Chapter Title : തിരോധാനം 2 [കബനീനാഥ്]

മാത്രം മോള് ചെയ്താൽ മതി… “

ഒരു മിലിട്ടറി ഓഫീസറുടെ ആജ്ഞാസ്വരത്തിലാണ് ഹേമചന്ദ്രൻ ആ വാക്കുകൾ പറഞ്ഞത്..

തന്റെ ആജ്ഞയെ മറികടക്കരുത് എന്നൊരു ധ്വനി അതിൽ നിന്നും പൂജ വായിച്ചെടുത്തു…

“” പിന്നെ, അമ്മ ഇതൊരിക്കലും അറിയരുത്………. “

ഹേമചന്ദ്രൻ ഗ്ലാസ്സ് ഒന്നുകൂടി ടേബിളിനു മീതെ കറക്കി വിട്ടു…

പൂജ  തല കുലുക്കി…

“” പോകാം………. “

തലയിൽ വട്ടത്തൊപ്പി ഒന്നുകൂടി ഉറപ്പിച്ചു കൊണ്ട് അയാൾ , കറങ്ങിത്തീരാറായ ഗ്ലാസ്സിനു മീതെ കൈ വെള്ളയടിച്ചമർത്തി എഴുന്നേറ്റു…….....

🎗️   🎗️  🎗️  🎗️  🎗️

ഡേവിസ് ബാങ്കിൽ നിന്ന് പണമെടുത്ത് തന്റെ ക്രൂയിസറിലേക്ക് കയറി…

അയാളെ ഉഷ്ണിക്കുന്നുണ്ടായിരുന്നു…

പത്തു ലക്ഷം രൂപ……….!!!

ഇതൊന്നും തിരികെ ലഭിക്കുന്ന പണമല്ല…

ഇതിലും നിൽക്കുമെന്നും തോന്നുന്നില്ല…

പക്ഷേ, തന്നെക്കൊണ്ട് മറ്റൊന്നിനും സാധിക്കുകയില്ലെന്നും അയാൾ നിസ്സഹായതയോടെ ഓർത്തു…

എല്ലാം സംഭവിച്ചുപോയി… ….!

സംഭവിക്കാൻ പാടില്ലാത്ത ഒരു കാര്യം സംഭവിച്ചു…

അതായിരുന്നു എല്ലാത്തിന്റെയും തുടക്കവും…

ലാൻഡ് ക്രൂയിസർ പറന്നത് മുണ്ടക്കയത്തേക്കായിരുന്നു…

നിരഞ്ജൻ അവിടെയാണ്…

പോരാത്തതിന്  തിരികെ പോരുമ്പോൾ ഹിന്ദിക്കാരനെയും കൂട്ടണം……

എസ്റ്റേറ്റ് ഗേറ്റ് കടന്ന് ബംഗ്ലാവിന്റെ മുന്നിലേക്ക് കയറിയപ്പോൾ അയാൾ നിരഞ്ജന്റെ ടവേര അവിടെ കണ്ടില്ല…

ഹിന്ദിക്കാരൻ സിറ്റൗട്ടിലെ കസേരയിലിരുന്ന് ആരെയോ വീഡിയോ കോൾ ചെയ്യുന്നു…

ബാഗുമായി ഡേവിസ് സിറ്റൗട്ടിലേക്ക് കയറി…

മുതലാളിയെ കണ്ടിട്ടും ഹിന്ദിക്കാരന് അനക്കമൊന്നും ഉണ്ടായില്ല…

അവൻ ചിരിച്ചു കൊണ്ട് , ഫോൺ ഡേവിസിനു നേരെ നീട്ടി…

“” ദേഖോ… നയാ ഗർ………. “

ഒരു ഇരുനില വീട് ഫോണിൽ ഡേവിസ് കണ്ടു…

തന്റെ പണം… !

അയാളൊന്നു നെടുവീർപ്പിട്ടു…

“ നിരഞ്ജനെവിടെ…