Chapter Title : ടോക്സിക് 2 [സാത്യകി]

മനസ്സിൽ പറഞ്ഞു..

ഷൂട്ടിംഗ് ഇതിനിടയിൽ മുന്നോട്ടു തന്നെ പോയി. രോഹന്റെ രൂപത്തിൽ ഞാൻ പിന്നീട് അവതരിക്കാഞ്ഞത് കൊണ്ട് രോഹന്റെ സ്‌ഥിരം അവരാതങ്ങൾ സെറ്റിൽ ഉള്ളവർക്ക് വീണ്ടും സാക്ഷി ആകേണ്ടി വന്നു. അതൊഴിച്ചാൽ എല്ലാം ഭംഗി ആയി പൊക്കോണ്ട് ഇരുന്നു.. ഞങ്ങളുടെ സൈഡിൽ നിന്നും അബദ്ധം ഒന്നും ഉണ്ടായില്ല. സുനി ഇതിനിടയിൽ മോതിരം വച്ചു invisible ആയി പാലാ മേക്കപ്പ് റൂമിലും കറങ്ങി നടക്കുന്നുണ്ടായിരുന്നു.. പക്ഷെ അവൻ അബദ്ധം ഒന്നും ഉണ്ടാക്കി പിടി കൊടുത്തില്ല.. ഇതിനിടയിൽ ആകെ ഒരു അബദ്ധം പിണഞ്ഞത് എനിക്ക് ആയിരുന്നു..

അതത്ര വലിയ അബദ്ധം ഒന്നും അല്ലായിരുന്നു. പക്ഷെ നല്ല തെറി കേൾക്കേണ്ട ഒന്ന് തന്നെ ആണ്.. ഷൂട്ടിനിടയിൽ ആണ് സംഭവം.. അന്ന് നല്ല ചൂട് ഉണ്ടായിരുന്നു. വെയിൽ ഒക്കെ അടിച്ചു ഞാൻ ആകെ തളർന്നിരുന്നു.. ഷൂട്ടിനു വക്കണ്ട പ്രോപ്പർട്ടി റെഡി ആക്കുന്നതിന് ഇടയിൽ ഞാൻ ഒന്ന് വെള്ളം കുടിച്ചു.. കുടിച്ചു അണ്ണാക്കിൽ ഇറങ്ങി കഴിഞ്ഞാണ് വെള്ളത്തിന്റെ രുചിക്ക് ഒരു വ്യത്യാസം ഉണ്ടെന്ന് ഞാൻ അറിഞ്ഞത്.. മിനറൽ വാട്ടർ ആണെന്ന് കരുതി ഞാൻ എടുത്തു കുടിച്ചത് ജ്യൂസ്‌ ആണ്.. അതും നായികക്ക് കുടിക്കാൻ എടുത്തു വച്ചിരുന്ന ജ്യൂസ്

സംഭവം പിറകിൽ മിനറൽ വാട്ടർ കുപ്പി ഉണ്ടായിരുന്നു. പക്ഷെ കുത്തി ഇരുന്നു പണി എടുക്കുന്ന ഞാൻ എളുപ്പത്തിന് തിരിഞ്ഞ് നോക്കാതെ കുപ്പി എടുത്തു കുടിച്ചത് ആണ്.. നായികയുടെ ടീം അവിടേക്ക് വന്നു കുപ്പി അവിടെ വച്ചത് ഞാൻ ശ്രദ്ധിച്ചേ ഇല്ലായിരുന്നു..

അബദ്ധം മനസിലാക്കി ഞാൻ പെട്ടന്ന് തിരിഞ്ഞപ്പോ നായിക ഹിമയും അവളുടെ മേക്കപ്പ് മാനും എന്നെ