Chapter Title : Tomboy love 7 ❤❤ [Fang leng]

നാലു മണിയൊക്കെയാകുമ്പോൾ തിരിച്ചു വരാൻ പറ്റും

അമ്മു : എക്സിക്യൂട്ടീവ് എന്ന് പറയുബോൾ

അർജുൻ : ഓരോ ഷോപ്പിൽ ചെല്ലണം നമ്മുടെ പ്രോഡക്റ്റ് പരിചയപ്പെടുത്തണം പിന്നെ ഓഡർ എടുക്കണം അത് കമ്പനിയിൽ എത്തിക്കണം ഞാൻ പഠിച്ചതുമായി ഒരു ബന്ധവുമില്ലാത്ത ജോലിയാ പക്ഷെ കാര്യങ്ങളൊക്കെ ഒന്ന് കലങ്ങി തെളിയുന്നത് വരെ ഇതാ നല്ലത് എന്തെങ്കിലും ആവശ്യം ഉണ്ടെങ്കിൽ ഇങ്ങോട്ടേക്കു ഓടി വരാല്ലോ പക്ഷെ ഒരു പ്രശ്നമുണ്ട് ബൈക്കൊ സ്കൂട്ടറോ ഇല്ലാതെ ജോലി ചെയ്യാൻ പറ്റില്ല ഒരുപാടിടാത്തൊക്കെ പോകാൻ ഉള്ളതല്ലേ ഞാൻ ഒരാളോട് കുറച്ച് പൈസ ചോദിച്ചിട്ടുണ്ട് തല്ക്കാലം ഒരു സെക്കന്റ്‌ ഹാൻഡ് ബൈക്ക് വാങ്ങാം രണ്ട് ദിവസത്തിനുള്ളിൽ തീരുമാനം പറയാനാ അവർ പറഞ്ഞത് ഞാൻ എന്തായാലും പോകാൻ തീരുമാനിച്ചു കാര്യങ്ങളൊക്കെ നടക്കണ്ടേ

ഇത് കേട്ട അമ്മു പതിയെ കയ്യിൽ കിടന്ന രണ്ട് മോതിരങ്ങൾ ഊരി മേശപ്പുറത്ത് വച്ചു ശേഷം അർജുൻ വാങ്ങി നൽകിയ കമ്മലും ഊരാനായി തുടങ്ങി

അർജുൻ : നീ എന്താ അമ്മു ഈ കാണിക്കുന്നേ

അമ്മു : ഇനി ആരുടെയും കയ്യിൽ നിന്നും കടം വാങ്ങണ്ട ഇത് വിറ്റ് പുതിയൊരു ബൈക്ക് വാങ്ങാം

അർജുൻ : നീ മിണ്ടാതിരുന്നേ അമ്മു പൈസയൊക്കെ ഞാൻ വേറെ ഒപ്പിച്ചുകൊള്ളാം അത് നിന്റെ കാതിൽ കിടന്നോട്ടെ ഞാൻ ആശിച്ചു വാങ്ങിയതാ

അമ്മു : സാരമില്ല അജു അല്ലെങ്കിലും എനിക്ക് ഗോൾഡ് ഇഷ്ടമില്ലാ എന്ന് അറിയില്ലേ പുതിയ ബൈക്ക് വാങ്ങിക്കോ എന്നാലല്ലേ നമുക്ക് കറങ്ങാനൊക്കെ പോകാൻ പറ്റു

ഇത്രയും പറഞ്ഞു അമ്മു കമ്മല് കൂടി ഊരി വച്ചു

അമ്മു : പണയമൊന്നും വെക്കേണ്ട വിറ്റാൽ മതി എങ്കിലേ കാശ് തികയു

ഇത് കേട്ട അർജുൻ ഒന്നും മിണ്ടിയില്ല

അമ്മു : എന്തിനാ അജു വിഷമിക്കുന്നെ ഇത് ആകാശം ഇടിഞ്ഞു വീഴുന്ന കാര്യമൊന്നുമല്ലല്ലോ എന്റെ മുന്നിൽ എന്തിനാ നാണക്കേടൊക്കെ

അർജുൻ ഒന്നുകൂടി അമ്മുവിനെ നോക്കിയ ശേഷം ആ സ്വർണ്ണം കയ്യിലെടുത്തു

ഒരു മാസത്തിന് ശേഷം

റിയാസ് : അപ്പോൾ ഇതുവരെ നിന്റെ വീട്ടുകാർ നിന്നെ വിളിക്കുകയൊ വന്നു കാണുകയോ ഒന്നും ചെയ്തില്ല അല്ലേ

അർജുൻ