Chapter Title : തുടക്കവും ഒടുക്കവും 6 [ശ്രീരാജ്]

ഉണ്ടായത് മഞ്ജു, പറ.. എന്താന്ന് വച്ചാൽ പറ.

മഞ്ജു ഉത്തരം ഒന്നും പറയാനാവാതെ കരച്ചിൽ തുടർന്നു.

ജലജ : എന്താന്ന് വച്ചാൽ കാര്യം പറ അമ്മായിയോട്.

മഞ്ജിമ കരഞ്ഞു കൊണ്ട് വിക്കി വിക്കി പറഞ്ഞു : ഞാൻ,, ഞാൻ,, അഭി,, ഗർഭിണി ആണ്....

ജലജയുടെ കൈകൾ മഞ്ജിമയെ വിട്ടു, കണ്ണ് പുറത്തു ചാടി ജലജയുടെ. ജലജ ചാടി എഴുന്നേറ്റു. മഞ്ജിമ പറഞ്ഞ വാക്കുകൾ ഓർത്തെടുത്തു.

" ഞാൻ,, ഞാൻ,, ഗർഭിണി.. ഇടയിൽ അഭി "... ജലജക്ക് എന്ത് പറയണം എന്താ താൻ കേട്ടത് ഒന്നും പിടിയുണ്ടായിരുന്നില്ല.

മഞ്ജിമ എഴുന്നേറ്റു ജലജയുടെ കൈകൾ കൂട്ടി പിടിച്ചു പറഞ്ഞു : പറ്റി പോയി അമ്മായി, എനിക്ക് എന്ത് ചെയ്യണം എന്നറിയില്ല. ആരോട് പറയണം എന്നറിയില്ല. പറ്റിപ്പോയി.

കൂട്ടിപിടിച്ച കൈകളിലേക്ക് മുഖം ചേർത്തു പൊട്ടി പൊട്ടി കരഞ്ഞു മഞ്ജിമ.

മഞ്ജിമ : അഭിയോട് പോലും പറഞ്ഞിട്ടില്ല ഇതു. എനിക്ക് അറിയില്ല അമ്മായി ഞാൻ എന്താ ചെയ്യേണ്ടത് എന്ന്.

ഇടറുന്ന ശബ്ദവുമായി ജലജ ചോദിച്ചു : നീയും അഭിയും?..

മഞ്ജിമ മൂളുക മാത്രം ചെയ്തു.

കുറെ കാര്യങ്ങൾ ചോദിച്ചറിഞ്ഞ ശേഷം, ജലജ മനസിലാക്കി, തന്റെ മോൻ , ഇപ്പോൾ അല്ലെങ്കിൽ കൂടി, വേറൊരാളുടെ ഭാര്യ ആയിരിക്കുന്ന സമയത്ത് മഞ്ജിമയുമായി ബന്ധം ഉണ്ടാക്കിയിരുന്നു എന്നുള്ളത്.

ഫോൺ എടുത്തു വിളിച്ചു അഭിക്ക്, ജലജ : അലറൽ ആയിരുന്നു : എത്രയും പെട്ടെന്ന് നാട്ടിൽ എത്തണം നീ......... ...........................................................................

ഒരുപോള കണ്ണടച്ചിട്ടില്ല അഭി. അമ്മയെ ഫേസ് ചെയ്യാൻ ഉള്ള മടി കൊണ്ട് റൂമിൽ തന്നെ അടച്ചു കൂടി ഇരുന്നു.

അമ്മയുടെ സ്കൂട്ടി പോകുന്ന ശബ്ദം കേട്ടതും അഭി ചാടി എഴുന്നേറ്റു പുറത്തേക്കു, താഴേക്കു നടന്നു, അല്ല ഓടി.

അമ്മയുടെ റൂമിൽ കയറി അഭി. കണ്ടത് ഫോണിൽ ഇംഗ്ലീഷിൽ ആരോടോ സംസാരിക്കുക ആയിരുന്ന മഞ്ജിമയെ ആണ്.

ജോലി സംബന്ധം ആയ കാര്യങ്ങൾ ആയിരുന്നു സംസാരിച്ചു കൊണ്ടിരുന്നത്.

അഭിയെ കണ്ട് മഞ്ജിമ കിടക്കയിൽ നിന്നും പതിയെ എഴുന്നേറ്റു. അഭിയുടെ നേർക്കു നടന്നു വന്നു. അഭിയുടെ തൊട്ടു മുന്നിൽ എത്തിയിട്ടും യാതൊരു ഭാവ