Chapter Title : തിരോധാനം 2 [കബനീനാഥ്]

പക്ഷേ, പിന്നീട് ഹേമചന്ദ്രൻ പറഞ്ഞതു കേട്ട് അവൾ ആകാംക്ഷയോടെ അയാളെ നോക്കിയിരുന്നു…

തിരോധാനം……..........!

അവളിലെ കുറ്റാന്വേഷക ഉണർന്നിരുന്നു…

താനും അത് വായിച്ചു മറവിയിൽ തള്ളിയ വാർത്തയാണ്……

അതിലിങ്ങനെയൊരു സാദ്ധ്യത……….?

ഈ തിരോധാനത്തിന്റെ പിന്നാമ്പുറക്കഥകൾ എഴുതി കോർത്തിണക്കി, എം.ഡിയുടെ മേശപ്പുറത്തിട്ടു കൊടുക്കുന്ന കാര്യം ഓർത്തതും പൂജ  ഉള്ളാലെ ചിരിച്ചു…

അവളുടെ രോമകൂപങ്ങൾ എഴുന്നു നിന്ന് തുടങ്ങിയിരുന്നു…

“ ഈ കേസ്…….....?””

ഒടുവിൽ പൂജ  അച്ഛനെ നോക്കി…

“” ഇറ്റ്സ് നോട്ട് എ കേസ്………. മിസ്റ്ററി… ദ അൺബിലീബബ്ൾ മിസ്റ്ററി……….”

ഹേമചന്ദ്രൻ തലയിലിരുന്ന വട്ടത്തൊപ്പി ഒന്നു കറക്കി…

പൂജ  അയാളെ തന്നെ നോക്കിയിരുന്നു…

ഒഴിഞ്ഞ ചായ ഗ്ലാസ്സ് മേശയിലിട്ട് അയാളൊന്നു വിരലാൽ കറക്കി…

“” ഇതിൽ ഇൻവെസ്റ്റിഗേഷൻ തുടങ്ങാൻ നമുക്ക് ഒരു സാദ്ധ്യതയുമില്ല:... അതായത് ഒരു ലിങ്കുമില്ല… പൊലീസ് കൊടുക്കുന്ന വാർത്തകളേ നിങ്ങൾ പത്രക്കാരും നിരത്തൂ………. “

പൂജയുടെ മുഖമൊന്നു മങ്ങി…

“” എന്റെ അനുമാനം ശരിയാണെങ്കിൽ ഈ മിസ്റ്ററി സ്റ്റാർട്ട് ചെയ്ത സ്ഥലം അതു തന്നെയാണ്….എനിക്ക് കയറിച്ചെല്ലാൻ പറ്റാത്ത ഒരിടം… അവിടെ മാത്രം മതി എനിക്ക് മോളുടെ ഹെൽപ്പ്… “

അയാൾ ടേബിളിലിരുന്ന ഗ്ലാസ്സ് ഒന്നുകൂടി വിരലാൽ കറക്കി വിട്ടു…

“” മറ്റൊന്നും കൊണ്ടല്ല… എനിക്ക് മോൾ നഷ്ടപ്പെടാതിരിക്കാൻ… “

ഒരു നടുക്കം പൂജയിലുണ്ടായി……

“” കേസന്വേഷണം പൊലീസ് നടത്താത്തതു കൊണ്ടാണ് ഇതിനു പിന്നിലുള്ളവർ മറഞ്ഞിരിക്കുന്നതും ഒതുങ്ങിയിരിക്കുന്നതും… ഒരു സൂചന അവർക്ക് കിട്ടിയാൽ അവർ ജാഗരൂകരാകും… അത് പാടില്ല… …. “

പൂജ അച്ഛനെ തന്നെ തുറിച്ചു നോക്കി , സശ്രദ്ധം കേട്ടിരുന്നു…

“” ഞാൻ പറയുന്ന കാര്യം