Chapter Title : തുടക്കവും ഒടുക്കവും 2 [ശ്രീരാജ്]

വന്നോളൂ. രാവിലെ മുതൽ പിടിച്ചു വച്ചിരുന്ന കംപ്ലീറ്റ് കോൺഫിഡൻസും കാറ്റു പോയ ബലൂൺ പോലെ ആയി. ഇനി എന്ത് ചെയ്യും എന്ന് ചിന്തിച്ചു മഞ്ജിമ തിരികെ കടയിലെത്തി. സാധാരണ സുനിൽ ഇരിക്കുന്ന ചെയറിൽ എന്തോ ആലോചിച്ചു ഇരിക്കുക ആയിരുന്ന നൗഫൽ മഞ്ജിമയെ കണ്ട് ചിരിച്ചു.മഞ്ജിമയും ചിരി പാസ്സാക്കി തന്റെ കസേരയിൽ വന്നിരുന്നു. വല്ലപ്പോഴും മാത്രം പത്തും പതിനഞ്ചും മിനിറ്റ് നേരത്തേക്ക് മാത്രം വന്നിരുന്ന് പോയിരുന്ന നൗഫൽ വൈകാതെ പോകും എന്നാണ് മഞ്ജിമയും വിചാരിച്ചത്. പെട്ടെന്ന്, നൗഫൽ മഞ്ജിമയുടെ നേരെ തിരിഞ്ഞ് ചിരിച്ചു ചോദിച്ചു : എന്തായി, എല്ലാം പഠിച്ചോ?.. ഇന്ന് സുനിൽ ഇല്ലെങ്കിലും ഒറ്റക്ക് എല്ലാം ചെയ്യാൻ പറ്റുമോ?.. നൗഫൽ ഇട്ടിരുന്ന ഷർട്ടിൽ നിന്നും അത്തറിന്റെ മണം മഞ്ജിമയുടെ മൂക്കിലേക്ക് തുളഞ്ഞു കയറി. മഞ്ജിമ : ലാസ്റ്റ് ഉള്ള ചാർട്ടിങ് എടുക്കുന്നത് മാത്രം ഇത്തിരി ഡൌട്ട് ഉണ്ട്. നൗഫൽ : എന്താ ഡൌട്ട് ന്നു വച്ചാൽ പറയൂ, ഞാൻ പറഞ്ഞു തരാം?.. മഞ്ജിമ പിസി ഓൺ ചെയ്തു ഓരോന്ന് ഓരോന്നായി ഓപ്പൺ ചെയ്തു വരുമ്പോഴേക്കും നൗഫൽ ചോദിച്ചു : എല്ലാം ഓക്കെ അല്ലെ ഇവിടെ. മഞ്ജിമ ഒന്ന് ഞെട്ടി എങ്കിലും പറഞ്ഞു : ആ അതെ. നൗഫൽ : വീട്ടിൽ കാര്യങ്ങൾ ഓകെ അല്ലെ?. മഞ്ജിമ : അതെ. നൗഫൽ : എന്തെങ്കിലും ആവശ്യം ഉണ്ടെങ്കിൽ പറഞ്ഞാൽ മതി. ഇവിടുന്നു മാസം കിട്ടുന്നത് കൊണ്ട് കാര്യങ്ങൾ ഒക്കെ നടന്ന് പോകുന്നുണ്ടോ?.. " എവിടുന്നു, കിട്ടുന്നതിൽ പകുതി തള്ളക്കു കൊടുക്കണം " മനസ്സിൽ പറഞ്ഞു മഞ്ജിമ. മഞ്ജിമ : കുഴപ്പം ഇല്ലാതെ പോകുന്നു. നൗഫൽ : നുണ പറയുകയാണല്ലേ. വിമല എല്ലാം എന്നോട് പറഞ്ഞിട്ടുണ്ട്. മഞ്ജിമ നാണക്കേട് കൊണ്ട് തല താഴ്ത്തി. നൗഫൽ : മഞ്ജിമ കേബിനിലേക്ക് വരൂ. നൗഫലിന്റെ പിറകെ മഞ്ജിമ കേബിന്റെ ഉള്ളിലേക്ക് കയറി. കേബിനിൽ ഉള്ള ഡെസ്കിൽ ചാരി നിന്ന് നൗഫൽ പറഞ്ഞു : ഞാൻ കാര്യം ആയി പറഞ്ഞതാണ്, പൈസക്ക് ആവശ്യം ഉണ്ടെങ്കിൽ എന്നോട് പറഞ്ഞാൽ മതി. എനിക്ക് ഹെല്പ് ചെയ്യാൻ പറ്റും മഞ്ജിമയെ.