Chapter Title : തിരോധാനം 2 [കബനീനാഥ്]

ഈ കുടുംബം രക്ഷപ്പെടുന്നതും മാത്രം സ്വപ്നം കണ്ട നാളുകൾ…

അതേ…

അതെല്ലാം സ്വപ്നമായി തന്നെ അവശേഷിച്ചു…

ആറേഴു വയസ്സ് വ്യത്യാസമുണ്ട് താനും ചേച്ചിയും തമ്മിൽ…

ലോണും കടങ്ങളും പപ്പയുടെ അദ്ധ്വാനവുമെല്ലാം വൃഥാവിലാക്കിയാണ് ഒരു ദിവസം അവൾ മറഞ്ഞുപോയത്…

എവിടേക്ക്…....?

എന്തിന്…….....?

അവളുടെ പ്രണയം തന്നോടു പറഞ്ഞിരുന്നു…

പണക്കാരൻ പയ്യൻ……….!

ക്രിസ്റ്റഫർ ഡേവിസ്…

കോളേജിലെ ഓരോ പ്രശ്‌നങ്ങളും അതൊരു സംഘട്ടനത്തിൽ കലാശിച്ചതും അങ്ങനെ എല്ലാം തന്നെ പറഞ്ഞിരുന്നു…

ക്രിസ്റ്റി മരണപ്പെട്ട ശേഷം  അവളാകെ മൗനത്തിലായിരുന്നു…

പുറത്തേക്കൊന്നും പോകാറുമില്ലായിരുന്നു…

കുറച്ചു നാളുകൾ വേണ്ടി വന്നു അവൾക്ക് അതിൽ നിന്നും വിടുതൽ നേടുവാൻ…

എന്നിരുന്നാലും നാടുവിട്ടു പോകാനോ മറ്റെന്തെങ്കിലും കടുംകൈ കാണിക്കുവാനോ മാത്രം ബുദ്ധിശൂന്യയല്ല അവൾ…

പണക്കാരനായ കാമുകനെ ഓർത്ത് കണ്ണീരൊഴുക്കി ജീവിതം കളയുവാൻ വിഡ്ഢിയുമല്ല…

പിന്നീടെന്തു സംഭവിച്ചു…?

ഒരു ജോലിക്കാര്യം ശരിയായിട്ടുണ്ടെന്നും അതിന്റെ ഇന്റർവ്യൂ ഉണ്ടെന്നും പറഞ്ഞ് വീട്ടിൽ നിന്ന് ഇറങ്ങിപ്പോയവൾ…………!

കോട്ടയത്തു തന്നെയുള്ള ഒരു ഫാൻസി ഷോപ്പിന്റെ സി.സി.ടി.വി ക്യാമറയിലാണ് അവളെ  അവസാനമായി കണ്ടിരിക്കുന്നത്…

വർഷം മൂന്നാകുന്നു…

അതിനും ഒന്നോ ഒന്നരയോ വർഷം മുൻപാണ് ക്രിസ്റ്റി കൊല്ലപ്പെട്ടിരിക്കുന്നതും…

സാധാരണ സംഭവിക്കുന്ന കാര്യങ്ങളാണിതൊക്കെ…

കാമുകൻ മരണപ്പെടുന്നു… !

കാമുകി ഹതാശയാകുന്നു…

പക്ഷേ, ആ ഒന്നര വർഷത്തിനു ശേഷം കാമുകിയുടെ തിരോധാനമാണ് മനസ്സിലാകാത്തത്…

പൊലീസിനു സാദ്ധ്യമായില്ല…

ക്രൈം ബ്രാഞ്ചും അതു തന്നെ ആവർത്തിച്ചു…

പിന്നെ ചേച്ചി എവിടെപ്പോയി… ?

ടോണി ചിന്തകളിലിരിക്കവേ മമ്മിയുടെ വിളി കേട്ടു…

അത്താഴം കഴിക്കുവാനാണെന്ന് അവന് മനസ്സിലായി…

അവൻ മുറ്റത്തു നിന്ന് അകത്തേക്ക് കയറിയതും പപ്പയ്ക്ക് ഭക്ഷണം കൊടുത്ത ശേഷം മുറിയിൽ നിന്ന് ഒഴിഞ്ഞ പാത്രങ്ങളുമായി വരുന്ന മമ്മിയെ കണ്ടു…

ത്രേസ്യ അവനെ കടന്ന് അടുക്കളയിലേക്ക് പോയി..

പപ്പയുടെ മുറിയിലേക്ക്  ടോണി ഒന്നു കണ്ണോടിച്ചു…

മച്ചിലേക്ക് മിഴികൾ തുറന്നു കിടക്കുന്നു…

പാവം…………!

അവന്റെ മനസ്സു കരഞ്ഞു…

ചേച്ചിയുടെ പോക്ക് ഒരിക്കലും പപ്പ പ്രതീക്ഷിച്ചിരുന്നതല്ല…

ചേച്ചിയെ മാലാഖയെ പോലെയാണ് പപ്പ സംരക്ഷിച്ചിരുന്നതെന്ന് ടോണി ഓർത്തു…

ബന്ധുക്കളുടെ കുത്തുവാക്കുകൾ… !

എല്ലാം താങ്ങുവാനുള്ള ബലം ശരീരത്തിനും മനസ്സിനും ഇല്ലാതായിപ്പോയി…

ചികിത്സിച്ചാൽ എഴുന്നേറ്റു നടന്നേക്കാം…

പക്ഷേ എവിടെ നിന്ന്… ?

ഇപ്പോഴുള്ള നിത്യവൃത്തിയും