Chapter Title : തുടക്കവും ഒടുക്കവും [ശ്രീരാജ്]

കൈ നിറയെ പണവും. കല്യാണം കഴിഞ്ഞതോടെ രണ്ട് പേരുടെയും ജോലിയും അവസാനിച്ചു മനയിലെ.

ഉഷയും സദാശിവനും കൂടി പിന്നീട് തുടങ്ങിയതാണ് വീടിനോട് ചേർന്നുള്ള ചെറിയ ചായക്കട. ഭക്ഷണത്തിനു ക്ഷാമം ഇല്ല എന്നു മാത്രം. മഞ്ജിമയുടെ അച്ഛന് കിട്ടുന്ന പൈസയിൽ പകുതി കുടിച്ചു കളയാനെ തികഞ്ഞിരുന്നുള്ളൂ.
വർഷങ്ങൾ കഴിഞ്ഞിട്ടും നാവിനു എല്ല് ഇല്ലാത്ത പെണ്ണുങ്ങളുടെ സംസാരം മഞ്ജുവും കേട്ടു, താൻ മനയിലെ ആന ചവിട്ടി കൊന്ന തമ്പ്രാന്റെ വിത്താണ് എന്ന് ഉള്ളത്. അമ്മയുടെയും അച്ഛന്റെയും കല്യണം കഴിഞ്ഞ് മൂന്നു മാസത്തിനു ശേഷം ഉള്ള തന്റെ ജനനവും, അച്ഛന്റെയും അമ്മയുടെയും അനിയത്തിയുടെയും ഛായയും തന്റെ ഛായയും തമ്മിലുള്ള വ്യത്യാസവും അച്ഛന് തന്നെക്കാൾ കൂടുതൽ അനിയത്തി അഞ്ജുവിനോടുള്ള ഇഷ്ടവും എല്ലാം മഞ്ജുവിന് കേട്ടത് സത്യമാണ് എന്നൊരു തോന്നൽ ഉണ്ടാക്കി എടുത്തു.
വർഷങ്ങൾ കടന്നു പോയി,,മഞ്ജിമ പ്ലസ്ടു കോമേഴ്‌സ് കഷ്ടിച്ച് കടന്നു കൂടി ഫാഷൻ ഡിസൈൻ കോഴ്സിന് ചേർന്നു. ഫാഷൻ ഡിസൈൻ കോഴ്സ് കഴിയാറാവുമ്പോൾ ആണ് മഞ്ജിമക്ക് വിവാഹലോചനകൾ വന്നു തുടങ്ങുന്നത്.
അങ്ങിനെ ഒരു ദിവസം ആണ് ബ്രോക്കറും വിനയനും, വിനയന്റെ അച്ഛനും അമ്മയും ആയിരുന്നു പെണ്ണുകാണാൻ ആയി വന്നത് . നല്ല പ്രൗടിയോടെ കഴുത്തു നിറയെ സ്വർണ മാലയും സ്വർണ വളയും ഒക്കെ അണിഞ്ഞു അമ്മയും, അമ്മക്കൊപ്പം മൂളിക്കൊണ്ടിരിക്കുന്ന അച്ഛനും ഒന്നും മിണ്ടാതെ വെളുത്ത മുണ്ടും ഷർട്ടും ഇട്ടു ഇരിക്കുന്ന വിനയനും.
ചായ കുടി കഴിഞ്ഞു ജാതകം നോക്കി പറയാം എന്നു പറഞ്ഞു അവർ ഇറങ്ങിയപ്പോൾ മഞ്ജിമ ഒന്നും പ്രതീക്ഷിച്ചിരുന്നില്ല.
പക്ഷെ രണ്ടു ദിവസങ്ങൾക്കു ശേഷം ബ്രോക്കർ വന്നു അവർക്കു പെണ്ണിനെ