Chapter Title : ടോക്സിക് 3 [സാത്യകി]

ഇല്ലയോ എന്ന് എനിക്ക് അപ്പോളും ഒരു സംശയം ഉണ്ടായിരുന്നു. സമർ കൂടി മരിച്ചാൽ ഞങ്ങൾക്ക് മുന്നിൽ പിന്നീട് വഴികൾ ഒന്നുമില്ല. സമറിന്റെ മരണവാർത്തയുമായി പിറ്റേന്ന് ഞങ്ങളുടെ വാതിലിൽ മുട്ടിയത് മറ്റാരും ആയിരുന്നില്ല.. ജോർജ് സാർ തന്നെ ആയിരുന്നു..

'നിന്നോട് ഒരു കാര്യം പേർസണൽ ആയി പറയണം എന്ന് കരുതി..'

അകത്തു ബെഡിൽ വന്നു ഇരുന്നു ജോർജ് സാർ സംസാരിച്ചു.. ഞാനും സുനിയും എഴുന്നേറ്റ് നിൽക്കുക ആയിരുന്നു. ഏത് നിമിഷവും വരുന്ന വിലങ്ങിനായെന്നോണം കൈ കൂട്ടിപ്പിടിച്ചു ആണ് സുനിയുടെ നിൽപ്പ്.

'എന്താ സാർ..?

ഞാൻ കാര്യം അറിയാത്തത് പോലെ ചോദിച്ചു

'ഞാൻ നിന്നോട് പറഞ്ഞ ആ suspect.. അവൻ ഇന്നലെ മരിച്ചു..'

ഞാൻ കൊന്ന ഒരാളെ പറ്റി ആണ് സാർ ഇപ്പോൾ എന്നോട് സംസാരിച്ചത്. പക്ഷെ എന്റെ മനസ്സിൽ എന്ത് കൊണ്ടോ വലിയ ഒരു കുറ്റബോധം അപ്പോൾ ഉണ്ടായില്ല. സമർ മരിക്കേണ്ടവൻ തന്നെ എന്ന ബോധം ഞാൻ തന്നെ ഉണ്ടാക്കിയിരുന്നു..

'ആര്... സമറോ..?

ഞാൻ ചോദിച്ചു

'Yes..'

ജോർജ് സാർ ഞങ്ങളെ നോക്കി പറഞ്ഞു

എല്ലാം അറിഞ്ഞിട്ട് ആണോ സാർ ഇവിടേക്ക് വന്നത് എന്ന് ഞാൻ ചിന്തിച്ചു. ഞങ്ങളെ അറസ്റ്റ് ചെയ്യാൻ ആണെങ്കിൽ കൂടെ പോലീസ് ആയിട്ടാണ് വരേണ്ടത്. ഇത് സാർ ഒറ്റയ്ക്ക് ആണ് വന്നത്. അപ്പോൾ അറസ്റ്റ് ആവില്ല മനസ്സിൽ. സമറിന്റെ കൊലപാതകവും ഞങ്ങളെയും ബന്ധിക്കുന്ന തെളിവുകൾ ഒന്നും അവിടെ ഞങ്ങൾ ഇട്ടിട്ട് പോന്നിട്ടില്ല എന്നായിരുന്നു ഞങ്ങളുടെ വിശ്വാസം. Cctv, fingerprints അങ്ങനെ ഒന്നിലും ഞങ്ങളുടെ അടയാളം എവിടെയും ഉണ്ടാവില്ല.. ഒരുപക്ഷെ ഒരു സംശയത്തിന്റെ മാത്രം പുറത്ത്