Chapter Title : തുടക്കവും ഒടുക്കവും 6 [ശ്രീരാജ്]

ജലജ : ഉഷ ചേച്ചിയോ?.. മറ്റന്നാൾ ഇങ്ങോട്ട് വരുന്നുണ്ട് അപ്പുവിനെയും കൂട്ടി. നീ പേടിക്കണ്ട. ഉഷാച്ചിക്ക് ഓകെ ആണ് എല്ലാം.

മഞ്ജിമക്ക് കൂടെ പ്ലേറ്റ് കൊടുത്തു ജലജ പറഞ്ഞു : നീ കൂടി ഇരി മോളെ. ഇവന്റെ കാര്യം ഒന്നും നോക്കണ്ട. ഇവന് ബാക്കി ഉള്ളവരുടെ കാര്യം ഒന്നും അറിയണ്ടല്ലോ.

അഭി പതിയെ എഴുന്നേറ്റു. ജലജ മഞ്ജിമ അഭിയെ നോക്കുന്നത് കണ്ടു. മഞ്ജിമയുടെ കണ്ണിൽ ഭക്ഷണം പൂർത്തിയാക്കാതെ എഴുന്നേൽക്കുന്ന തന്റെ മകനോട് ഉള്ള സ്നേഹവും കണ്ടു.

ജലജ അഭിയെ നോക്കി പറഞ്ഞു : ഇരിക്കട അവിടെ. തിന്നിട്ടു പോയാൽ മതി.

അഭി ഒരക്ഷരം മിണ്ടാതെ ആരുടെയും മുഖത്ത് നോക്കാതെ ഭക്ഷണം കഴിക്കുന്നത്‌ കണ്ട് ചിരി വന്നു മഞ്ജിമക്ക്.

മഞ്ജിമയുടെ ചിരി കണ്ട് ജലജ പറഞ്ഞു : ഇപ്പോൾ മനസിലായല്ലോ, ഇവനെ എങ്ങനെ ആണ് ഡീൽ ചെയ്യേണ്ടത് എന്ന്. ഇനി നീ വേണം നോക്കാൻ.

മഞ്ജിമയുടെ മുഖത്ത് പുഞ്ചിരി ആയിരുന്നു എങ്കിൽ, അഭിയുടെ മുഖത്ത് ഒരു നാണം ആയിരുന്നു. മഞ്ജിമ മാത്രം മനസിലാക്കി അത്.

...........................................................................

രണ്ട് ദിവസം കൊണ്ട് ജലജ മനസിലാക്കി, മഞ്ജിമ ചെറിയ പുള്ളി ഒന്നും അല്ല ഇപ്പോൾ എന്ന്. അല്ലെങ്കിൽ മഞ്ജിമ അറിയിച്ചു കൊടുത്തു എന്നുള്ളതാണ് സത്യം.

തന്റെ റൂമിൽ ഫോണിൽ ഇംഗ്ലീഷിലും, തമിഴിലും, അറിയാത്ത വേറെ ഏതോ ഭാഷയിൽ ഒക്കെ സംസാരിച്ചു ജോലിക്കാര്യവും, ബിസിനസ്സിന്റെ കാര്യവും, വായിൽ കൊള്ളാത്ത പൈസയുടെ കാര്യവും, ഒപ്പം ഫാഷനെ കുറിച്ചും എല്ലാം സംസാരിക്കുന്നതു കാതോർത്തു കേട്ടു ജലജ.

മഞ്ജിമയുടെ മുഖത്ത് നിന്നും ജലജ മനസിലാക്കി, തന്റെ ജോലിയിൽ ഉള്ള മഞ്ജിമയുടെ ആത്മാർത്ഥത എത്ര ആണ് എന്ന്.

ഒന്ന് ഫ്രീയായപ്പോൾ ജലജ, മഞ്ജിമയുടെ ജോലിക്കാര്യങ്ങളെ കുറിച്ച് ചോദിച്ചു .

മഞ്ജിമ തന്റെ ജോലിക്കാര്യത്തെ കുറിച്ച് ചുരുക്കി പറഞ്ഞു കൊടുത്തു ജലജയോട്. കൂടെ തന്നെ വളരെ അധികം ഇഷ്ടപ്പെടുന്ന തന്റെ ബോസ് ഫാത്തിമയുടെ കാര്യവും. തനിക്കു പുതു ജീവിതം തന്ന ഫാത്തിമയെ കുറിച്ച് നന്നായി പൊക്കി പറഞ്ഞു കൊടുത്തു ജലജയോട്.

അമ്മയുടെ കൂടെ, ഫാത്തിമ ഇത്ത കൂടെ വന്നോട്ടെ എന്ന് മഞ്ജിമ