Chapter Title : തിരോധാനം 2 [കബനീനാഥ്]

?””

“” സർ പുറത്തുപോയി… ഇപ്പം വരും……”

ഹിന്ദിക്കാരൻ പറഞ്ഞു കൊണ്ട് എഴുന്നേറ്റു..

വിളിച്ചു കൊണ്ടിരുന്ന കോൾ കട്ടാക്കി അവനും ഡേവിസിനൊപ്പം അകത്തേക്ക് കയറി…

ഒഡിഷക്കാരനാണ് അവൻ……

സഞ്ജയ് ഡിഗാൾ……….

ഒൻപതു വർഷമായി ഡേവിസിന്റെ വീട്ടിൽ വന്നു ചേർന്നിട്ട്…

ഡേവിസിന്റെ വീട്ടിലെ ഒരംഗത്തേപ്പോലെയാണ് ഇപ്പോൾ സഞ്ജയ്…

ആഴ്ചയിൽ ഒന്നോ രണ്ടോ ദിവസം മുണ്ടക്കയത്തെ എസ്റ്റേറ്റ് ബംഗ്ലാവ് വൃത്തിയാക്കാൻ ഡേവിസ് അവനെ കൊണ്ടുവന്നു വിടും…

അതു കഴിഞ്ഞ് തിരികെ ചാമംപതാലുള്ള വീട്ടിലേക്ക്…

പത്തു മിനിറ്റ് കഴിഞ്ഞതും നിരഞ്ജൻ വന്നു…

“ ആ സർക്കിളിനോട് ഇത് ഒടുക്കത്തെയാണെന്ന് പറഞ്ഞേരെ…””

പണമടങ്ങിയ ബാഗ് നിരഞ്ജനെ ഏൽപ്പിച്ചു കൊണ്ട് ഡേവിസ് പറഞ്ഞു…

“” അല്ലെങ്കിലും അതങ്ങനെയേ ഉള്ളൂ അങ്കിൾ…… അല്ലെങ്കിൽ അയാളെല്ലാം വിളിച്ചു പറയട്ടെ… അയാളും കുടുങ്ങുമല്ലോ…”

ഡേവിസ് മനസ്സിലാകാത്ത മട്ടിൽ നിരഞ്ജനെ നോക്കി…

നിരഞ്ജൻ തന്റെ താടിയൊന്നു ചൊറിഞ്ഞു…

സഞ്ജയ് അവരുടെ സംസാരം കേട്ടുകൊണ്ട് അടുത്തു നിൽപ്പുണ്ടായിരുന്നു…

എസ്റ്റേറ്റിലെ കണക്കും കാര്യങ്ങളും ഡേവിസിനെ പറഞ്ഞു വ്യക്തമാക്കിയ ശേഷം നിരഞ്ജനും അവരോടൊപ്പം യാത്രക്കിറങ്ങി…

“ ആദ്യം അഞ്ചു കൊടുത്തു നോക്കും… വാശി പിടിച്ചാൽ………. “

നിരഞ്ജൻ ഡേവിസിനെ നോക്കി…

നിന്റെ ഇഷ്ടം പോലെ ചെയ്യ് എന്ന ഭാവത്തിൽ നോക്കിക്കൊണ്ട് ഡേവിസ് ക്രൂയിസറിലേക്ക് കയറി..

മറുവശത്തു കൂടെ സഞ്ജയ് യും കയറി..

ക്രൂയിസർ ആദ്യം ഗേറ്റ് കടന്നു…

പിന്നാലെ ടവേരയും……….

(തുടരും….)