത്തതിന് ഉയർന്ന റാങ്കിലുള്ള ഉദ്യോഗസ്ഥനുമായിരുന്നു…

പഠിപ്പിച്ചേ ശീലമുള്ളൂ…

അനുസരിച്ചുള്ള ശീലമില്ല…

“” അച്ഛൻ കാണണമെന്നു പറഞ്ഞത്….? “

പൂജ  ഒരു നിമിഷം കഴിഞ്ഞ് അയാളെ നോക്കി…

“ പറയാം……..........””

വെയ്റ്റർ വന്നപ്പോൾ , അവൾക്കു വേണ്ടതു കൂടി ചോദിച്ച ശേഷം അയാൾ ഓർഡർ ചെയ്തു…

“” അമ്മയ്ക്ക് എങ്ങനെ……….?”

അച്ഛന് എങ്ങനെയായാലും അമ്മയെ മറക്കുവാൻ കഴിയില്ലെന്ന് അവൾക്കാ ചോദ്യത്തിൽ നിന്നും മനസ്സിലായി…

“” കുഴപ്പമൊന്നുമില്ല… …. “

“” മോൾക്കോ........?””

“” അച്ഛനിങ്ങനെ നടക്കുന്നതു മാത്രമേ എനിക്കു പ്രശ്നമുള്ളൂ………. “

ചായ വന്നതും ഓരോ കവിൾ മൊത്തി ഇരുവരും വാക്കുകൾ മറന്നിരുന്നു…

“ മോൾക്കിന്ന് പോകണ്ടേ… …. ? “

കസേരയിലേക്ക് ചാഞ്ഞു കൊണ്ട് ഹേമചന്ദ്രൻ ചോദിച്ചു…

“” അതങ്ങനെ ശരിയാകുമെന്ന് തോന്നുന്നില്ല..””

അവൾ താടിയ്ക്കു കൈ കൊടുത്ത് ആലോചനയോടെ പറഞ്ഞു…

“” എന്തു പറ്റി……….?””

പൂജ ചുരുങ്ങിയ വാക്കുകളിൽ കാര്യം വിശദീകരിച്ചു..

ഹേമചന്ദ്രന്റെ മുഖത്തൊരു തെളിച്ചമുണ്ടായി…

അമ്മയോട് അതൊന്നും പറഞ്ഞിട്ട് കാര്യമില്ലെന്ന് അവൾക്കറിയാമായിരുന്നു…

അല്ലെങ്കിലും തന്നെ വിവാഹം കഴിപ്പിച്ചയയ്ക്കാനാണ് അമ്മയ്ക്ക് ധൃതി……

ഇതുകൂടി അറിഞ്ഞാൽ സന്തോഷിക്കുകയേ ഉള്ളൂ…

“” എനിക്ക് മോളുടെ ഒരു സഹായം വേണം… ….””

അല്പ നേരത്തെ ആലോചനയ്ക്കു ശേഷം ഹേമചന്ദ്രൻ പറഞ്ഞു…

പൂജ  അച്ഛനെ നോക്കി…

പണമാണെന്ന കാര്യത്തിൽ അവൾക്ക് സംശയമേതുമില്ലായിരുന്നു…