Chapter Title : തൃഷ്ണ 2 [മന്ദന്‍ രാജാ]

''ഊം ... ഉമ്മാ ''' കാവേരി അവന് നേരെ തിരിഞ്ഞു പുഞ്ചിരിച്ചിട്ട് ഫ്ലയിംഗ് കിസ്സ്‌ കൊടുത്തു .

''പോകാം ..'

''ആം .. പോകാം .. ലേറ്റായി ..അമ്മയിന്നു ചീത്ത പറയും .'' കാവേരി പഴയ ഉണര്‍വ്വിലായി

റോഡില്‍ നിന്ന് അല്‍പം ഉള്ളിലേക്ക് വരെ കാറില്‍ പോകാം . പിന്നെ വയലിന് നടുവിലൂടെയുള്ള വരമ്പിലൂടെ വേണം വീട്ടിലേക്കെത്താന്‍ . സെലീനാമ്മയുടെയും സാവിത്രിയുടെയും വീടുകള്‍ മാത്രമാണ് ആ പ്രദേശത്ത് ഉള്ളത് . പട്ടയമില്ലങ്കിലും അല്‍പം പണം ഉള്ളവര്‍ മെയിന്‍ റോഡിന്സമീപമായി വീടുകള്‍ വെച്ചുമാറി കഴിഞ്ഞു . കാവേരിയുടെ വിവാഹം കഴിഞ്ഞുവേണം പട്ടയമുള്ള അല്‍പം സ്ഥലം വാങ്ങി വീടുവെക്കാന്‍ എന്ന് മഹേഷ്‌ കരുതി.

''എടിയേച്ചീ .. ഈ സാധനങ്ങള്‍ കൊണ്ട് അത്രേം നടക്കണ്ടേ ... നിന്നെ ഇവിടെയിറക്കി ഞാന്‍ കാര്‍ കൊണ്ടോയിട്ടിട്ടുവരാം . ''

കാര്‍ പിന്നീട് കൊടുത്താല്‍ മതിയെന്ന് പറഞ്ഞെങ്കിലും അവരുടെ വഴിയില്‍ പാര്‍ക്കിങ്ങിനുള്ള സ്ഥലമില്ല . അതുകൊണ്ടുതന്നെ ചന്തുവിന്റെ വീട്ടില്‍ തന്നെ കാറിടാം എന്നവന്‍ കരുതി എവിടേലും പോകാന്‍ ഉണ്ടേല്‍ വന്നെടുത്താല്‍ മതിയല്ലോ .

''അതുമതീടാ ..നീ പെട്ടന്നുവരണം . അവിടെ കത്തിവെച്ചോണ്ടിരിക്കരുത്. നമുക്കൊന്നിച്ചുപോകാം '' കാവേരിയും സമ്മതിച്ചു .

കാര്‍ അവരുടെ വഴിയിലേക്ക് അടുത്തപ്പോള്‍ മെയിന്‍ റോഡില്‍ ഒരു പോലീസ് ജീപ്പ് കിടക്കുന്നത് കണ്ടതും കാവേരി മഹിയുടെ കയ്യില്‍ മുറുകെ പിടിച്ചു .

'' വല്ല ചെക്കിങ്ങും ആയിരിക്കും ചേച്ചീ '' അവനവളെ സമാധാനിപ്പിച്ചെങ്കിലും മഹിക്കും ഉള്ളില്‍ ഭയമായി .

''ഡാ പിന്നെ കാര്‍ കൊടുക്കാം . നമ്മുടെ വഴീലോട്ടു കയറ്റ് ''

മഹിയതിനും മുന്‍പേ