Chapter Title : തിരോധാനം 2 [കബനീനാഥ്]

നീക്കി…

അന്തോണിച്ചേട്ടൻ പിൻവശത്തെ വാതിലുകളും ജനാലകളുമടച്ച ശേഷം അവർക്കരികിലേക്കു വന്നു..

അയാൾ ബനിയൻ മാറി ഒരു ഷർട്ട് ധരിചിരുന്നു…

“”ഞാനൊന്നു കവല വരെ പോകുവാ…””

അയാൾ ഡേവിസിനെ നോക്കിപ്പറഞ്ഞു…

“” പോയിപ്പോരേ… ഞാനിവിടെ ഉണ്ടാകും… “

ഡേവിസ് ബോഡിൽ നിന്ന് മുഖമുയർത്താതെ പറഞ്ഞു…

അന്തോണിച്ചേട്ടൻ അവരെ കടന്ന് പുറത്തേക്കു പോയി…

“” ചെക്ക്…….....”

നിരഞ്ജന്റെ അടുത്ത നീക്കം  തേരിലൂടെ, കാലാളെ വെട്ടി  വന്നു…

ഡേവിസ് അത് പ്രതീക്ഷിച്ചിരുന്നതല്ലായിരുന്നു…

അയാൾക്ക് ഒഴിഞ്ഞു മാറാൻ കളമില്ലായിരുന്നു…

തോൽവി സമ്മതിച്ച് അയാൾ എഴുന്നേറ്റു…

ഷെൽഫിനടുത്തേക്ക് ചെന്ന് ഒന്നുകൂടി ഗ്ലാസ്സിലൊഴിച്ച് അയാൾ നിരഞ്ജനടുത്തേക്ക് വന്നു..

“” നീ എന്താ കാണണമെന്ന് പറഞ്ഞത്… ?””

അയാൾ മദ്യ ഗ്ലാസ്സ് കൈവെള്ളയിലൂടെ ഒന്നുരുട്ടിക്കൊണ്ട് ചോദിച്ചു…

“” അന്ന് നമ്മളാ സർക്കിളിന്റെ കാര്യം പറഞ്ഞില്ലേ… ?””

പിന്നിലേക്ക് നീണ്ട മുടിയിഴകൾ ഇടതു കൈയ്യാൽ തട്ടിയുഴിഞ്ഞു കൊണ്ട് നിരഞ്ജൻ കസേരയിൽ നിന്ന് എഴുന്നേറ്റു…

“” ഉം………. “

ഡേവിസ് ഒന്നമർത്തി മൂളി…

“” പുല്ലന് കുറച്ച് ക്യാഷ് വേണമെന്ന് പറഞ്ഞിരുന്നു… അങ്കിളിനോട് ചോദിച്ചിട്ട് അറിയിക്കാമെന്നാ ഞാൻ പറഞ്ഞത്… “

നിരഞ്ജൻ തന്റെ താടിയിലൊന്നു തടവി…

“” എത്രയാ………….?””

ഡേവിസിന്റെ സ്വരത്തിന് ഘനം വന്നു…

“” അതൊന്നും പറഞ്ഞിട്ടില്ല… വീടിന്റെ വർക്ക് നടക്കുന്നുണ്ട്… നിന്റെ മുതലാളിയോട് ഒന്ന് കാര്യമായിട്ട് കാണാൻ പറഞ്ഞേക്ക് , എന്നാണ് പറഞ്ഞത്…”

നിരഞ്ജൻ അറിയിച്ചു……

“” വല്ല മരമോ ഉരുപ്പടിയോ ആണെങ്കിൽ മില്ലിൽ നിന്ന് എടുത്തോളാൻ പറ… ക്യാഷ് ആണെങ്കിൽ നീ സംഖ്യ അറിയിച്ചാൽ മതി…”

ഡേവിസ് മദ്യം ഒരിറക്കു കുടിച്ചു…

നിരഞ്ജൻ തലയാട്ടി…

“”