Chapter Title : ട്രാപ്പ്ഡ് ഇൻ ഹെവൻ [Danmee]

ചിരവ താഴെ ഇട്ട്  തേങ്ങ കയ്യിൽ എടുത്ത് പൊക്കി പിടിച്ചു. അതിൽ നിന്നും ഇറ്റ് വീണുകൊണ്ടിരുന്ന തേങ്ങ വെള്ളം കുടിച്ചു. വെള്ളം കഴിഞ്ഞു എന്ന് തോന്നിയപ്പോൾ. ഞാൻ ചിരവ കൊണ്ട് തോണ്ട് പൊതിച്ചു മാറ്റി. തേങ്ങ കൈയിൽ എടുത്ത് ഞാൻ ഫിത്തിയിൽ ഇടിച്ചു പൊട്ടിച്ചു. അതിൽ നിന്നും ഞാൻ തേങ്ങ കടിച്ചു തിന്നുകൊണ്ട് മുൻപിലേക്ക് വന്ന് അവിടെ ഉണ്ടായിരുന്ന ശർക്കര ചാക്കിൽ നിന്നും ഒരെണ്ണം എടുത്ത് കടിച്ചു നോക്കി. അത്‌ കേടായി തുടങ്ങിയിരുന്നു എങ്കിലും ഞാൻ തെങ്ങയും കൂട്ടി കഴിച്ചു.  ചിരട്ട ഒക്കെ അവിടെ തന്നെ വെച്ച് ഞാൻ പുറത്തേക്ക് വന്നു. അപ്പോഴാണ് ഞാൻ റിൻസിയുടെ കാര്യം ഓർത്തത് അവളും ഒന്നും കഴിച്ചിട്ടില്ല. ഞാൻ അകത്തു കയറി ഒരു തേങ്ങ കൂടി പൊതിച്ചു. എന്നിട്ട് ചിരട്ടയിലെ കണ്ണുകളിൽ ഒന്നിൽ തുള ഇട്ടു.

അവിടെ കരഞ്ഞു കലങ്ങിയ കണ്ണുകളും ആയി ഇരിക്കുന്ന റിൻസിക്ക് നേരെ ഞാൻ തേങ്ങ നീട്ടി.

" ഇന്നാ ഇത് കുടിക്കു.........  എന്നിട്ട് അത്‌ പൊട്ടിച്ചു കഴിച്ചോളൂ "

അവൾ എന്നെ ഒന്നു നോക്കി എന്നിട്ട് പറഞ്ഞു.

" എനിക്ക് വേണ്ട......... എനിക്ക് വീട്ടിൽ പോയാൽ മതി "

" ആദ്യം  നീ ഇത് കുടിക്ക്......... അല്ലെങ്കിൽ പട്ടിണി കിടന്നു ചാവും................. നീ പേടിക്കണ്ട  കഴിഞ്ഞ പ്രളയത്തിന്  ഹെലികോപ്റ്റർ ഒക്കെ വന്നല്ലേ ആളുകളെ കൂട്ടികൊണ്ട് പോയത്............ അങ്ങനെ ആരെങ്കിലും എങ്ങനെയെങ്കിലും ഇവിടേക്ക് വരും എന്ന് വിശ്വസിക്കാം "

അവൾ കണ്ണുനീർ തുടച്ചു കൊണ്ട് എന്റെ കയ്യിൽ നിന്നും തേങ്ങ വാങ്ങി കുടിച്ചു.  അവൾ വെള്ളം കഴിഞ്ഞപ്പോൾ അതു കുലിക്കി കൊണ്ടു നാക്ക് പുറത്തേക്ക് നീട്ടി അവസാന തുള്ളിയും വായിലാക്കി. ഞാൻ അവളുടെ കയ്യിൽ നിന്നും അതു വാങ്ങിച്ചു ഫിത്തിയിൽ അടിച്ചു പൊട്ടിച്ചിട്ട് അവളുടെ കയ്യിൽ തേങ്ങ പുളുകൾ കൊടുത്തു. അവൾ അത്‌ കഴിക്കാൻ തുടങ്ങി. ഞാൻ അകത്തു പോയി ഒരു ശർക്കര കണ്ടം കൂടി എടുത്ത് അവൾക്ക് കൊടുത്തു.

" ഇതിനു ഇരു ചവർപ്പ് ഇല്ലേ "

" ഇവിടെ ഫൈവ് സ്റ്റാർ ഫുഡ്‌ ഒന്നും ഇരിപ്പില്ല......