Chapter Title : തൃഷ്ണ 2 [മന്ദന്‍ രാജാ]

.. അവര് കേസ് കൊടുത്തു ..എനിക്കുറപ്പാ .. നമ്മളെന്നാ ചെയ്യും . ?''

''എനിക്കറിയാമ്മേലാടാ മഹീ ..എന്റെ കയ്യും കാലും വിറക്കുവാ . എന്റെ ദേവീ .. '' കാവേരിയുടെ മുഖം രക്തമയമില്ലായിരുന്നു .

'' നമുക്ക് അങ്ങോട്ട് ചെന്ന് കീഴടങ്ങിയാലോ ചേച്ചീ .അല്ലേൽ അവർ അമ്മയെ അറസ്റ്റ് ചെയ്യും '' മഹി കാവേരിയെ കടന്നു മുന്നോട്ട് നീങ്ങി.

'' മഹീ ..നീയിങ്ങോട്ടു വന്നേ ... പോകല്ലേ .. '' കാവേരി ഒരുവിധത്തിൽ കവറുകൾ എല്ലാം ഒരു കയ്യിൽ പിടിച്ചിട്ടവന്റെ കയ്യിൽ പിടിച്ചു വലിച്ചു .

'' പെട്ടന്ന് അപ്പുറത്തേക്ക് കടക്ക് ''

അവർ നിക്കുന്നിടം വേലിപ്പടർപ്പിനാൽ അവരെ മറച്ചിരുന്നു .എന്നാൽ വീട്ടിലേക്ക് ഉള്ള വഴി ഏതാണ്ട് നാലടിയോളം നായ്ക്കളും മറ്റും കയറാതെ രണ്ടു കമ്പ് കൊണ്ട് വിലങ്ങനെ മറച്ചിട്ടേ ഉണ്ടായിരുന്നുള്ളൂ .

ഒറ്റ നിമിഷം കൊണ്ട് ഇരുവരും അപ്പുറം കടന്നു പടികൾ കയറി വീട്ടിലെത്തി

''എന്റെ ദേവീ ... നീയെന്റെ പ്രാർത്ഥന കേട്ടില്ലല്ലോ . കേസ് കൊടുക്കില്ലന്നാ ഞാങ്കരുതിയെ ''

കവറുകള്‍ സെറ്റിയിലേക്കിട്ടിട്ട് പിറുപിറുത്തു കൊണ്ട് കാവേരി തന്റെ റൂമിലേക്ക് കയറിപോയപ്പോള്‍ എന്ത് ചെയ്യണം എന്നറിയാതെ നില്‍ക്കുവായിരുന്നു മഹി .

''എടിയേച്ചീ ... ''

'' ഡാ ..ഒരഞ്ച് മിനുറ്റ് .. ഇപ്പൊ വരാം '' കാവേരി അങ്ങനെ പറഞ്ഞെങ്കിലും മഹി അവിടെ നിന്ന് പോയില്ല .

വിളി തുടര്‍ന്നപ്പോള്‍ കാവേരി വാതില്‍ തുറന്നു . അവളുടെ മുഖം കരഞ്ഞു വീര്‍ത്തിരുന്നു .

''എടിയേച്ചീ ... നീയിങ്ങനെ കരയാതെ . നമുക്കൊരു വക്കീലിനെ കാണാം ''